ޤާނޫނު ނަންބަރ 24/2019 "ޤާނޫނު ނަންބަރ 7/2010 (ދިވެހިރާއްޖޭގެ އިދާރީ ދާއިރާތައް ލަމަރުކަޒީ އުޞޫލުން ހިންގުމުގެ ޤާނޫނު) އަށް 8 ވަނަ އިސްލާޙް ގެނައުމުގެ ޤާނޫނު" އިން ގދ.ހޯނޑެއްދޫ ކައުންސިލްގެ އިޙްތިޞާޞް ކަމުގައި ކަނޑަޅާފައިވާ ސަރަޙައްދުގައި ހިމެނޭ ރަށްތަކާއި ފަޅުތަކުން އެއްވެސް ފަރާތަކުން ވެލި/އަކިރި ފަދަ ތަކެތި ނެގުމަކީ މަނާކަމެކެވެ.

ވީމާ، މި ކައުންސިލްގެ އިޙްތިޞާޞްގައި ހިމެނޭ ސަރަޙައްދުން ވެލި/އަކިރި ފަދަ ތަކެތި ނަގާ ފަރާތްތަކާއިމެދު ޤާނޫނާއި ޤަވާއިދާ އެއްގޮތްވާ ގޮތުގެމަތިން ފިޔަވަޅު އެޅޭނެ ވާހަކަ ދެންނެވީމެވެ. އަދި މި އިޢުލާނާއިއެކު ހޯނޑެއްދޫ ކައުންސިލްގެ އިޙްތިޞާޞް ހިގާ ސަރަޙައްދުގެ ޗާޓެއް މަޢުލޫމާތަށްޓަކައި ޢާންމުކުރީމެވެ.

މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.