ދިވެހިރާއްޖެ
ނަންބަރު: (IUL)321-A/321/2021/89
އިޢުލާން
ވޭޖް އެމްޕްލޯއިމެންޓްގެ ދަށުން މިއދާރާގައި މަސައްކަތްކުރާނެ މުވައްޒަފަކު ހޯދުމަށް ބޭނުންވެއްޖެއެވެ. ވީމާ، މިކަމަށް ޝައުޤުވެރިވެލައްވާ ފަރާތްތަކުން، އިޢުލާނުގައި ބަޔާންކޮށްފައިވާ ގޮތުގެމަތިން މަޢުލޫމާތު ފުރިހަމަކުރުމަށްފަހު ހުށަހެޅުއްވުން އެދެމެވެ.
މަޤާމް: އެސިސްޓެންޓް މުނިސިޕަލް ސަރވިސް އޮފިސަރ (ވަގުތީ)
ބޭނުންވާ ޢަދަދު: 01 (އެކެއް)
މުއްދަތު: 03 މަސްދުވަސް (03 މަސްދުވަހުގެ ތެރޭގައި ދާއިމީ މުވައްޒަފަކު ހަމަޖެހިއްޖެ ނަމަ، ވަޒީފާއިން ވަކިކުރެވޭނެއެވެ. އަދި އެމުއްދަތުގައި ދާއިމީ މުވައްޒަފަކު ހަމަނުޖެހިއްޖެނަމަ، 03 މަސްދުވަސް ހަމަވުމުން މުއްދަތު އިތުރުކުރެވިދާނެއެވެ.)
އުޖޫރަ: މަސައްކަތްކުރައްވާގަޑިއިރަކަށް 35.00 ރުފިޔާ (ތިރީސް ފަސް ރުފިޔާ)
ސާރވިސް އެލަވަންސް: މަސައްކަތްކުރައްވާ ރަސްމީ ކޮންމެ ދުވަހަކަށް 40.00 ރުފިޔާ (ސާޅީސް ރުފިޔާ)
އޮފީސް / އިދާރާ: މާޅޮސްމަޑުލު ދެކުނުބުރީ ތުޅާދޫ ކައުންސިލްގެ އިދާރާ
ފެންވަރު ނުވަތަ ޝަރުޠު: ސާނަވީ ނުވަތަ އެއާއި އެއްފެންވަރުގެ އިމްތިޙާނަކުން 02 މާއްދާއިން ދަށްވެގެން "ޑީ" ގްރޭޑް ލިބިފައިވުމާއިއެކު އޭގެ އިތުރުން "ސެކަންޑަރީ ސްކޫލް" ނުވަތަ "ހަޔަރ ސެކަންޑަރީ ސްކޫލް" ސެޓްފިކެޓް އިމްތިޙާނުގައި "ދިވެހި" މިމާއްދާއިން "ސީ" ގްރޭޑް ލިބިފައިވުން
ކުރަންޖެހޭ މަސައްކަތް:
- ރަށުގެ މަގުތަކާއި ޕާކުތަކާއި މައިދާންފަދަ ތަންތަން ވަގުތީގޮތުން ނުވަތަ ދާއިމީގޮތުން ހުޅުވާ ބަންދުކުރުމުގެ އިންތިޒާމްތައް ހަމަޖައްސާ ބެލެހެއްޓުން
- މިސްކިތްތަކަށް ލިބޭ ގެއްލުންތައް ބަލާ، މަރާމާތުކުރަންޖެހޭ ކަމެއްހުރިނަމަ، އެކަމެއް ސްޕަވައިޒަރުގެ ސަމާލުކަމަށް، އިދާރާއިން އަންގާ ގޮތެއްގެ މަތިން ކުރިއަށް ގެންދިއުން
- ރަށުގެ ބަނދަރާއި، މަގުތަކާއި، އިޖްތިމާޢީ ސަރަހައްދުތައް ކުނިކަހާ ސާފުކުރުމުގެ އިދާރީ އިންތިޒާމްތައް ސްޕަވައިޒަރު އަންގާ ގޮތެއްގެ މަތިން ކުރުން
- ރަށުގެ ކުނިނައްތާލުމުގެ ނިޒާމާއިބެހޭ ގޮތުން ހަމަޖައްސަންޖެހޭ އެންމެހާ ކަންކަމާއި، ސްޕަވައިޒްކޮށް ބަލަންޖެހޭ މަސައްކަތްތައް ބެލުން
- މަގުމަތި ބައްތިތައް ދިއްލުމާއި، މަރާމާތުކުރުމުގެ މަސައްކަތުގެ އިދާރީ އިންތިޒާމްތައް ހަމަޖައްސާ ބެލެހެއްޓުން
- ފެނާއި، ނަރުދަމާ ނިޒާމާއި ބެހޭގޮތުން އިދާރީގޮތުން ކުރަންޖެހޭ އެންމެހާ މަސައްކަތްތައް ސްޕަވައިޒަރު އަންގާގޮތެއްގެ މަތިން ކުރިއަށް ގެންދިއުން
- ރަށުގައި ދިރިއުޅޭ ބިދޭސީންގެ ދަފްތަރު ލިޔެ، ބެލެހެއްޓުން
- ދިވެހިރާއްޖޭގެ ޤާނޫނާއި އެއްގޮތްވާގޮތުގެ މަތިން ފިހާރަތަކާއި، ހޮޓާތަކާއި، ރެސްޓޯރެންޓްތަކާއި، ކެފޭތަކާއި، ގެސްޓްހައުސްތަކާއި، އޮޑިދޯނިފަހަރުގެ ސާރވޭކޮށް، ހުއްދަދޫކުރުމަށް ކަމާބެހޭ މުވައްޒަފަކާއި ނުވަތަ ސެކްޝަނާއި ހަވާލުކުރުން
- ތުޅާދޫ ލޭންޑްޔުސް ޕްލޭންގައިވާ ގޮތުގެމަތިން އެކި ކަންކަމަށް ބިންދޫކުރުމަށް ކަމާބެހޭ ފަރާތްތަކުން ނަގަންޖެހޭ ހުއްދަ ހޯދުމާއި، ބިމާއިބެހޭގޮތުން ކުރަންޖެހޭ އިދާރީ މަސައްކަތްތައް ސްޕަވައިޒަރު އަންގާގޮތެއްގެ މަތިން ކުރުން
- ބިމާއި ބެހޭގޮތުން ހައްދަންޖެހޭ އެކިއެކި ރަޖިސްޓްރީތައް ހެއްދުން
- ސެކްޝަނާއި ޙަވާލުކުރެވިފައި ހުންނަ އެންމެހައި ތަކެތި ރައްކާތެރިކަމާއެކު ބަލަހައްޓާ، ލިޔެކިޔުންތައް ވަކި އިންތިޒާމެއްގެ މަތިން ފައިލްކޮށް، ނައްތާލަންޖެހޭ ލިޔެކިޔުންތައް ކަނޑައެޅިފައިވާ އުޞޫލާއި އެއްގޮތަށް ނައްތާލުން
- އިދާރީ މަސައްކަތްތަކުގެ އިތުރުން ރައްޔިތުންނާއި ގުޅުންހުރި އަސާސީ ޚިދުމަތްތައް ހަލުވިކަމާއެކުކޮށް، ދުވަހުން ދުވަހުން ނިންމުން
- ރަށުކައުންސިލްގެ އިދާރާއިން ކުރިއަށް ގެންދާ ޚާއްސަ މަސައްކަތްތަކުގައި ބައިވެރިވުމާއި ކައުންސިލްއިދާރާ ހިންގަވަން ހުންނަވާ ވެރިއަކު، މަސައްކަތުގެ ދާއިރާގެ ތެރެއިން ޙަވަލުކުރައްވާ މަސައްކަތްތަކާއި ކަންކަން ވީ އެންމެ އަވަހަކަށް ނިންމުމުގައި އެބޭފުޅަކާ އެހީތެރިވެ، އެއްބާރުލުން ދީގެން މަސައްކަތްކުރުން
ހުށަހަޅަންޖެހޭ ލިޔުންތައް:
1.ވޭޖްއެމްޕްލޯއިމެންޓްގެ ދަށުން ތުޅާދޫ ކައުންސިލްގެ ވަގުތީ ވަޒީފާއަށް އެދޭ ފޯމު (މިފޯމް ތުޅާދޫ ކައުންސިލްގެ އިދާރާއިން ލިބެން ހުންނާނެއެވެ.)
2.ވަޒީފާއަށް އެދޭ ފަރާތުގެ ވަނަވަރު (ސީވީ)
3.ވަޒީފާއަށް އެދޭ ފަރާތަށް ލިބިފައިވާ ތަޢުލީމާއި ތަމްރީން ދެނެގަތުމަށް ބޭނުންވާ ލިޔުންތަކުގެ ކޮޕީއާއި އަދި މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ.
4.ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށް ފެންނާނޭ ލިޔެފައިވާ ލިޔުންތައް ކިޔަން އެނގޭ ފަދަ ކޮޕީ
މަޤާމަށް އެދެންވީ ގޮތާއި ސުންގަޑި: މިއިޢުލާނާއި ގުޅިގެން ވަޒީފާއަށް އެދޭ ފޯމް ހުށަހަޅުއްވާނީ 2021 ޖުލައި 12 ވާ ހޯމަ ދުވަހުގެ 14:00 ގެކުރިން މާޅޮސްމަޑުލުދެކުނުބުރީ ތުޅާދޫ ކައުންސިލްގެ އިދާރާއަށެވެ. އީމެއިލް ގެ ޒަރީއާއިން ފޮނުވާ ސިޓީތައްވެސް ޤަބޫލުކުރެވޭނެއެވެ.
މި އިޢުލާނާއި ގުޅިގެން މަޢުލޫމާތު ސާފުކުރެއްވުމަށް ގުޅުއްވާނީ 6600006 ނަންބަރު ފޯނާއެވެ. މެއިލް ކުރައްވާނަމަ، ކުރައްވާނީ [email protected] އަށެވެ.
24 ޛުލްޤަޢިދާ 1442