ގްރޭޑް

2021 ވަނަ އަހަރު ދަރިވަރުން ވައްދާ ޢުމުރު ފުރާ

އިސްތިސްނާ / އިތުރު ބަޔާން

އެލް. ކޭ. ޖީ

2021 ޑިސެންބަރު 31 އަށް 05 އަހަރު ފުރޭ ދަރިވަރުން

ނަރސަރީ ފުރިހަމަކޮށްފައިވާ ދަރިވަރަކީ 4 އަހަރު ފުރި އަދި ފެށޭ ދިރާސީ އަހަރުގެތެރޭގައި (31 މާރިޗު 2022 އާ ހަމައަށް) 5 އަހަރު ފުރޭނެ ދަރިވަރެއް ކަމުގައި ވާނަމަ އެދަރިވަރެއްގެ ބެލެނިވެރިޔާ ބޭނުން ނަމަ އެދަރިވަރަކަށް އެލް.ކޭ.ޖީން ޖާގަ ލިބޭނެއެވެ.

މީގެ އިތުރުން ނާރސަރީ ފުރިހަމަ ކޮށްފައިނުވާ، އަލަށް ސްކޫލަށް ވަންނަ ދަރިވަރުންގެ ތެރެއިން 1 އޮގަސްޓް 2021 އަށް 4 އަހަރު ފުރޭ ދަރިވަރުންނަށް ވެސް އެލް.ކޭ.ޖީ އިން ޖާގަ ލިބޭނެއެވެ.

ޔޫ. ކޭ. ޖީ

2021 ޑިސެންބަރު 31 އަށް 06 އަހަރު ފުރޭ ދަރިވަރުން

2021 އޮގަސްޓު 1 އަށް 5 އަހަރު ފުރޭ ދަރިވަރުން، ނިމިދިޔަ ދިރާސީ އަހަރުގެ 02 ވަނަ ޓާރމުގައި، 6 މަސްދުވަހުގެ ޚާއްޞަ ޕްރޮގްރާމު ގައި ބައިވެރިވެފައިވާ ދަރިވަރުން، 2021-2022 ވަނައަހަރުގެ ދިރާސީ އަހަރުގައި ޔޫ.ކޭ.ޖީއަށް ބަދަލުކުރެވޭނެއެވެ.

އެލް.ކޭ.ޖީ ފުރިހަމަކޮށްފައިވާ ދަރިވަރަކީ 5 އަހަރު ފުރި އަދި ފެށޭ ދިރާސީ އަހަރުގެތެރޭގައި (31 މާރިޗު 2022 އާ ހަމައަށް) 6 އަހަރު ފުރޭނެ ދަރިވަރެއް ކަމުގައި ވާނަމަ އެދަރިވަރެއްގެ ބެލެނިވެރިޔާ ބޭނުން ނަމަ އެދަރިވަރަކަށް ޔޫ.ކޭ.ޖީން ޖާގަ ލިބޭނެއެވެ.

ގްރޭޑް 01

2021 ޑިސެންބަރު 31 އަށް 07 އަހަރު ފުރޭ ދަރިވަރުން

ޔޫ.ކޭ.ޖީ ފުރިހަމަކޮށްފައިވާ ދަރިވަރަކީ 6 އަހަރު ފުރި އަދި ފެށޭ ދިރާސީ އަހަރުގެތެރޭގައި (31 މާރިޗު 2022 އާ ހަމައަށް) 7 އަހަރު ފުރޭނެ ދަރިވަރެއް ކަމުގައި ވާނަމަ އެދަރިވަރެއްގެ ބެލެނިވެރިޔާ ބޭނުން ނަމަ އެދަރިވަރަކަށް ގްރޭޑް 01 ން ޖާގަ ލިބޭނެއެވެ.