މިއިދާރާގެ ލޯގޯ ފަރުމާ ކޮށްދޭނެ ފަރާތެއް ހޯދަން ބޭނުން ވެއްޖެ

              މިކައުންސިލް އިދާރާގައި ރަސްމީކޮށް ބޭނުންކުރުމަށް ލޯގޯއެއް ތައްޔާރު ކުރުމަށް ބޭނުންވެއްޖެ އެވެ. ވީމާ ތިރީގައިވާ މައުލޫމާތާއި އެއްގޮތަށް ލޯގޯ ފަރުމާކޮށް 14 ޖުލައި 2021 ވަނަ ދުވަހުގެ 14:00 ގެ ކުރިން ހުށަހެޅުމަށް ފުރުޞަތު ހުޅުވާލަމެވެ.

ބައިވެރިވުމުގެ ފުރުޞަތު:

• ލޯގޯ ހުށަހެޅުމުގެ ފުރުޞަތު ދިއްފުށީގެ އެންމެހާ ރައްޔިތުންނަށްވަނީ ހުޅުވާލެވިފައެވެ.

ލޯގޯގެ ޝަރުތުތައް:

• ލޯގޯއަކީ ދިއްފުށި ރަމްޒުކޮށްދޭ، އެހެންރަށްރަށާ ދިއްފުއްޓާ ތަފާތުވާންޖެހޭ ސަބަބު ދައްކައިދޭ އަދި ރަށުގެ ތާރީޚާއި ގުޅުން ހުރި ލޯގޯއެއް ކަމުގައިވާންޖެހޭނެއެވެ.
• ލޯގޯގެ ޢާންމު ކުލަތައް ކަމުގައި ގަދަނޫކުލަ ހިމެނޭގޮތަށް ގިނަވެގެން 05 ކުލަ ހިމެނިދާނެއެވެ.

ލޯގޯ ފަރުމާކޮށް ހުށަހަޅަންޖެހޭ ފޯމެޓް

• ލޯގޯއަކީ ޑިޖިޓަލް ކުރެހުމެއް ކަމުގައިވާނަމަ ކުރެހުން ހުންނަންވާނީ 10*10 (ސެންޓިމީޓަރު) ރޭޝިއޯގައެވެ.
• ޑިޖިޓަލް ލޯގޯ ހުށަހަޅަންވާނީ .jpg ނުވަތަ .png ފޯމެޓުގައެވެ. އަދި ލޯގޯ ކައުންސިލުން އިޚްތިޔާރު ކޮށްފިނަމަ ލޯގޯގެ ވެކްޓަރ ފައިލް ފޯރުކޮށްދޭންވާނެއެވެ.
• ލޯގޯއަކީ އަތުކުރެހުމަކަށްވާނަމަ ކުރެހުން ހުންނަންވާނީ އޭ 4 ގަނޑުގައި 10*10 ސެންޓިމީޓަރުގެ އަކައެއްގައެވެ.

ލޯގޯއަށް މާކުސް ދިނުން

• ހުށަހަޅާ ލޯގޯތަކަށް މާރކްސް ދިނުމުގެ އެންމެހާ ކަންކަންކުރާނީ މާލެއަތޮޅު ދިއްފުށީ ކައުންސިލް އިދާރާގެ 05 ކައުންސިލަރުންނެވެ.

ވަނަ ހޮވުން

• ހުށަހަޅާ ލޯގޯތަކުގެ ތެރެއިން 01 ވަނަ 02 ވަނަ 03 ވަނަ ހޮވޭނެއެވެ.
• 01 ވަނައަށް ހޮވޭ ފަރާތަކަށް 1،000.00ރ (އެއްހާސް ރުފިޔާ)ގެ ރަމްޒީ ފައިސާގެ އިނާމަކާއި، ސެޓްފިކެޓް އަދި ފިލާ ހަވާލުކުރުމާއިއެކު އެލޯގޯ ކައުންސިލުގެ އޮފިޝަލް ލޯގޯގެ ގޮތުގައި ބޭނުންކުރެވޭނެއެވެ.
• 02 ވަނަ 03 ވަނައަށް ހޮވޭ ފަރާތްތަކަށް ސެޓްފިކެޓް ދެވޭނެއެވެ.

ހުށަހެޅުން

• ލޯގޯތައް ބަލައިގަންނާނީ އިދާރާގެ އިދާރީ މުވައްޒަފުން ރަސްމީ ބަންދޫނޫން ދުވަސްތަކުގެ އިދާރާ ހުޅުވިފައި ހުންނަ ގަޑިތަކުގައެވެ.

ޑިޖިޓަލް ލޯގޯ

• ޑިޖިޓަލް ލޯގޯ ހުށަހަޅާނީ މިއިދާރާގެ ނަންބަރު 7730071 ފޯނަށް ވައިބާ މެސެޖަކުންނެވެ.
• ފޮނުވާ މެސެޖުގައި ފޮޓޯއާއިއެކީ އިތުރު ލިޔުމެއް ލިޔެގެންނުވާނެއެވެ.
• ލޯގޯގައި ރަމްޒުކޮށްދޭކަންތައްތައް 05 ޖުމްލައަށްވުރެ ދިގުނުވާގޮތަށް މެސެޖެއްގެ ގޮތުގައި ނުވަތަ ފޮޓޯ ފޯމެޓްގައި ހުށަހަޅަންވާނެއެވެ. 
• އިތުރު މެސެޖެއްގައި ހުށަހަޅާ ފަރާތުގެ ނަން، އެޑްރެސް، އުމުރު، އައިޑީކާޑު ނަންބަރު، ފޯނު ނަންބަރު އަދި މެއިލް ފޮނުވަންވާނެއެވެ.

ހާޑުކޮޕީ

• ހާޑުކޮޕީ ލޯގޯ ހުށަހަޅާނީ A4 ކަރުދާހުގައެވެ.
• ލޯގޯ ހުށަހަޅާ ގަނޑުގައި އިތުރު އެއްވެސް ލިޔުމެއް (ކާކު ހުށަހެޅި ހުށަހެޅުމެއްކަން އެނގޭނެ އެއްވެސް ލިޔުމެއް، ކުރެހުމެއް ފަދަ އެއްޗެއް) ހިމަނައިގެންނުވާނެއެވެ.
• ހުށަހަޅާ ފަރާތުގެ ނަން، އެޑްރެސް، އުމުރު، އައިޑީކާޑު ނަންބަރު، ފޯނު ނަންބަރު އަދި މެއިލްގެ މައުލޫމާތު އިތުރު ގަނޑެއްގައި ހުށަހަޅަންވާނެއެވެ.
• ހުށަހަޅާ ލޯގޯތައް ހުންނަންވާނީ ބަންދުކުރެވިފައިވާ ސިޓީއުރައެއްގައި، ބޭރުގައި "މާލެއަތޮޅު ދިއްފުށީ ކައުންސިލް އިދާރާގެ ލޯގޯ ފަރުމާކުރުމާގުޅޭ" ލިޔެފައި އޮންނަންވާނެއެވެ.
• ހުށަހަޅާ ލޯގޯއާއި ގުޅޭ އެއްވެސް މައުލޫމާތެއް ކައުންސިލަރުންނާއި ހިއްސާކޮށްގެންނުވާނެއެވެ.

އިތުރު މަޢުލޫމާތު

• 01 ވަނައަށް ހޮވޭ ލޯގޯގެ ކޮޕީރައިޓްސް ކައުންސިލަށް ހަވާލުކުރަންވާނެއެވެ.
• ލޯގޯއަށް ބަދަލެއް ގެންނަންޖެހިއްޖެ ހިނދެއްގައި ލޯގޯގެ އަސްލު ނުގެއްލޭގޮތަށް އެބަދަލު ގެނައުމުގެ އިޚްތިޔާރު ކައުންސިލަށް ދޭންވާނެއެވެ.

ސުންގަޑި

• މިއިޢުލާނާއި ގުޅިގެން ހުށަހަޅާ ލޯގޯތައް ބަލައިގަންނަ އެންމެ ފަހު ވަގުތަކީ 14 ޖުލައި 2021 ގެ 14:00 އެވެ.

27   ޖޫން  2021

17 ޛުލްޤައިދާ 1442