މިއީ ކޮވިޑް 19އާއި ގުޅިގެން ގއ. ވިލިނގިލީ މޮނިޓަރިންގ ހާލަތުގައި އޮންނައިރު އަމަލުކުރަންވީގޮތުގެ އުސޫލް. މިއުސޫލަށް އަމަލުކުރަންފަށާނީ 27 މޭ 2021 ވަނަ ދުވަހުން ފެށިގެންނެވެ.

ރަށުންބޭރަށް ދިއުމުގެ އުސޫލު

1-   ފަރުމަސްވެރިކަމަށް

-       މަހަށްފުރުމުގެ ކުރިން ކައުންސިލް އިދާރާއިން ހުއްދަ ލިޔުމުން ހޯދަން ވާނެއެވެ.

-       މަހަށްދެވޭނީ އެއް އުޅަދަކުން ގިނަވެގެން 03 މީހުންނަށެވެ. އަދި ކޮވިޑް 19 އާއި ގުޅިގެން އެއްވެސްގޮތަކަށް ކަރަންޓީންކުރެވިފައިވާ ގެޔެއްގައި ދިރިއުޅޭ ފަރާތެއްނުގެންދިޔުން.

-       ކޮވިޑް 19 އަށް ފައްސިވެ ޑައިރެކްޓް ކޮންޓެކްޓް ވެފައިވާ ފަރާތެއްނުގެންދިއުން.

-       މަސްވެރިކަމަށް ދެވޭ ހުއްދައިގެ ދަށުން މީހުން ދިރިއުޅޭ އެއްވެސް ރަށަކަށް ނުފޭބުން.

-       މަހަށް ނުކުމެ އުޅޭއިރު އެއްވެސް ކަމެއް ދިމާވެއްޖެނަމަ ވިލިނގިލީ ކައުންސިލްއިދާރާއަށް އެންގުން.

-       މަހަށް ފުރާދުވަހުގެ ކުރީދުވަހުގެ ރޭ 22:00 ގެ ކުރިން ހުއްދަ ނެގުން.

-       އެޗްޕީއޭގެ ގައިޑްލައިންތަކާއި އެއްގޮތަށް އަމަލުތައް ބެހެއްޓުން.

2-   ދޮށީގެމަސްވެރިކަން

-       ކޮވިޑް 19 އަށް ފައްސިވެ ޑައިރެކްޓް ކޮންޓެކްޓް ވެފައިވާ ފަރާތެއް މަހަށް ނުގެންދިއުން.

-       މަހަށް ފުރުމުގެ ކުރިން ފަޅުވެރިންނަށް ގުޅައި އެއްވެސް ކަހަލަ އަލާމާތެއް ހުރިތޯ ބަލައި ކެޔޮޅު ޔަޤީންކުރުން.

-       ކޮވިޑް 19 އާއި ގުޅިގެން އެއްވެސްގޮތަކަށް ކަރަންޓީންކުރެވިފައިވާ ގެއެއްގައި ދިރިއުޅޭ ފަރާތެއްނަމަ ދޯނިން ނުފޭބުން. އަދި ދޯނިން ފޭބުމަށްފަހު ގެޔަށް ހިނގައްޖެނަމަ އަނބުރާ ދޯންޏަށް ނޭރުވުން.

-       ބިދޭސި އެއްވެސް މަސްވެރިޔަކު ދޯނިން ނުފޭބުން.

-       ޒަރޫރީ އެއްވެސް ބޭނުމެއް އޮތްނަމަ ކައުންސިލް އިދާރާއަށް ހުށަހެޅުން.

-       މިމުއްދަތުގައި އެއްވެސް އަލާމާތެއް ފެނިއްޖެ ނަމަ އެމީހަކު ސާމްޕަލް ނަގައި ޓެސްޓް ކުރުން އަދި ޓެސްޓުގެ ނަތީއްޖާ ލިބެންދެން ދޯންޏަށް ނޭރުވުން.

-       މަސްކިރުމާއި، އައިސްއެޅުމުގައި އެޗްޕީއޭ އިން ނެރެފައިވާ ގައިޑްލައިނާއި އެއްގޮތަށް އަމަލްކުރުން.

3-   ދޮންވެލި، އަކިރި

-       ދޮންވެލި، އަކިރި ނެގުމަށް ވަކި ހުއްދަ ނަގަންވާނެއެވެ.

-       ދޮންވެލި، އަކިރި ނެގުމަށް ދެވޭ ހުއްދައިގެ ދަށުން އެއްވެސް ރަށަކަށް ނުފޭބުން.

-       ދޮންވެލި، އަކިރި ހުއްދައިގެ ދަށުން ދެވޭނީ ގިނަވެގެން 03 މީހުންނަށް.

-       ކައުންސިލުން ނަގަންޖެހޭ ހުއްދަ ކުރީދުވަހުގެ ރޭ 22:00 ގެ ކުރިން ނެގުން.

-       ކޮވިޑް 19 އަށް ފައްސިވެ ޑައިރެކްޓް ކޮންޓެކްޓް ވެފައިވާ ފަރާތްތެއްކަމުގައި ނުވުން.

-       ކަރަންޓީންކުރެވިފައިވާ އެއްވެސް ގެއެއްގައި ދިރިއުޅެމުންގެންދާ މީހެއްކަމުގައި ނުވުން.

އެހެނިހެން މަސައްކަތްކުރުމުގެ އުސޫލު

-       ކަރަންޓީންކުރެވިފައިވާ އެއްވެސް ގެއަކުން ވިޔަފާރީގެ އެއްވެސް މުޢާމަލާތެއްނުކުރުން.

-       ކަރަންޓީންކުރެވިފައިވާ ގެއެއްގައި، އެގޭގައި ދިރިއުޅޭ ފަރާތްތަށް ފިޔަވައި ބޭރުންއަންނަ އެއްވެސް މީހަކަށް އެގޭގެ އެއްވެސް މަސައްކަތެއްނުކުރެވޭނެ.

-       ދަނޑުވެރިންނަށް ދަނޑުބިންތަކުގައި މަސައްކަތްކުރުމަށް ކޮންމެ ދުވަހަކު ހެނދުނާއި، ހަވީރު ދެވިދާނެ. ނަމަވެސް ކަރަންޓީންކުރެވިފައިވާ ގެއެއްގައި ދިރިއުޅޭ އެއްވެސް ފަރާތަކަށް ނުދެވޭނެ.

-       ދަނޑުބިންތަކަށް ދިއުމާއި، ދަނޑުބިންތަކުގައި މަސައްކަތްކުރާއިރު އެޗްޕީއޭގެ ގައިޑްލައިނާއި އެއްގޮތަށް އަމަލުތައް ބެހެއްޓުމާއި، ގިނަމީހުންނާއިއެކު އެއްވެ ނޫޅުމާއި، ގައިދުރުކަން ބެހެއްޓުން.

ނޯޓް: މިއުސޫލާއި ޚިލާފްވާ ފަރާތްތަކާއި މެދު ޤާނޫނީ ފިޔަވަޅު އެޅޭނެ ވާހަކަ ދަންނަވަމެވެ.