ދިވެހިރާއްޖެ
މި އިދާރާގެ ބެލުމުގެ ދަށުގައިވާ "ޕަބްލިކު ވޯރކްސް ލ.އިސްދޫ މަގުހަދާ ޔުނިޓް" އަށްބޭނުންވާ ޑީސަލް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ. އެހެންކަމުން، މިކަމަށް ޝައުގުވެރިވެލައްވާ ވިޔަފާރި ރަޖިސްޓަރީ ކުރުމުގެ ޤާނޫނު ނަންބަރު: 2014/18 ގެ ދަށުން ރަޖިސްޓަރީ ކޮށްފައިވާ ފަރާތްތަކުން، 2021 ޖަނަވަރީ 31 ވާ އާދިއްތަ ދުވަހުގެ 13:00 އަށް މި އިދާރާއަށް އަގު ހުށަހެޅުއްވުން އެދެމެވެ. އަގު ހުށަހަޅުއްވަންވާނީ ބަންދުކޮށްފައިވާ ސިޓީ އުރައެއްގައެވެ. ސިޓީގައި ތިރީގައި މި ދަންނަވާ މަޢުލޫމާތު ހިމަނަން ވާނެއެވެ. އަދި ސިޓީއުރައިގެ ބޭރުގައި"ޑީސަލް ސަޕްލައިކޮށްދިނުމަށް އެދި" މިހެން ލިޔެފައި އިންނަން ވާނެއެވެ.
- ޑީސަލް ސަޕްލައިކޮށްދިނުމަށް އެދި ހުށަހަޅާ ސިޓީ (ކުންފުޏީގެ ތައްގަނޑުޖަހާ ސޮއިކޮށްފައި)
- މަހަކު 400 ލީޓަރ ޑީސަލް ސަޕްލައިކޮށްދެވޭނެ އަގު ނުވަތަ ކޯޓޭޝަން
- ކުންފުނި/ޕާޓްނަރޝިޕް/ ކޯޕަރޭޓިވް ސޮސައިޓީ/ އަމިއްލަ ފަރުދުންގެ ވިޔަފާރީގެ ރެޖިސްޓްރީގެ ކޮޕީ
- ހުށަހަޅާ ފަރާތުގެ ޕްރޮފައިލް
- ޖީއެސްޓީ ރެޖިސްޓްރޭޝަން ސެޓްފިކެޓް ކޮޕީ (ޖީ.އެސް.ޓީއަށް ރެޖިސްޓްރީކޮށްފައިވާނަމަ)
- ކުރިން މިފަދަ މަސައްކަތެއް ކޮށްފައިވާނަމަ އެކަމުގެ ތަޖުރިބާގެ ލިޔުން.
- ވެރިފަރާތް ނޫން އެހެން ފަރާތެއް އެސްޓިމޭޓް ހުށަހަޅަން ވަޑައިގަންނަވާނަމަ ބަދަލްގައި ވަޑައިގެން ކަމުގެ ސިޓީ.
ޕޮއިންޓް ދިނުމުގައި ބަލާނެ ކަންކަން:
- މަސައްކަތުގެ އަގަށް %90 އެންމެ ކުޑައަގެއް ހުށަހަޅާ ފަރާތަށް އަގުގެ ގޮތުން އެންމެ ގިނަ ޕޮއިންޓް ދެވޭނެއެވެ. (ހުށަހެޅި އެންމެ ހެޔޮ އަގު/ ހުށަހެޅި އަގު × 90)
- ތަޖުރިބާއަށް (މިބަޔަށް ޕޮއިންޓް ދެވޭނީ ވޭތުވެ ދިޔަ 3 އަހަރު ދުވަހުގެ ތެރޭގައި ސަރުކުރާގެ އިދާރާއަކަށް ފޯރުކޮށްދީފައިވާ މިފަދަ ޚިދުމަތެއް ނިންމިކަމުގެ ލިޔުމަށް ބަލައި، ނިންމާފައިވާ ކޮންމެ ކަމަކަށް 1 ޕޮއިންޓް ދެވޭނެއެވެ. ދިހަ ލިޔުން އަދި އެޔަށްވުރެ އިތުރަށް ލިޔުން ހުށައަޅާ ފަރާތްތަކަށް މިބަޔަށް ފުލްކޮށް ޕޮއިންޓް ދެވޭނެއެވެ. ޖޫރިމަނާވެފައިވާ ނުވަތަ މަސައްކަތުގެ ފަރުވާކުޑަކޮށްފައިވާކަމަށް ފާހަގަކޮށްފައިވާ ލިޔުންތަކަށާއި، އަމިއްލަ ފަރާތްތަކަށް ކޮށްދީފައިވާ މަސައްކަތްތަކުގެ ލިޔުންތަކަށް ޕޮއިންޓްއެއް ނުދެވޭނެއެވެ.( ހުށަހެޅި ޕްރޮޖެކްޓް އަދަދު/ހުށަހެޅި އެންމެ ގިނަ ޕްރޮޖެކްޓް އަދަދު × 10)
ގަޑިޖެހިގެން އެސްޓިމޭޓް ހުށައަޅުއްވާ ފަރާތްތަކަށް ފުރުޞަތު ދެވެން ނެތްވާހަކަ މަޢުލޫމާތަށްޓަކައި ދެންނެވީމެވެ.