ދިރިއުޅުމަށް ބަންޑާރަ ގޯތި ދޫކުރުން

                             ކޮޅުމަޑުލު ވަންދޫއިން ދޫކުރުމަށް ހަމަޖެހިފައިވާ 2000 (ދެހާސް) އަކަފޫޓުގެ 16 (ސޯޅަ) ގޯއްޗަށް އެދުމުގެ ފުރުޞަތު 31 ޑިސެމްބަރ 2020 ވަނަ ދުވަހުން ފެށިގެން 14 ޖަނަވަރީ 2021 ވާ ބުރާސްފަތި ދުވަހުގެ 14:00 އަށް ހުޅުވާލައިފީމެވެ.

                            ގޯއްޗަށް އެދުމުގެ ޝަރުތުހަމަވާ ފަރާތްތަކުން "ދިރިއުޅުމަށްޓަކައި ކޮޅުމަޑުލު ވަންދޫއިން ބަންޑާރަ ގޯއްޗަށް އެދޭ ފޯމް" ފުރިހަމަ ކުރުމަށްފަހު ކޮޅުމަޑުލު ވަންދޫ ކައުންސިލްގެ އިދާރާއަށް ފޯމް ހުށަހެޅުއްވުން އެދެމެވެ.

ގޯއްޗަށްއެދި ހުށަހެޅުން

1. ގޯއްޗަށް އެދޭ ފޯމް ދޫކުރުމާއި ފޯމް ބައިލަގަތުން އޮންނާނީ ރަސްމީ ބަންދުނޫން ދުވަސްތަކުގެ ހެނދުނު 9:00 އިން މެންދުރު 12:00 އާ ދެމެދުއެވެ.
2. ގޯއްޗަށް އެދޭ ފޯމު ދޫކުރުމާއި ބަލައިގަތުމަށް ހަމަޖެހިފައިވަނީ ގޯއްޗަށް އެދޭ މީހާ ނުވަތަ އޭނާގެ ބަދަލުގައި ފޮނުއްވާ މީހަކު މި އިދާރާއަށް ދުރުވުމުންނެވެ. ބަދަލުގައި މީހަކު ފޮނުއްވާނަމަ ސިޓީއެއް ފޮނުއްވަން ވާނެއެވެ. އެ ސިޓީގައި ފޯމު ޙަވާލުވުން ނުވަތަ ހުށަހެޅުމަށް ފޮނުއްވާ މީހާގެ ނަމާއި އެޑްރެސް އަދި ދިވެހިރައްޔިތެއްކަން އަންގައިދޭ ކާޑު ނަންބަރު އޮންނަންވާނެއެވެ.

ގޯއްޗަށްއެދި ކުރިމަތިލާ ފަރާތްތަކުގެ ޝަރުޠުތައް

(ހ) ދިވެހިރައްޔިތެއްކަމުގައިވުން

(ށ) ޢުމުރުން 18 އަހަރުވެފައިވުން

(ނ) ބަންޑާރަގޯއްޗެއް ނުވަތަ އަމިއްލަ ގޯއްޗެއް އެމީހެއްގެ ނަމުގައި ރަޖިސްޓްރީވެފައި ނެތުން

(ރ) އަމިއްލަ ނުވަތަ ބަންޑާރަ ގޯއްޗެއްގައިވާ ނުއުފުލޭ މުދަލުން ލިބިގެން އެފަދަގޯއްޗަކުން 600 އަކަފޫޓަށްވުރެ ބޮޑު ބައެއް ލިބިފައި ނެތުން، ނުވަތަ ލިބިފައިވާ މިފަދަ ބަޔެއް ދިރިއުޅުމަށްޓަކައި ބަންޑާރަ ގޯތި ދޫކުރުމުގެ ޤަވާއިދާ އެއްގޮތްވާ ގޮތުގެ މަތިން ދޫކޮށްލުން.

(ބ) ސަރުކާރުން ހަދާފައިވާ ޢިމާރާތެއްގެ ފުލެޓެއް އެމީހެއްގެނަމުގައި ރަޖިސްޓްރީވެފައި ނެތުން، އަދި މިފަދަ ތަނެއް އަމިއްލަ ނަމުގައި އޮވެ، މިތަން ދޫކޮށްލާ ނުވަތަ ވިއްކާފައިވާތާ 2 އަހަރު ދުވަހައްވުރެ ގިނަ ދުވަސް ވެފައިވުން.

(ޅ) އެއްމެދު ޢިމާރާތެއްގެ ފުލެޓެއް އެމީހެއްގެ ނަމުގައި ރަޖިސްޓްރީވެފައި ނެތުން ނުވަތަ މިފަދަ ތަނެއް އަމިއްލަ ނަމުގައި އޮވެ، މިތަން ދޫކޮށްލާ ނުވަތަ ވިއްކާފައިވާތާ 2 އަހަރު ދުވަހަށް ވުރެ ގިނަ ދުވަސް ވެފައިވުން.

(ކ) ގޯއްޗަށް އެދިފައިވާ ފަރާތުގެ ބެލުމުގެ ދަށުގައިވާ އުފަންދަރީންނާއި، އެމީހަކަށް ޝަރުޢީގޮތުން ބަލަން ޖެހިފައިވާ މީހުންގެ ޢަދަދާއި، ގޯއްޗަށް އެދިފައިވާ މީހާއަށް ކުރިން ގޯއްޗެއްލިބި، ނުވަތަ އޮވެ، އެ ގޯއްޗަކާމެދު ޢަމަލުކޮށްފައިވާ ގޮތުގެ މައްޗަށް ރިޢާޔަތްކޮށް، އެ މީހަކީ ގޯއްޗަކަށް ބޭނުންވެފައިވާ މީހެއްކަމަށް ވަންދޫ ކައުންސިލްގެ ގޯތި ދޫކުރުމުގެ ކޮމެޓީއަށް ފެނުން.

(އ)  ބަންޑާރަގޯތި ދޫކުރުމުގައި ގޯއްޗަށް އެދިކުރިމަތިލާ އެއްވެސް ފަރާތަކަށް ދެގޯތި ނުލިބޭނެކަން ކަށަވަރު ކުރުމަކީ، ޤާނޫނު ނަންބަރު 2002/1 ( ދިވެހިރާއްޖޭގެ ބިމާބެހޭ ޤާނޫނު) އިން ލާޒިމްކުރާ ކަމަކަށްވާތީ  ގޯއްޗަށް އެދި ކުރިމަތިލާ އެއްވެސް ފަރާތަކަށް ދެގޯތި ނުލިބޭނެކަން ކަށަވަރު ކުރުމަށްޓަކައި އެފަރާތަކަށް ބަންޑާރަ ގޯއްޗަކުން ތަރިކައިން ލިބެން އޮތްބައި ދޫކޮށްލަން އެއްބަސްވާ އިޤްރާރު ހުށަހެޅުން. މިދެންނެވި އިޤްރާރު ހުށަނާޅާ އެއްވެސް ފަރާތަކަށް ގޯތި ދޫނުކުރެވޭނެއެވެ.

ފޯމާއެކު ހުށަހަޅަންޖެހޭ ލިޔެކިޔުންތައް

• ގޯއްޗަށް އެދޭމީހާގެ މުއްދަތު ހަމަނުވާ ދިވެހިރައްޔިތެއްކަން އަންގައިދޭ ކާޑުގެ ސްކޭން ކޮޕީ (ދެފުށް)
• ގޯއްޗަށް އެދޭ މީހާއަކީ ކައިވެންޏެއް ކޮށްގެން އުޅޭމީހެއްނަމަ ކައިވެނީގެ ސެޓްފިކެޓްގެ ސްކޭން ކޮޕީ (ހުރިހާ ޞަފްޙާއެއް)
• ގޯއްޗަށް އެދޭ މީހާއަކީ ކައިވެންޏެއް ކޮށްވަރިވެފައިވާ މީހެއްނަމަ ވަރީގެ ސެޓްފިކެޓްގެ ސްކޭން ކޮޕީ (ހުރިހާ ޞަފްޙާއެއް)
• ގޯއްޗަށް އެދޭ ފަރާތުގެ އުފަން ދަރިންނާއި، އަނބިމީހާގެ ނުވަތަ ފިރިމީހާގެ މުއްދަތު ހަމަނުވާ ދިވެހިރައްޔިތެއްކަން އަންގައިދޭ ކާޑު (ދެފުށް)
• ޚާއްޞައެހީއަށް ބޭނުންވާ މީހެއްނަމަ ނުވަތަ އެފަދަ ކުއްޖަކު ބަލާނަމަ، ނޭޝަނަލް ޕްރޮޓެކްޝަން އެޖެންސީއިން   އެފަރާތަކަށް ދޫކޮށްފައިވާ ލިޔުމުގެ ސްކޭން ކޮޕީ.
• ޝަރުޢީ ގޮތުން ބެލެނިވެރިކަން މަތިކޮށްފައިވާ ކުއްޖަކު ބަލާނަމަ އެކަން އެނގޭފަދަ ޝަރުޢީ ލިޔުމުގެ ސްކޭން ކޮޕީ
• ފުރަތަމަ ޑިގުރީން ފެށިގެން މަތީ ތަޢުލީމީ ސެޓްފިކެޓެއްގެ ސްކޭން ކޮޕީ (އަތޮޅުން ބޭރުގެ ފަރާތްތަކުން)
• 600  އަކަފޫޓު ނުވަތަ އެއައްވުރެ ބޮޑު ގޯއްޗެށް އެހެން ރަށަކުން އޮވެ އެބިން ދޫކޮށްލާނެ ކަމުގެ އިޤުރާރުގެ ސްކޭން ކޮޕީ (ކައުންސިލުން ކަނޑައަޅާ ފޯމެޓްގައި)
• ފުލެޓެއް ނުވަތަ ރޯހައުސެއް އޮތް ފަރާތެއްނަމަ އެ ތަން ދޫކޮށްލާނެ ކަމުގެ އިޤުރާރުގެ ސްކޭން ކޮޕީ (ކައުންސިލުން ކަނޑައަޅާ ފޯމެޓްގައި)
• ވަންދޫގައި ދިރިއުޅޭކަން އަންގައިދިނުމަށް ބޭނުންވާ ލިޔުމުގެ ސްކޭން ކޮޕީ (މި ލިޔުންތަށް ހުށައެޅި ނަމަވެސް އިތުރަށްކަށަވަރު ކުރުމަށް ކައުންސިލުން އިތުރަށް ބަލާނެއެވެ.)
• ގޯއްޗަށްއެދި ހުށަހަޅާފަރާތަކަށް ބަންޑާރަ ގޯއްޗަކުން ތަރިކައިން ލިބެން އޮތްބައި ދޫކޮށްލަން އެއްބަސްވާ އިޤުރާރުގެ ސްކޭން ކޮޕީ

ލިބޭގޯތިކަނޑައެޅުން

ލިބޭގޯތި ކަނޑައަޅާނީ ކޮޅުމަޑުލު ވަންދޫއިން ދިރިއުޅުމަށް ބަންޑާރަގޯއްޗަށް އެދިފައިވާ ފަރާތްތަކަށް ޕޮއިންޓްދޭ އުސޫލުގެ ތެރެއިން 50 އިންސަތައަށްވުރެ މަތިން ޕޮއިންޓް ލިބިފައިވާ ފަރާތްތަކުގެ މެދުގައި ގުރުއަތުލައިގެންނެވެ. ގުރުއަތުލާނީ އަންނަނިވި ގޮތަށެވެ.

• ގޯތި ލިބޭނީ އެންމެ މަތިން ޕޮއިންޓްލިބޭ 16 މީހުންނަށެވެ. ނަމަވެސް ދެމަފިރިއަކު މި ލިސްޓްގައި ހިމެނޭނަމަ ކޮންމެ ވެސް އެކަކު އުނިކުރެވޭނެއެވެ. އުނިކުރާނެ ފަރާތެއް ކަނޑައަޅާނީ އެދެފަރާތުން ވާހަކަ ދެއްކުމަށްފަހުގައެވެ. އަދި އެ ގޮތަށް ގޮތެއް ނުނިންމިއްޖެނަމަ ދެމީހުންގެ މެދުގައި ގުރުއަތު ނަގާނީއެވެ.
• 16 ވަނަ އަށް އެއްފަރާތަށްވުރެ ގިނަފަރާތަށް އެއް އަދަދަކަށް ޕޮއިންޓް ލިބިފައިވާނަމަ އެ ފަރާތްތަކެއްގެ މެދުގައި ގުރުއަތުނަގައި ތަރުތީބު ކުރަންވާނެއެވެ. އެއްވަނަ އަށް ނަގާފަރާތް ވާނީ ގޯތިލިބޭ ލިސްޓްގެ 16 ވަނަ މީހާއަށެވެ. އަދި ދެންތިބި މީހުން ވެއިޓް ލިސްޓްގެ ތަރުތީބަށް ހަމަޖެހިގެން ދާނީއެވެ.

ހުށަހަޅާ ހުރިހާ ލިޔުމެއް ހުންނަންވާނީ ސާފުކޮށް ކިޔަން އެނގޭ ފެންވަރަށް ސްކޭން ކޮށްފައެވެ. އަދި ހުށަހަޅަންޖެހޭ ލިޔެކިޔުންތަކާއި މަޢުލޫމާތު ފުރިހަމަ ނުވާ ފޯމްތަކާއި، ޞައްޙަ ނޫން މަޢުލޫމާތު ހިމެނޭ ފޯމްތައް ބާޠިލު ކުރެވޭނެއެވެ.

                             މި އިޢުލާނާއި ގުޅިގެން މަޢުލޫމާތު ސާފުކުރުމަށް ވަންދޫ ކައުންސިލް އިދާރާގެ ނަމްބަރު 7980047 ފޯނާގުޅުއްވުންއެދެމެވެ.