އިޢުލާން

ރާއްޖެ އިސްލާމްވި ދުވަހާ ގުޅިގެން ކުޑަކުދިންގެ މެދުގައި އިސްލާމީ އަޚްލާޤު އަށަގަންނުވައި، އިސްލާމީ އަޤީދާގެ މަތީގައި އުފެއްދުންތެރި ޖީލެއް ބިނާކުރުމަށްޓަކައި މި މިނިސްޓްރީން އިންތިޒާމްކޮށްގެން، ޢުމުރުން 05 އަހަރާ 13 އަހަރާ ދެމެދުގެ ކުދިންނަށް އަމާޒުކޮށްގެން އިސްލާމީ ހަމަތަކަށް ފެތޭގޮތަށް ކުރެހުމުގެ މުބާރާތެއް ބޭއްވުމަށް ވަނީ ހަމަޖެހިފައެވެ.

ވީމާ، މި މުބާރާތުގައި ބައިވެރިވުމަށް ޝައުގުވެރިވެލައްވާ ފަރާތްތަކުން، 16 ނޮވެންބަރު 2020 ވާ ހޯމަ ދުވަހުގެ 16:00 ގެ ކުރިން މި މިނިސްޓްރީއަށް ކުރެހުން ހުށަހެޅުއްވުން އެދެމެވެ. ކުރެހުން ހުށަހަޅަންވާނީ އީ-މެއިލް [email protected] މެދުވެރިކޮށް، އީ-މެއިލުގެ ސަބްޖެކްޓުގައި "ރާއްޖެ އިސްލާމްވީ ދުވަހުގެ ކުރެހުމުގެ މުބާރާތް" މިހެން ޖެއްސެވުމަށްފަހު، ކުއްޖާގެ ފުރިހަމަ ނަމާއި، އައިޑީ ކާޑު ނަންބަރު، އެޑްރެސް، އުމުރު އަދި ގުޅޭނެ ފޯނު ނަންބަރު އީ-މެއިލުގައި ޖައްސަވާފައެވެ.

މުބާރާތުގެ ތީމްތައް:

1. ނަމާދު
2. މަންމަ އާއި ބައްޕަ
3. ގެފުޅު 

ކުރެހުމާ އެކު ހުށަހަޅަންޖެހޭ ތަކެތި:

• ކުރެހުންތެރިޔާގެ އައިޑީ ކާޑުގެ ކޮޕީއެއް
• ކުރެހުންތެރިޔާގެ ސްޓޭމްޕު ސައިޒުގެ ފޮޓޯއެއް
• ކުރެހި ވަގުތު ނަގާފައިވާ ފޮޓޯއަކާއި، ކުރެހުމާއެކު ނަގާފައިވާ ފޮޓޯއެއް (އީމެއިލް މެދުވެރިކޮށް [email protected] އަށް ފޮނުއްވައިދެއްވުމަށް)

12 ނޮވެންބަރު 2020

ރާއްޖެ އިސްލާމްވީ ދުވަހާ ގުޅިގެން ބާއްވާ ކުރެހުމުގެ މުބާރާތް

މަޤްޞަދު

މި މުބާރާތުގެ މަޤްޞަދަކީ، ދިވެހި ކުޑަކުދިންގެ މެދުގައި އިސްލާމީ އަޚްލާޤު އަށަގަންނުވައި، އިސްލާމީ އަޤީދާއެއްގެ މަތީގައި ބިނާވާ އުފެއްދުންތެރި ޖީލެއް ބިނާކުރުމެވެ.

އިންސާފު ކުރުމާއި ވަނަ ހޮވުން

މި މުބާރާތަށް ހުށަހެޅޭ ކުރެހުންތައް ފަންނީ ބޭފުޅުންގެ ޓީމެއް މެދުވެރިކޮށް އިންސާފު ކޮށް ވަނަ ހޮވޭނެ އެވެ. އަދި އެންމެ މޮޅު 5 ކުރެހުން ރާއްޖެ އިސްލާމްވި ދުވަސް ފާހަގަކުރުމުގެ ގޮތުން ކުރިއަށްގެންދާ ލައިވް ކަވަރޭޖްގައި އެގްޒިބިޓް ކުރެވޭނެއެވެ.

އިނާމު

މި މުބާރާތުން 1ވަނަ 2ވަނަ 3ވަނަ 4ވަނަ އަދި 5ވަނަ އަށް ހޮވޭ ފަރާތްތަކަށް އިނާމާއި ހަނދާނީ ލިޔުން ދެވޭނެ އެވެ.

• 1 ވަނަ އަށް 1500 ރުފިޔާ އާއި ހަނދާނީ ލިޔުން
• 2 ވަނަ އަށް 1000 ރުފިޔާ އާއި ހަނދާނީ ލިޔުން
• 3 ވަނަ އަށް 700 ރުފިޔާ އާއި ހަނދާނީ ލިޔުން
• 4 ވަނަ އަށް 500 ރުފިޔާ އާއި ހަނދާނީ ލިޔުން
• 5 ވަނަ އަށް 300 ރުފިޔާ އާއި ހަނދާނީ ލިޔުން

ތީމް/މައުޟޫ

މި މުބާރާތު ގައި ކުރެހުންތައް ހުށަހެޅޭނީ މި ތީމްތަކުގެ ތެރެއިން ތީމަކަށެވެ.

1. 1.     ނަމާދު

ހުށަހެޅިދާނެ ކުރެހުންތައް: ނަމާދު ވަގުތުތައް ދައްކުވައިދޭ ކުރެހުން، ނަމާދުކުރާ ތަން ދައްކުވައިދޭ ކުރެހުން، ނަމާދުގެ މުހިންމުކަން އަންގައިދޭ ކުރެހުން، ނަމާދަށް ޝައުގުވެރިވާނެ ގޮތްތައް ދައްކުވައިދޭ ކުރެހުން.

1. 2.     އަހަރެންގެ މަންމައާއި ބައްޕަ

ހުށަހެޅިދާނެ ކުރެހުންތައް: މައިންބަފައިންނަށް އެހީތެރިވުން، މައިންބަފައިންނަށް އަޅާލުން، އޯގާތެރިވުން، މައިންބަފައިނެގް ބަސްއެހުން، މައިންބަފައިންނަށް އިޙްތިރާމްކުރުން.

1. 3.     ގެފުޅު

ހުށަހެޅިދާނެ ކުރެހުންތައް: ގެފުޅަކީ ކޮން ތަނެއްކަން، ގެފުޅަށް ޒިޔާރަތްކުރުމުގެ ބޭނުން

މުބާރާތުގައި ބައިވެރިވުމުގެ ޝަރުޠުތައް

ހ. ބައިވެރިންގެ ޝަރްޠުތައް

• 05 އަހަރާ – 13 އަހަރާ ދެމެދު އުމުރުފުރާގެ ކުޑަކުދިންނަށް

ށ. ބައިވެރިކުރާ އައިޓަމްގެ ޝަރުޠުތައް

• ތީމްއަށް ފެތުން
• އިސްލާމީ އުޞޫލުތަކަށް ފެތުން

ކުރެހުން ހުށަހަޅަންވީ ސުންގަޑި

• 16 ނޮވެންބަރު 2020 ގެ 16:00 ގެ ކުރިން

ކުރެހުން ހުށަހަޅަންވީ ގޮތް

• މިނިސްޓްރީ އޮފް އިސްލާމިކް އެފެއާޒުގެ އަންނަނިވި އީ-މެއިލް [email protected] އަށެވެ.

12 ނޮވެންބަރު 2020