މި ޓްރައިބިއުނަލުގައި އިންޓަރނުންގެ ގޮތުގައި މަސައްކަތްކޮށް ތަޖުރިބާ ހޯދަން ޝައުޤުވެރިވާ ފަރާތްތަކަށް އެ ފުރުޞަތު ޢާއްމުކޮށް ހުޅުވާލަމެވެ.

މަސައްކަތްކުރަން ޖެހޭ ތަން: ވަޒީފާއާބެހޭ ޓްރައިބިއުނަލް، ކ. މާލެ

ބޭނުންވާ ޢަދަދު: 08 (އަށެއް)         

މުއްދަތު:   06 (ހައެއް) މަސްދުވަސް

ޢާއްމުކޮށް ކުރަންޖެހޭ މަސައްކަތްތައް:

• ޓްރައިބިއުނަލުގެ މަސައްކަތްތަކާ ގުޅޭގޮތުން ޓްރައިބިއުނަލަށް ބޭނުންވާ އެހީތެރިކަން ފޯރުކޮށްދިނުން.
• ޓްރައިބިއުނަލުން ހިންގާ ތަމްރީންތަކާއި ޕްރޮގްރާމްތައް ހިންގުމުގައި އެހީތެރިވުން.
• ހަވާލުކުރެވޭ އެކިއެކި ލިޔުންތައް ތަރުޖަމާކުރުން.
• ވަޒީފާއާބެހޭ މައްސަލަތަކުގައި ދުނިޔޭގެ އެހެނިހެން ޤައުމުތަކުގެ ޓްރައިބިއުނަލްތަކުން ނިންމާފައިވާ ނިންމުންތައް ބަލާ ދިރާސާކުރުމާއި، ދިވެހިރާއްޖޭގައި މިފަދަ މައްސަލަތަކުގައި މީގެ ކުރީން ޢަމަލުކޮށްފައިވާ ގޮތް ބަލާ ހޯދުމާއި، ޤާނޫނީ ލިޓްރޭޗަގައި މިފަދަ މައްސަލަތަކާއި މެދު ޢަމަލުކުރެވިދާނެ ކަމަށް ބަޔާންކޮށްފައިވާ ގޮތް ދެނެގަތުމުގައި އެހީތެރިވުން.
• ޓްރައިބިއުނަލުގެ މަސައްކަތް ހަލުވިކަމާއެކު ކުރިއަށް ގެންދިޔުމުގައި ތައްޔާރުކުރަންޖެހޭ ޤާނޫނީ ލިޔެކިޔުންތައް ތައްޔާރުކުރުމުގައި އެހީތެރިވުން.

ފެންވަރު ނުވަތަ ޝަރުތު: ޤާނޫނީ ދާއިރާއިން ޑިޕްލޮމާ ނުވަތަ ޑިގްރީ ޙާޞިލް ކޮށްފައިވުން ނުވަތަ ޤާނޫނީ ދާއިރާއިން ކިޔަވަމުންދާ ދަރިވަރަކަށް ވުން.

 މި މަސައްކަތަށް މީހުން ނެގުމުގައި ދިވެހިބަހާއި އިނގިރޭސި ބަހުން ރަނގަޅަށް މުޢާމަލާތު ކުރަން ދަންނަ ފަރާތްތަކަށް އިސްކަންދެވޭނެއެވެ.  

އެހެނިހެން:

• ވަޒީފާއެއް އަދާކުރަމުންދާ ފަރާތަކަށް ނުވުން.
• އުމުރުން 18 އަހަރު ފުރިފައިވާ މީހަކުކަމުގައި ވުން.
• ވޭތުވެދިޔަ 5 (ފަހެއް) އަހަރުދުވަހު ޖިނާޢީ އެއްވެސް ކުށެއް ސާބިތުވެފައިވާ މީހަކުކަމުގައި ނުވުން ނުވަތަ އެފަދަ ކުށެއްގެ މައްސަލައެއް ހުށަހެޅި ބަލަމުންދާ މީހަކުކަމުގައި ނުވުން. 

މި ޓްރައިބިއުނަލުގައި އިންޓަރނެއްގެ ގޮތުގައި މަސައްކަތްކުރެއްވުމަށް ޝައުޤުވެރިވާ ފަރާތްތަކުން 25 އޮކްޓޫބަރު 2020 ވާ އާދީއްތަ ދުވަހުގެ 13:30 ގެ ކުރިން މި ޓްރައިބިއުނަލްގެ އިންޓަރންޝިޕަށް އެދޭ ފޯމް ފުރިހަމަ ކުރެއްވުމަށްފަހު [email protected] އަށް އީމޭލުކުރެއްވުމަށް ދަންނަވަމެވެ.

ހުށަހަޅަންޖެހޭ ލިޔުންތައް:

1. ފުރިހަމަ ކުރައްވާފައިވާ މި ޓްރައިބިއުނަލްގެ އިންޓަންޝިޕަށް އެދޭ ފޯމް.

• އިންޓަރންޝިޕަށް އެދޭ ފަރާތުގެ ވަނަވަރު، އައި.ޑީ ކާޑުގެ ކޮޕީ، ޤާނޫނީ ދާއިރާއިން ޑިގްރީ ނުވަތަ ޑިޕްލޮމާ ހާސިލްކޮށްފައިވާކަން ނުވަތަ ޤާނޫނީ ދާއިރާއިން ކިޔަވަމުންދާކަން އެނގޭނެ ލިޔުމެއްގެ ކޮޕީ.

ވަޒީފާއާބެހޭ ޓްރައިބިއުނަލުގެ އިންޓަރންޝިޕަށް އެދޭ ފޯމު މި ޓްރައިބިއުނަލުގެ ރަސްމީ ވެބްސައިޓް:www.employmenttribunal.gov.mv  އިން ލިބެން ހުންނާނެއެވެ. މި އިއުލާނާ ގުޅިގެން އިތުރު މަޢުލޫމާތު ސާފުކުރަންވަން ބޭނުންފުޅުވާ ފަރާތްތަކުން މި ޓްރައިބިއުނަލްގެ ނަންބަރު 3027801 އަށް ގުޅުއްވުން އެދެމެވެ.