މިސެންޓަރުގެ ނަންބަރު (IUL)177-A1/1/2020/4 (16 ޖަނަވަރީ 2020) އިޢުލާނާއި ގުޅިގެން، އޮލިމްޕަސް ކެފޭ ތަރައްޤީ ކުރުމަށް އެން.ސީ.އޭ އިން ދިން މަޢުލޫމާތުގައި ހުށަހެޅުނު ބަދަލުތައް، ކޯވިޑު 19 ގެ ޙާލަތުގައި، މިވަގުތު ނުގެންނަގޮތަށް ނިންމާފައިވާތީ، ހަވާލާދެވުނު އިޢުލާނާ ގުޅިގެން ހުށަހަޅާފައިވާ އަންދާސީ ހިސާބުތައް ބާޠިލު ކުރުމަށްފަހު، އަލުން އެން.ސީ.އޭއިން ދޭމައުލޫމާތާ އެއްގޮތަށް އޮލިމްޕަސް ކެފޭ ހިންގުމަށް ޝައުޤުވެރިވާ ފަރާތްތަކަށް، އެކަމަށް އެދި އަންދާސީ ހިސާބު ހުށަހެޅުމުގެ ފުރުޞަޠު ހުޅުވާލަމެވެ. މި ކެފޭ އަކީ ފަންނުވެރިން ބައްދަލުވެ ޚިޔާލު ބަދަލްކޮއްލެވޭ ފަދަ މާހައުލެއް އެކުލެވޭ ކެފޭ އަކަށް ވާންވާނެއެވެ. އަދި ކެފޭ ހިންގަންވާނީ ހެލްތު ޕްރޮޓެކްޝަން އެޖެންސީ ގެ ގައިޑުލައިނާއި އެއްގޮތްވާ ގޮތުގެމަތިންނެވެ.

ވީމާ، މިކަމަށް ޝައުޤުވެރިވެލައްވާ ފަރާތްތަކުން ތިރީގައި ދަންނަވާފައިވާ ގޮތަށް މަޢުލޫމާތު ސާފުކުރައްވައި އަންދާސީ ހިސާބު ހުށަހެޅުއްވުން އެދެމެވެ.

ނޯޓް: އަންދާސީ ހިސާބު ހުށަހެޅުއްވޭނީ ހަމައެކަނި މަޢުލޫމާތު ސާފުކުރެއްވުމަށް ވަޑައިގަންނަވާ ފަރާތްތަކަށް އެކަނި ކަމުގައި ދަންނަވަމެވެ.