މަޤާމް:

އެޑްމިނިސްޓްރޭޓިވް އޮފިސަރ

ބޭނުންވާ ޢަދަދު:    01

މަޤާމުގެ ބާވަތް:

ކޮންޓްރެކްޓް

(މި މަޤާމަކީ ކޮންޓްރެކްޓް އުޞޫލުން 12 މަސްދުވަހުގެ މުއްދަތަށް، ހަމަޖައްސައިދެވޭ ވަޒީފާއެކެވެ. އަދި މިވަޒީފާއަކީ ސިވިލްސާރވިސްގެ ވަޒީފާއެއް ނޫނެވެ. މިވަޒީފާއަކީ ވޭޖް އެމްޕްލޯއިމެންޓް އުޞޫލުން އުޖޫރަ ދެވޭ ވަޒީފާއެކެވެ.)

މަޤާމް އޮތް ޔުނިޓް:

ކޯޕަރޭޓިވް އެފެއާރޒް ޔުނިޓް

ދާއިރާ:

ކޯޕަރޭޓިވް އެފެއާރޒް

މުސާރައާއި އެލަވަންސް:  

މަސައްކަތު ނުކުންނަ ކޮންމެ ދުވަހަކަށް 285/- (ދުއިސައްތަ އަށްޑިހަ ފަހެއް) ރުފިޔާ.

މި މުސާރަ ކަނޑައެޅިފައިވަނީ މި މަޤާމުގެ އަސާސީ މުސާރައިގެ ގޮތުގައި މަހަކު ޖުމްލަ 4,465/- (ހަތަރުހާސް ހަތަރުސަތޭކަ ފަސްދޮޅަސް ފަހެއް) ރުފިޔާ އާއި ސާރވިސް އެލަވަންސަށް މަހަކު ޖުމްލަ  1,500/- (އެއްހާސް ފަސްސަތޭކަ) ރުފިޔާ،  ސަޕޯޓިންގ ކޯ އެލަވަންސަށް މަހަކު ޖުމްލަ 700/-(ހަތްސަތޭކަ) ރުފިޔާ އަދި އިތުރުގަޑީގެ ފައިސާއަށް މަހަކު އެވަރެޖްކޮށް 745/- (ހަތްސަތޭކަ ސާޅީސް ފަހެއް) ރުފިޔާ ހިމެނޭގޮތުންނެވެ.

ޢާއްމުކޮށްމަސައްކަތް ކުރަންޖެހޭ ގަޑިތައް:

• ރަސްމީ ދުވަސްތަކުގައި ކޮންމެ ދުވަހަކު ހެނދުނު 08:00 އިން 14:00 އަށް،
• ހޮނިހިރު ދުވަހު 10:00 އިން 14:00 އަށް އަދި މީގެ އިތުރުން އިދާރާއިން ކަނޑައަޅާ ވަގުތުތަކުގައި.

ތަޢްލީމީ ފެންވަރު:

1-    ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 5ގެ ސަނަދެއް ހާސިލްކޮށްފައިވުން.

ނުވަތަ

2-    ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 4 ގެ ސަނަދެއް ހާސިލްކޮށްފައިވުން.

ނުވަތަ

3-    ސާނަވީ ނުވަތަ އެއާއި އެއްފަންވަރުގެ އިމްތިޙާނަކުން ދަށްވެގެން ޑީ ގްރޭޑް ލިބިފައިވުމާއެކު، އޭގެ އިތުރުން ސެކަންޑަރީ ސްކޫލް ނުވަތަ ހަޔަރ ސެކަންޑަރީ ސްކޫލް އިމްތިޙާނަކުން "ދިވެހި" މި މާއްދާއިން ދަށްވެގެން "ސީ" ފާސް ލިބިފައިވުން.

ނުވަތަ

4-   ގްރޭޑް 10 ނިންމާފައިވުމާއެކު، އިދާރީ މަސައްކަތުގައި 3 އަހަރު ދުވަހު އުޅެ ތަޖުރިބާ ލިބިފައިވުން.

މަޤާމަށް ބޭނުންވާ ހުނަރު:

1. ޚިދުމަތް ލިބިގަންނަ ފަރާތްތަކާއި މުޢާމަލާތުކުރުމުގެ ހުނަރު.
2. މައިކްރޯސޮފްޓް ވޯޑް ، އެކްސެލް ބޭނުންކޮށްގެން ލިޔުންތައް ތައްޔާރުކުރުމާއި މަޢްލޫމާތު ލިޔެ ބަލަހައްޓަން އެނގުން.
3. ގިނަވަގުތު މަސައްކަތުގައި އުޅެވޭ މީހަކަށްވުން.    

ވަޒީފާގައި ކުރަންޖެހޭ މައިގަނޑު މަސައްކަތްތައް:

1. އޮފީސް ހުޅުވާ ލެއްޕުމާއި ކައުންސިލް އިދާރާއަށް އެކިފަރާތްތަކުން ފޮނުވަން ޖެހޭ ސިޓީއާއި    މެސެޖްތަކާއި،ރިޕޯރޓްތަކާއި ފޮނުވަން ޖެހޭ ފަރާތްތަކަށް ފޮނުވައި، ފޮނުވޭ ލިޔެލިޔުންތައް ފަސޭހައިން ފެންނާނެ ގޮތަކަށް ފައިލްކޮށް ބެލެހެއްޓުން.
2. އިދާރާގެ އެންޓްރީ ސިސްޓަމު (އިދާރާއަށް ކައުންޓަރުން/ އީމެއިލް އަދި ޖެމްސްގެ ޒަރީޢާއިން ލިބޭ އެންމެހާ ތަކެއްޗާއި މަޢްލޫމާތާއި ލިޔުންތައް ބަލައިގަތުމުގެ މަސައްކަތް ކުރުން.
3. އީމެއިލް ، ޖެމްސް އަދި ސީދާ ކައުންޓަރަށް ލިބޭ ލިޔުންތަކާއި ތަކެތި ބަލައިގަނެ، އެތަކެތި އެންޓްރީ ސިސްޓަމުން ރޫޓު ކުރުމަށް ކުރަންޖެހޭ އެންމެހާ މަސައްކަތްތައް ކުރައްވައި ލިޔުންތައް ސްކޭންކޮށް އަޕްލޯޑު ކުރުމަށްފަހު ކަމާބެހޭ ސެކްޝަންތަކަށް އެންޓްރީ ރިޕޯޓާއެކު ޙަވާލުކުރުން.
4. ރަށްވެހިންގެ މަޢްލޫމާތު އިދާރާގެ ޑާޓާބޭސްއަށް އެންޓަރކުރުމުގެ މަސައްކަތްތައް ކުރުން.
5. އުފަންދުވަހުގެ ރަޖިސްޓްރީ އާއި އުފަންދުވަހުގެ ސެޓްފިކެޓް ހަދައިދިނުމުގެ ޚިދުމަތް ދިނުމާއި ރެކޯޑް ބެލެހެއްޓުމުގެ މަސައްކަތުގައި އެހީތެރިވުން.
6. އިދާރީ މަސައްކަތްތަކުގައި އެހެން މުވައްޒަފުންނަށް އެހީތެރިވުމާއި ސުޕަރަވައިޒަރު ޙަވާލުކުރާ އިދާރީ މަސައްކަތްތައް ކުރުމާއި އިދާރާއިން ކުރިޔަށް ގެންދާ ޚާއްޞަ މަސައްކަތްތަކުގައި ބައިވެރިވުން.
7. އިދާރާގެ މުވައްޒަފަކު ސަލާމް، އަދި ޗުއްޓީއެއް ނަގައިފިނަމަ ސުޕަވައިޒަރުގެ އިރުޝާދުގެ މަތިން މަސައްކަތާ ހަވާލުވުން.  

ހުށަހަޅަންޖެހޭ ލިޔުންތައް:

1-    ވަޒީފާއަށް އެދި ހުށަހަޅަންޖެހޭ ފޯމް.

2-    ދިވެހިރައްޔިތެއްކަން އަންގައިދޭ ކާޑުގެ ކޮޕީ.

3-    ތަޢްލީމީ ސަނަދުތުތަކުގެ ކޮޕީ.

4-    މަސައްކަތުގެ ތަޖުރިބާ އަންގައިދޭ ލިޔުންތަކުގެ ކޮޕީ.

ސުންގަޑި:

18 އޮގަސްޓް 2020 ވަނަ ދުވަހުގެ 14:00 ގެ ނިޔަލަށް.