ސައިންސާއި ޓެކްނޯލޮޖީ ދާއިރާގައި އަންހެނުން ކުރިއެރުވުމަށް މަސައްކަތްކުރާ ޤައުމީ ވާރކިން ގްރޫޕަށް ތިރީގައި މިވާ ކޮންމެ ދާއިރާއަކަށް އާންމު ރައްޔިތުންގެ ތެރެއިން 1 މެންބަރެއް ނެގުމަށް ހުޅުވާލަމެވެ.  

ދާއިރާތަށް: 

1.ސައިންސްގެ ދާއިރާ 

2.ޓެކްނޯލޮޖީގެ ދާއިރާ 

3.އިންޖިނިއަރިންގ ދާއިރާ  

ޝަރުތުތައް: 

1. ދިވެހި ރައްޔިތެއްކަމުގައިވުން. 

2. ތަމްސީލުކުރާ ދާއިރާއާ ގުޅޭ ދާއިރާއަކުން ފުރަތަމަ ޑިޤްރީ ނުވަތަ އެއަށްވުރެ މަތީ ފާހެއް ހާޞިލުކޮށްފައިވުން. 

3. ސައިންސާއި ޓެކްނޯލޮޖީ ނުވަތަ އިންޖިނިއަރިން ދާއިރާގައި މަސައްކަތްކޮށް މަދުވެގެން 3 (ތިނެއް) އަހަރު ދުވަހުގެ ތަޖުރިބާ ލިބިފައިވުން. 

4. ވޭތުވެ ދިޔަ 2 (ދެއެއް) އަހަރުގެ ތެރޭގައި ޖިނާއީ ކުށެއް ސާބިތުވެފައިވާ މީހަކު ކަމުގައި ނުވުން. 

5. ދާއިރާގައި އަންހެނުން ބާރުވެރިކުރުމަށް މަސައްކަތް ކޮށްފައިވާ ނުވަތަ ކުރަމުންދާ ފަރާތްތަކަށް އިސްކަންދެވޭނެއެވެ. 

އިސްވެ ބަޔާންކޮށްފައިވާ ދާއިރާތަކަށް ކުރިމަތިލުމަށް ޝައުގުވެރިވެލައްވާ ފަރާތްތަކުން އެކަމަށް އެދި ހުށަހަޅުއްވާ ސިޓީ، އައިޑީ ކާޑު ކޮޕީ، ސީ.ވީ އަދި އެޓެސްޓް ކުރެވިފައިވާ ތަޢުލީމީ ސެޓިފިކެޓްތަކުގެ ކޮޕީތައް 05 އޮގަސްޓް 2020 ބުދަ ދުވަހުގެ 14:00ގެ ކުރިން މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޯލޮޖީ އަށް ހުށައެޅުއްވުން އެދެމެވެ. އީމެއިލް ކުރައްވާނަމަ [email protected] އަށް އީމެއިލް ކުރެއްވުން އެދެމެވެ. އަދި އިތުރު މަޢުލޫމާތު ސާފުކުރެއްވުމަށް 3302200 އަށް ގުޅުއްވުން އެދެމެވެ.