ކޮވިޑް 19 އިން ރައްކާތެރިވެ ތިބުމަށް ރަށު ފެންވަރުގައި އެޅޭ ފިޔަވަޅު ތަކެއްގެ ގޮތުގައި 16 އެޕްރީލް 2020 ވަނަ ދުވަހު  10.30 ގައި ބޭއްވުނު ކައުންސިލްގެ 3 ވަނަ ދައުރުގެ 2020 ވަނަ އަހަރުގެ 01 ވަނަ ކުއްލި ޖައްސާއިން ވަނީ ތިރީގައި މިވާ ކަންކަން ކުރުން މަނާ ކުރުމަށް ނިންމާފައެވެ.

• މި ކައުންސިލުން ވަކި ގޮތެއް އަންގަންދެން ވޭމަންޑޫގެ ހުޅަނގު ފަރާތު ފާލަމުން އަރާފޭބުން.
• މި ކައުންސިލުން ވަކި ގޮތެއް އަންގަންދެން ވޭމަންޑޫ ރަސްމީ ބޯޅަ ދަނޑުގައި އެއްވެސް ކަހަލަ ކުޅިވަރުގެ ހަރަކާތެއް ހިންގުން އަދި ބޯޅަ ދަނޑަށް މީހުން އެއްވެ އުޅުން.
• އިޖުތިމާއީ އެކި އެކި ހަރަކާތް ހިންގާ ތަންތަނާއި، އަދި ކުޅިވަރު ކުޅެން ހެދިފައިވާ އެކި ބިންތަކުގައި އެއްވެސް ކުޅިވަރުގެ ހަރކާތެއް ހިންގުމާއި، އިޖުތިމާއީ ސަރަހައްދު ތަކުގައި ހަދާފައި ހުރި އަށިގަނޑުތަކާއި، ޖޯލިފަދަ ތަންތަނުގައި އިށީދެ އޮށޯވެ ތިބުން.
• އަމިއްލަ ގޯތީގެ ބޭރު މަގުމަތީގައި ބަހައްޓާފައި ހުރި  ޖޯލި ، ގޮޑި އަދި މިނޫންވެސް މިފަދަ ތަކެތި ބަހެއްޓުން.
• ރޭގަނޑު 10.30 ގެ ފަހުން ޟަރޫރީ ބޭނުމެއްގައި ނޫން ގޮތަކަށް ބޭރުގައި އުޅުން.

ވީމާ މި ކަންކަމަށް ފުރިހަމަ އެއްބާރުލުން ދިނުމަށް ވޭމަންޑޫގެ އެންމެހައި ލޮބުވެތި ރައްތިތުންނާއި ވޭމަންޑޫ އަށް އަރައިފައިބާ ފަރާތް ތަކަށް އަންގާ އަމުރު ކުރީމެވެ.