އިޢުލާން

ހެންވޭރު ކާނިވާ ސަރަހައްދު ޕާކިން ޒޯން ކުއްޔަށް ދޫކުރުމާ ބެހޭ

            މާލެސިޓީގެ ހެންވޭރު ކާނިވާ ސަރަހައްދުގައި ފީދައްކައިގެން ހަތަރު ފުރޮޅުލީ އުޅަނދު ޕާކުކުރުމަށް  އެދި ހުށަހެޅުމުގެ ފުރުޞަތު 23 ފެބްރުއަރީ 2020 އިން 01 މާރޗް 2020 ގެ ނިޔަލަށް ހުޅުވާލައިފީމެވެ. މި ޒޯނުން  52ޕާކިން ސްލޮޓް ދޫކުރުމަށް ހަމަ ޖެހިފައިވާނީ މަހަކު 3000 ރުފިޔާއަށެވެ. މި ޒޯނުތަކަށް އެދޭނީ އެކަމަށް ޚާއްޞަކޮށް މި ކައުންސިލުން ދޫކުރާ ފޯމުންނެވެ. މި ފޯމް ރަސްމީ ދުވަސް ދުވަހު ހެނދުނު 8:00 އިން ފެށިގެން 14:00 އާ ދެމެދު މި ކައުންސިލުން ލިބެންހުންނާނެއެވެ. އަދި މި ކައުންސިލުގެ ވެބްސައިޓު www.malecity.gov.mv  އިން ޑައުންލޯޑް ކުރެވެން ވެސް ހުންނާނެއެވެ.

            ފޯމް ބަލައިގަންނާނީ ކަނޑައެޅިފައިވާ މުއްދަތުގައި ހެނދުނު 9:00 އިން މެންދުރު 13:00 އަށެވެ. ފޯމާއެކެ ހެންވޭރު ކާނިވާ ސަރަހައްދު ޕާކިން ޒޯން ދޫކުރުމާ ބެހޭ މަޢުލޫމާތު ޝީޓު ލިބިވަޑައިގަންނަވާނެއެވެ.

             ވީމާ، މިކަން ޢާންމުކޮށް އަންގާ އިޢުލާންކުރީމެވެ.

                             26  ޖުމާދަލްއާޙިރް1441

20 ފެބްރުއަރީ  2020