ދިވެހިރާއްޖެ
މަޤާމް: އެސިސްޓެންޓް އޮފިސަރ
ޑިޕާޓްމަންޓް: ހިއުމަން ރިސޯސަސް
ތަޢުލީމާ ތަޖުރިބާ:
- 'ސާނަވީ' ނުވަތަ އެއާ އެއް ފެންވަރުގެ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައި ވުމާއެކު، އޭގެ އިތުރުން 'ސެކަންޑަރީ ސްކޫލް' ނުވަތަ 'ހަޔަރ ސެކަންޑްރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުމާއެކު މަގާމުގެ މަސައްކަތުގެ ދާއިރާއެއްގައި މަދުވެގެން 2 އަހަރު ދުވަހުގެ ތަޖުރިބާ ލިބިފައިވުން ނުވަތަ
- 'މަތީ ސާނަވީ' ނުވަތަ އެއާ އެއް ފެންވަރުގެ އިމްތިޙާނަކުން 2 މާއްދާއިން ދަށްވެގެން 'އީ' ގްރޭޑް ލިބިފައިވުމާއެކު، އޭގެ އިތުރުން 'ސެކެންޑަރީ ސްކޫލް' ނުވަތަ 'ހަޔަރ ސެކަންޑްރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން ނުވަތަ
- މަޤާމުގެ މަސައްކަތާ ގުޅޭ ތަޢުލީމީ ރޮނގަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 4 ގެ ސަނަދެއް ހާސިލްކޮށްފައިވުން
ކުރަންޖެހޭ މައިގަނޑު މަސައްކަތްތައް:
- ހުޅުމާލެ ހޮސްޕިޓަލަށް ރެކްރޫޓް ކުރަން ބޭނުންވާ މުވައްޒަފުންނާއި މިހާރު ވަޒީފާގައިއުޅޭ މުވައްޒަފުންގެ އެމްޕްލޯއިމަންޓް އެޕްރޫވަލްއަށް ބޭނުންވާ ލިޔެކިޔުންތައް ހޯދާ ކަނޑައެޅިފައިވާ މުއްދަތަށް އިމިގްރޭޝަންއަށް ހުށަހެޅުން
- އަލަށް ގެނެވޭ މުވައްޒަފުންގެ ރެޖިސްޓްރޭޝަންއަށް ބޭނުންވާ ލިޔެކިޔުންތައް ހަމަކޮށް ކައުންސިލް ރެޖިސްޓްރޭޝަން އަދި ލައިސެންސް ހޯދުމަށް ހުށަހެޅުމުގައި މުވައްޒަފަށް ބޭނުންވާ އެހީތެރިކަން ފޯރުކޮށްދިނުން
- ބިދޭސީ މުވައްޒަފުންގެ ވިސާފީ ދައްކަންޖެހޭ މުއްދަތަށް ވިސާފީ ދެއްކުމުގެ ކަންތައްތައް ކުރުން އަދި ވޯކް ޕާރމިޓް ކާޑް އާކުރަންޖެހޭ މުވައްޒަފުންގެ ކާދޫ އާކުރުމަށް ކުރަންޖެހޭ މަސައްކަތްތައް ކުރުން
- ވަޒީފާއަށް އަލަށް ނިކުންނަ ބިދޭސީ މުވައްޒަފުން ވަޒީފާގެ އެއްބަސްވުން ތައްޔާރުކޮށް ސޮއިކުރުމަށްފަހު ފައިލަށް ބޭނުންވާނެ އެންމެހާ ލިޔެކިޔުންތަށް އެމުވައްޒަފުން އަތުން ހޯދާ ކޮންމެ މުވައްޒަފަކަށް ވަކި ޕާރސަނަލް ފައިލްއެއް ތައްޔާރުކޮށް އެމުވައްފުންގެ މައުލޫމާތު ރަޖިސްޓްރީން އަޕްޑޭޓް ކުރުން
- އަލަށް ރެކްރޫޓްކުރެވޭ ބިދޭސީ މުވައްޒަފުންގެ ތެރެއިން އެކަމަޑޭޝަން ބޭނުންވާ މުވައްޒަފުންގެ އެކަމަޑޭޝަންއަށް ރިކުއެސްޓް ކުރުން
- ހުޅުމާލެ ހޮސްޕިޓަލްގައި މަސައްކަތްކުރާ ބިދޭސީ މުވައްޒަފުންގެ މެޑިކަލް އިންޝުއަރަންސް ހެއްދުމަށް ބޭނުންވާ ލިޔެކިޔުންތައްތައްޔާރުކޮށް އިންޝުއަރކުރުމަށް ކަމާބެހޭ ފަރާތްތަކަށް ހުށަހެޅުން
- ހުޅުމާލެ ހޮސްޕިޓަލްސްއަށް ރެކްރޫޓް ކުރެވޭ ބިދޭސީ މުވައްޒަފުންގެ ޓްރެވަލިން އައިޓަނަރީގައިވާ ގަޑިތަކަށް އެފަރާތްތައް ބަލާ އެއަރ ޕޯޓަށް ދިއުމާއި އެމީހުން ގެނެސް ހަމަޖެހިފައިވާ އެކަމަޑޭޝަންތަކަށްލުން
މުސާރައާއި އިނާޔަތް :
މުސާރަ: 5020.00 ރުފިޔާ
ސަރވިސް އެލަވަންސް: 1500.00 ރުފިޔާ
ރިސްކް އެލަވަންސް: 75.00 ރުފިޔާ (މަސައްކަތް ކުރާ ދުވަހަކަށް)
އެޓެންޑެންސް އެލަވަންސް :76.00 ރުފިޔާ (މަސައްކަތްކުރާ ރަސްމީ ދުވަސްތަކަށް)
ކުރިމަތިލުމުގެ ސުންގަޑި: 26 ޖަނަވަރީ 2020 ވަނަ ދުވަހު މެންދުރު 14:00 ގެ ކުރިން
މި މަޤާމަށް ޝަރުޠު ފުރިހަމަވާ ފަރާތްތަކުން، ތިރީގައިމިވާ ތަކެތި، ހުޅުމާލެ ހޮސްޕިޓަލުގެ އިދާރީ އޮފީސް (ލޮޓް ނަންބަރ E-01—04 އިރުދޭމާ ހިނގުން، އެންޒީ ބޭކަރީ މަތީ ފަންގިފިލާއަށް ( ހުށަހެޅުއްވުން އެދެމެވެ. އީމެއިލުންނަމަ، [email protected] އަށް ފޮނުވުން އެދެމެވެ. ވަޒީފާއަށް އެދޭ ފޯމް ހުޅުމާލެ ހޮސްޕިޓަލްގެ އިދާރީ އޮފީހުން ލިބެން ހުންނާނެއެވެ. އަދި ހޮސްޕިޓަލްގެ ވެބްސައިޓް www.hmh.gov.mv އިން ފޯމް ޑައުންލޯޑް ކުރެވޭނެއެވެ. އީމެއިލް މެދުވެރިކޮށް ފޮނުއްވާ ފޯމުތަކަށް، ފޯމު ބަލައިގަތް ކަމުގެ މެއިލް ފޮނުވާނެއެވެ. މެއިލްއަށް ޖަވާބު ނުލިބޭނަމަ ވަޒީފާގެ އިޢުލާނުގައިވާ އީދާރީ އޮފީސް ނަންބަރަށް ގުޅުއްވުމަށްފަހު ފޯމު ލިބިފައިވޭތޯ ޗެކްކުރައްވަންވާނެއެވެ.
- ވަޒީފާއަށް އެދޭ ފޯމު.
- ސީވީ.
- ދިވެހި ރައްޔިތެއްކަން އަންގައިދޭ ކާޑުގެ ކޮޕީ.
- ތަޢުލީމީ ސެޓްފިކެޓްތަކުގެ ކޮޕީ.
- މަސައްކަތުގެ ތަޖުރިބާ އަންގައިދޭ ލިޔުން
- އަދާކުރަމުންދާ ވަޒީފާއިން ވީއްލުމާއިމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ލިޔުން.
- ޕޮލިސް ރިޕޯޓް
ޚާއްޞަ ސަމާލުކަމަށް:
މި ވަޒީފާއަށް އެދި ހުށަހަޅާ ފަރާތްތަކުން، ވަޒީފާއަށް އެދި ހުށަހަޅާ ލިޔުންތަކުގެ ތެރޭގައި، ވަޒީފާއަށް އެދި ހުށަހަޅަންޖެހޭ ފޯމު ހުށަނާޅާ ފަރާތްތަކުގެ ހުށަހެޅުންތައް ކެންސަލްކުރެވޭނެއެވެ. އަދި ފުރިހަމަނުވާ ފޯމުތައް ބަލައެއް ނުގަނަވޭނެއެވެ.
ވަޒީފާއަށް އެދިފައިވާ ފަރާތްތަކުގެ އަދަދު ގިނަނަމަ، އިންޓަވިއުކުރާނީ، ޝޯޓްލިސްޓް ކުރެވޭ ފަރާތްތައް އެކަންޏެވެ.
އިތުރު މަޢުލޫމާތު:
އިތުރު މަޢުލޫމާތު ހޯދުމަށް ހުޅުމާލެ ހޮސްޕިޓަލްގެ 3350134 ނަންބަރު ފޯނަށް ގުޅުން އެދެމެވެ.