ދިވެހިރާއްޖެ
ދަނޑުވެރިންގެ ފަންނީ ޤާބިލުކަން އިތުރުކުރުމަށްޓަކައި މިމިނިސްޓްރީން 2020 ވަނަ އަހަރު ހިންގުމަށް ހަމަޖެހިފައިވާ ދަނޑުވެރިކަމުގެ ތަމްރީނު ޕްރޮގްރާމްތައް ރަށްރަށުގައި ހިންގުމަށް އެދި ހުށަހެޅުމުގެ ފުރުޞަތު ހުޅުވާލަމެވެ.
ދަނޑުވެރިކަމުގެ ތަމްރީނު ޕްރޮގްރާމްތައް ހިންގުމަށް ބޭނުންފުޅުވާ ރަށްރަށުން ޕްރޮގްރާމް ހިންގުމަށް އެދި ހުށަހަޅުއްވާނީ އެރަށެއްގެ ރަށު ކައުންސިލް ނުވަތަ އެރަށެއްގައި ޙަރަކާތްތެރިވާ ހިލޭސާބަހަށް މަސައްކަތް ކުރައްވާ ޖަމްޢިއްޔާތަށް މެދުވެރިކޮށެވެ. ތަމްރީނު ޕްރޮގްރާމް ހިންގުމަށް ލިބިފައިވާ ބަޖެޓާއި މިނިސްޓްރީގެ ފަންނީ މުވައްޒަފުން ތިބި މިންވަރަކުން ވީ އެންމެ ގިނަ ރަށެއްގައި ތަމްރީނު ޕްރޮގްރާމްތައް ހިންގައިދިނުމަށް މިމިނިސްޓްރީން މަސައްކަތްކުރާނެއެވެ. ގިނަ ރަށްތަކަކުން ތަމްރީނު ޕްރޮގްރާމް ހިންގުމަށް އެދިލައްވާފައިވާނަމަ ކޯސް ހިންގުމަށް އެދި ހުށަހަޅުއްވާފައިވާ ފޯމުގައި ދެއްވާފައިވާ މައުލޫމާތު ތަކަށް ބަލައި ޕްރޮގްރާމް ހިންގުމަށް އެންމެ އެކަށީގެންވާ ކަމަށް މިނިސްޓްރީއަށް ފެންނަ ރަށްތައް ކަނޑައަޅާ އެރަށްރަށުގައި 2020 ވަނަ އަހަރު ތަމްރީނު ޕްރޮގްރާމްތައް ހިންގައިދެވޭނެއެވެ.
ތަމްރީނު ޕްރޮގްރާމްތައް ބައްޓަން ކުރެވޭނީ އެރަށެއްގައި ހުރި މައްސަލަތަކަށް ބެލުމަށްފަހު އެރަށަކަށް އެންމެ އެކަށީގެންވާނެ މައުލޫމާތުތައް ފޯރުކޮށްދެވޭނެ ގޮތަކަށެވެ. 2020 ވަނަ އަހަރު ކުރިއަށް ގެންދާނެ ދަނޑުވެރިކަމުގެ ތަމްރީނު ޕްރޮގްރާމްތަކުގެ ދިގުމިނަކީ 10 ދުވަހާއި 14 ދުވަހާއި ދެމެދުގެ މުއްދަތެކެވެ.
ކޯހުގެ ބައިވެރިންގެ ޝަރުތު:
|
އަސާސީތައުލީމް ފެންވަރު އަދި ދަނޑުވެރިކަމަށް ޝައުގުވެރިކަން ހުރުން |
އިތުރު މަޢުލޫމާތު: |
އިތުރުމަޢުލޫމާތު ހޯއްދެވުމަށް މިމިނިސްޓްރީގެ ނަމްބަރ 3339232، 3339264، 3339202 އަށް ގުޅުއްވުން އެދެމެވެ. |
ޓްރެއިނިންގ ޕްރޮގްރާމްތަކުގައި ބައިވެރިވާނެ ފަރާތްތަކާއި ޓްރެއިނިންގ ބާއްވާނެ ތަނެއް ކަނޑައަޅާނީ އެރަށެއްގެ ކައުންސިލުން / ޖަމްޢިއްޔާއިން |
|
ހުށަހަޅަންޖެހޭ ތަކެތި: |
ކައުންސިލްތައް: އެޕްލިކޭޝަން ފޯމު ހިލޭސާބަހަށް މަސައްކަތްކުރާ ޖަމްޢިއްޔާތައް: އެޕްލިކޭޝަން ފޯމު، ރަޖިސްޓްރީގެ ކޮޕީ (އެޕްލިކޭޝަން ފޯމް ދިވެހިސަރުކާރުގެ ގެޒެޓް އަދި މިނިސްޓްރީގެ ވެބްސައިޓުން ލިބިލައްވާނެ) |
ސުންގަޑި: 23 ޑިސެމްބަރ 2019ގެ 14:00ގެ ކުރިން |