މިއެސޯސިއޭޝަނުން އިންތިޒާމްކޮށްގެން 15 އޮކްޓޯބަރ 2019 ގައި ފެށުމަށް ހަމަޖެހިފައިވާ 14 ވަނަ ޤައުމީ ބާސްކެޓްބޯޅަ ލީގު، ފިރިހެން 2 ވަނަ ޑިވިޝަންގައި ބައިވެރިވުމަށް ބޭނުންވާ ކްލަބް/ޖަމްޢިއްޔާ ތަކުން 2 އޮކްޓޯބަރ 2019 ވާ ބުދަ ދުވަހުގެ 13:00 ގެ ކުރިން އެކަން މިއެސޯސިއޭޝަނަށް ލިޔުމަކުން އެންގެވުން އެދެމެވެ. އަދި ޓީމްލިސްޓް 8 އޮކްޓޯބަރ 2019 ވާ އަންގާރަ ދުވަހުގެ 11:00 ގެ ކުރިން މިއެސޯސިއޭޝަނަށް އީމެއިލްކޮށް، ޓީމްލިސްޓުގެ އަސްލު ހުށަހެޅުމަށް ހަމައެދުވަހުގެ 14:00 ގައި ބޭއްވުމަށް ހަމަޖެހިފައިވާ މުބާރާތުގެ ގުރުއަތުލުމުގެ ޖަލްސާއަށް ބައިވެރިވި ކްލަބްގެ މެނޭޖަރ މިއެސޯސިއޭޝަންއަށް ވަޑައިގެންދެއްވުން އެދެމެވެ.

ނޯޓް:

މަތީގައި ދެންނެވިފައިވާ މުބާރާތްތަކުގައި ބައިވެރިވުމުގެ ފުރުސަތު އޮންނާނީ 26 ސެޕްޓެމްބަރ 2019 ކުރިން ކޮމިޝަނަރ އޮފް ސްޕޯރޓްގައި ރަޖިސްޓްރީވެ މި އެސޯސިއޭޝަނަށް އެކާމާއިގުޅޭ ލިޔުންތައް ހުށަހަޅާފައިވާ ކްލަބް/ ޖަމްއިއްޔާތަކަށެވެ.

• މުބާރާތުގައި ބައިވެރިވުމާއި ޓީމްލިސްޓް ހުށައެޅުމަށް ކަނޑައެޅިފައިވާ ސުންގަޑި ހަމަވުމުގެ ކުރިން އެފަދަ ލިޔެކިޔުންތައް ހުށައެޅުމަށް ޚާއްސަ ސަމާލުކަމެއް ދެއްވުމަށް ދަންނަވަމެވެ. އަދި ސުންގަޑި ހަމަވުމަށްފަހުގައި ހުށައެޅޭ އެއްވެސް ލިޔުމެއް ބަލައިނުގަނެވޭނެ ކަމުގައި ދަންނަވަމެވެ.