ދިވެހިރާއްޖެ
ވެހިކަލް ގަރާޖު ކަނޑައެޅުމުގައި ބަލާނެ އުސޫލު
ތަޢާރަފް
މި އުޞޫލަކީ ގަރާޖު ކަނޑައެޅުމުގައި ބަލާނެ އުޞޫލެވެ. މި އުޞޫލު ހަދާފައިވަނީ 2009 އޭޕްރީލް 29 ގައި ޢަމަލުކުރަން ފަށާފައިވާ އެއްގަމުގައި ދުއްވާ އިންޖީނުލީ އުޅަނދު ރަޖިސްޓްރީ ކުރުމުގެ ޤަވާއިދުގެ 4 ވަނަ މާއްދާގެ "ރ" ގައި ބަޔާންކޮށްފައިވާ ގޮތަށް ދެފުރޮޅަށްވުރެ ގިނަ ފުރޮޅު ލީ އުޅަނދު ރަޖިސްޓްރީކޮށްދިނުމުގެ ކުރިން އެ އުޅަނދެއް ބޭއްވުމަށް ކަނޑައަޅާ ގަރާޖުގެ ލިޔުން ހުށަހަޅަންޖެހުމާއި ގުޅިގެންނެވެ.
ޢަމަލުކުރުން
- މި އުޞޫލަށް ޢަމަލު ކުރަން ފަށާނީ 2019 ޖުލައި 25 އިން ފެށިގެންނެވެ.
- މި އުޞޫލަކީ މާރަންދޫގައި ދެފުރޮޅަށްވުރެ ގިނަ ފުރޮޅު ލީ އެއްގަމު އުޅަނދުތައް ޕާކުކުރުމަށް ހަދާ ޕާކިންގ ގަރާޖަށް ހުއްދަ ދިނުމުގައި ގެންގުޅޭނެ އުސޫލެވެ.
ގަރާޖެއްގައި ހުންނަންޖެހޭ ޝަރުތުތައް
1- ގަރާޖުގެ ގޮތުގައި ދައްކާތަނަކީ ސަރުކާރުގެ ކަމާބެހޭ އިދާރާއެއްގައި ރަޖިސްޓްރީކޮށް ހުއްދައޮތް ބިމެއް ކަމަށްވާންވާނެއެވެ.
2- ގަރާޖެއްގެ ގޮތުގައި ދައްކާތަން ހުންނަންވާނީ އުޅަނދު ވަންނަވަރުގެ ދޮރެއްކަނޑާ އިންފާރު ރާނާ ވަކިކޮށްފައެވެ.
3- ގަރާޖު ހުއްދާގައި ގަރާޖުގެ ދިގުމިނާއި ފުޅާމިނާއި އަދި އޭރިޔާ އަކަފޫޓުން ބަޔާންކުރަން ވާނެއެވެ.
4- އެއްގަމު އުޅަނދު ރަޖިސްޓްރީ ކޮށްދޭ ފަރާތުން ގަރާޖް ޗެކްކުރާއިރު ހުއްދައިގައި ބަޔާންކޮށްފައިވާ މިން ހަމަނުވާނަމަ އެ ގަރާޖަކަށް އެއްގަގަމު އުޅަނދު ރަޖިސްޓްރީ ކޮށްދެވޭނީ އެ ގަރާޖު ހުއްދައިގެ މިންތައް އިސްލާހުކުރުމަށްފަހު ހުށަހެޅުމުންނެވެ.
5- ގަރާޖުގެ ބޮޑުމިނުގައި މަދުވެގެން 100 (ސަތޭކަ) އަކަފޫޓު ހަމަވާންވާނެއެވެ. އަދި ގަރާޖުގެ ފުޅާމިނުގައި މަދުވެގެން 8 (އަށެއް) ފޫޓު 4 (ހަތަރެއް) އިންޗި ހަމަވާން ޖެހޭނެއެވެ. ދިގުމިނުގައި މަދުވެގެން 12 (ބާރަ) ފޫޓު ހަމަވާން ވާނެއެވެ. އަދި ގަރާޖަށް ވަންނަ ދޮރުގެ ފުޅާމިނުގައި މަދުވެގެން އެއުޅަނދުގެ ފުޅާމިނަށްވުރެ 18 އިންޗި ހަމަވާން ވާނެއެވެ.
6- ގަރާޖު ހުންނަ މަގުގެ ފުޅާމިނުގައި މަދުވެގެން 8 (އަށެއް) ފޫޓު ހަމަވާން ވާނެއެވެ. އަދި އެ މަގަކީ ހަތަރު ފުރޮޅުލީ ވެހިކަލް ވަނުން ހުއްދަކޮށްފައިވާ މަގެއް ކަމަށް ވާންވާނެއެވެ.
7- ގަރާޖަކީ ތަޅުންއަޅައި ސީލިންގ ކޮށްފައިވާ ތަނެއްނަމަ އެތަނުގެ ސީލިންގއާއި ތަޅުމާ ދެމެދު މަދުވެގެން 6 (ހައެއް) ފޫޓް ހުސްޖާގަ ހުންނަން ވާނެއެވެ.
8- ގަރާޖުގައި ތަޅުން އަޅާފައިވާނަމަ ތަޅުން އޮންނަންވާނީ އެއްހަމައަކަށް ލެވެލްކޮށް އުޅަނދަށް ފަސޭހަކަމާއެކު ވަދެ ނިކުމެވޭ ގޮތަށެވެ. އަދި ތަޅުމެއް ނެތްނަމަ އެތަން އޮންނަންވާނީ އެއްހަމައަކަށް ލެވެލްކޮށް އުޅަނދަށް ފަސޭހަކަމާއެކު ވަދެ ނިކުމެވޭ ގޮތަށެވެ.
9- ގަރާޖުގެ ބޮޑުމިން ކަނޑައަޅާނީ ، އެގަރާޖެއްގައި ބާއްވާ އުޅަނދުގެ ބޮޑުމިނަށް ބެލުމަށްފަހު އެ އުޅަނދުގެ މިންތަކަށްވުރެ ކުޑަނުވާ ނަމައެވެ. ގަރާޖުގައި ބާއްވާ އުޅަނދު ކަނޑައެޅުމުގައި އެ ގަރާޖަށް ފަސޭހަ ކަމާއެކު އުޅަނދު ވަދެ ނުކުމެ ހެދުމަށް މަގެއް ބޭއްވުމަށްޓަކައި އެ ގަރާޖަށް ވައްދާ އުޅަނދުގެ ފުޅާ މިނަށް ވުރެ 18 އިންޗި ހިމަނައިގެން ވަދެ ނިކުމެ ހެދުމަށް ހުސް ޖާގައެއް ކަނޑައަޅަން ވާނެއެވެ.
10- އެއްބަސްވުމެއްގެ ދަށުން ދިގުމުއްދަތަކަށް ކުއްޔަށް ހިފާފައިވާ އިމާރާތްތަކަށް ގަރާހް ހުއްދަ ދީފައިވާނަމަ އެ ހުއްދައަށް އެއްގަމު އުޅަނދު ރަސްޓްރީ ކުރުމަށް ގޭގެ ވެރިފަރާތް ނޫން ފަރާތަކުން ހުށަހަޅާނަމަ ގޭގެ ވެރިފަރާތުން އެ ގަރާޖުގައު އުޅަނދު ރަޖިސްޓްރީ ކުރުމަށް އިއުތިރާޟް ނުކުރާކަމަށް ދީފައިވާ ލިޔުމާއި ގޭގެ ވެރިފަރާތުގގެ އައިޑީ ކާޑު ހުށަހަޅަންވާނެއެވެ.
11- އެއްގަމު އުޅަނދު ރަޖިސްޓްރީ ކުރުމަށް ހުށައަޅާއިރު ގަރާޖު ހުއްދައިގެ އަސްލާއި ކޮޕީ ހުށަހަޅަންވާނެއެވެ.
12- ގަރާޖުގެ ވެރިފަރާތުން ދޭ ސިޓީގައި ކޮށްފައިވާ ސޮއި ، އައި.ޑީ ކާޑުގައި ކޮށޤފައިވާ ސޮއިއާއި ދިމާނުވާ ހާލަތްތަކުގައި ވެރިފަރާތުން ކަމާބެހޭ މުވައްސަސާއަށް ހާޟިރުވެ ސޮއިކުރަންވާނެއެވެ.
13- ގަރާޖު ޗެކްކުރާއިރު އެގަރާޖުގައި ވެހިކަލް ގަރާޖުކުރުން ނޫން އެހެން ބޭނުމެއް ކުރާނަމަ އެފަދަ ތަނަކަށް ވެހިކަލް ރަޖިސްޓްރީކޮށް ނުދެވޭނެއެވެ.
14- "ބީ" ޒޯނުގައި ރަޖިސްޓްރީ ކުރުމަށް ސަރުކާރުގެ ކަމާބެހޭ މުއައްސަސާއިން "ވަކިކަމަކަށް ޢިމާރާތް ބޭނުންކުރުމުގެ ހުއްދަ" ގައި އަމިއްލަ ވެހިކަލް ބާއްވާ ގަރާޖެއްގެ ގޮތުގައި ބޭނުންކުރުންކަމަށް ބަޔާންކޮށްފައިވާނަމަ އެ ހުއްދައިގެ ދަށުން އެހެންފަރާތަކުން އެއްގަމު އުޅަނދު ރަޖިސްޓްރީ ކުރުމަށް އެދޭނަމަ ގަރާޖުގެ ވެރިފަރާތާއި އުޅަނދުގެ ވެރިފަރާތާ ދެމެދު އުޅަނދު ގަރާޖުކުރުމަށް ވެފައިވާ އެއްބަސްވުން ހުށަހަޅަން ޖެހޭނެއެވެ. މި އެއްބަސްވުމުގައި އުޅަނދުގެ ވެރިފަރާތުން އުޅަނދު ގަރާޖުކުރަން ބޭނުންވާ ކޮންމެ ވަގުތެއްގައި އެ ގަރާޖުގައި އުޅަނދު ބޭއްވޭނެކަމަށް އެއްބަސްވުމަކާއެކު އެގަރާޖު އެހެން ބޭނުމަކަށް ބޭނުންކުރާނަމަ އެގަރާޖުގައި ރަޖިސްޓްރީ ކޮށްފައިވާ އެއްގަމު އުޅަނދު ގަރާޖުކުރާނެ އެހެން ގަރާޖެއް އެ ގޭގެ ވެރިފަރާތުން ދައްކަން ވާނެކަމަށް ބަޔާންކުރަންވާނެއެވެ. އަދި މި އެއްބަސްވުމުގައި އުޅަނދުގެ ވެރިފަރާތަށް ގަރާޖެއްގެ ގޮތުގައި ދޫކޮށްފައިވާ ތަނުގެ ދިގުމިނާއި ފުޅާމިން ބަޔާންކޮށް އެ ގަރާޖަށް އުޅަނދުގެ ވެރިފަރާތް ބޭނުން ކޮންމެ އިރަކު ވަދެވޭނެކަމުގެ ޔަގީންކަން ގަރާޖުގެ ވެރިފަރާތުން ދީފައިވާކަން ބަޔާންކޮށްފައި އޮންނަން ވާނެއެވެ.
15- ކުރިން ދޫކޮށްފައިވާ ގަރާޖު ހުއްދައެއްގެ ދަށުން އެ ގަރާޖަކަށް އުޅަނދު ރަޖިސްޓްރީ ކޮށްފައިވާނަމަ އެ ގަރާޖެއްގައި ކުރިން ރަޖިސްޓްރީ ކޮށްފައިވާ އުޅަނދު އެގަރާޖުގައި ގަރާޖުކުރަމުން ނުގެންދާކަން މިކައުންސިލުން ބަލާ ބެލުންތަކުން ފާހަގަ ކުރެވިއްޖެނަމަ އެ ގަރާޖަކަށް އިތުރަށް އުޅަނދު ރަޖިސްޓްރީކޮށް ނުދެވޭނެއެވެ.
16- މިއުސޫލުގައި ބާޔާންކޮށްފައި ނެތް ކަމެއް ދިމާވެއްޖެނަމަ އެކަމެއް ނިންމާނީ ކައުންސިލްގެ ލަފާގެމަތިންނެވެ.
13 ޝައްވާލް 1440
16 ޖޫން 2019
މަތީގައި ދެންނެވިފައިވާ އުސޫލަކީ 12 ޖޫން 2019 ވަނަދުވަހު ބޭއްވުނު މިދައުރުގެ ކައުންސިލްގެ 105 ވަނަ އާންމު ޖަލްސާއިން ފާސްކުރެވިފައިވާ އުސޫލެކެވެ.
ވެހިކަލް ގަރާޖު ކަނޑައެޅުމުގައި ބަލާނެ އުސޫލު
ތަޢާރަފް
މި އުޞޫލަކީ ގަރާޖު ކަނޑައެޅުމުގައި ބަލާނެ އުޞޫލެވެ. މި އުޞޫލު ހަދާފައިވަނީ 2009 އޭޕްރީލް 29 ގައި ޢަމަލުކުރަން ފަށާފައިވާ އެއްގަމުގައި ދުއްވާ އިންޖީނުލީ އުޅަނދު ރަޖިސްޓްރީ ކުރުމުގެ ޤަވާއިދުގެ 4 ވަނަ މާއްދާގެ "ރ" ގައި ބަޔާންކޮށްފައިވާ ގޮތަށް ދެފުރޮޅަށްވުރެ ގިނަ ފުރޮޅު ލީ އުޅަނދު ރަޖިސްޓްރީކޮށްދިނުމުގެ ކުރިން އެ އުޅަނދެއް ބޭއްވުމަށް ކަނޑައަޅާ ގަރާޖުގެ ލިޔުން ހުށަހަޅަންޖެހުމާއި ގުޅިގެންނެވެ.
ޢަމަލުކުރުން
- މި އުޞޫލަށް ޢަމަލު ކުރަން ފަށާނީ 2019 ޖުލައި 25 އިން ފެށިގެންނެވެ.
- މި އުޞޫލަކީ މާރަންދޫގައި ދެފުރޮޅަށްވުރެ ގިނަ ފުރޮޅު ލީ އެއްގަމު އުޅަނދުތައް ޕާކުކުރުމަށް ހަދާ ޕާކިންގ ގަރާޖަށް ހުއްދަ ދިނުމުގައި ގެންގުޅޭނެ އުސޫލެވެ.
ގަރާޖެއްގައި ހުންނަންޖެހޭ ޝަރުތުތައް
1- ގަރާޖުގެ ގޮތުގައި ދައްކާތަނަކީ ސަރުކާރުގެ ކަމާބެހޭ އިދާރާއެއްގައި ރަޖިސްޓްރީކޮށް ހުއްދައޮތް ބިމެއް ކަމަށްވާންވާނެއެވެ.
2- ގަރާޖެއްގެ ގޮތުގައި ދައްކާތަން ހުންނަންވާނީ އުޅަނދު ވަންނަވަރުގެ ދޮރެއްކަނޑާ އިންފާރު ރާނާ ވަކިކޮށްފައެވެ.
3- ގަރާޖު ހުއްދާގައި ގަރާޖުގެ ދިގުމިނާއި ފުޅާމިނާއި އަދި އޭރިޔާ އަކަފޫޓުން ބަޔާންކުރަން ވާނެއެވެ.
4- އެއްގަމު އުޅަނދު ރަޖިސްޓްރީ ކޮށްދޭ ފަރާތުން ގަރާޖް ޗެކްކުރާއިރު ހުއްދައިގައި ބަޔާންކޮށްފައިވާ މިން ހަމަނުވާނަމަ އެ ގަރާޖަކަށް އެއްގަގަމު އުޅަނދު ރަޖިސްޓްރީ ކޮށްދެވޭނީ އެ ގަރާޖު ހުއްދައިގެ މިންތައް އިސްލާހުކުރުމަށްފަހު ހުށަހެޅުމުންނެވެ.
5- ގަރާޖުގެ ބޮޑުމިނުގައި މަދުވެގެން 100 (ސަތޭކަ) އަކަފޫޓު ހަމަވާންވާނެއެވެ. އަދި ގަރާޖުގެ ފުޅާމިނުގައި މަދުވެގެން 8 (އަށެއް) ފޫޓު 4 (ހަތަރެއް) އިންޗި ހަމަވާން ޖެހޭނެއެވެ. ދިގުމިނުގައި މަދުވެގެން 12 (ބާރަ) ފޫޓު ހަމަވާން ވާނެއެވެ. އަދި ގަރާޖަށް ވަންނަ ދޮރުގެ ފުޅާމިނުގައި މަދުވެގެން އެއުޅަނދުގެ ފުޅާމިނަށްވުރެ 18 އިންޗި ހަމަވާން ވާނެއެވެ.
6- ގަރާޖު ހުންނަ މަގުގެ ފުޅާމިނުގައި މަދުވެގެން 8 (އަށެއް) ފޫޓު ހަމަވާން ވާނެއެވެ. އަދި އެ މަގަކީ ހަތަރު ފުރޮޅުލީ ވެހިކަލް ވަނުން ހުއްދަކޮށްފައިވާ މަގެއް ކަމަށް ވާންވާނެއެވެ.
7- ގަރާޖަކީ ތަޅުންއަޅައި ސީލިންގ ކޮށްފައިވާ ތަނެއްނަމަ އެތަނުގެ ސީލިންގއާއި ތަޅުމާ ދެމެދު މަދުވެގެން 6 (ހައެއް) ފޫޓް ހުސްޖާގަ ހުންނަން ވާނެއެވެ.
8- ގަރާޖުގައި ތަޅުން އަޅާފައިވާނަމަ ތަޅުން އޮންނަންވާނީ އެއްހަމައަކަށް ލެވެލްކޮށް އުޅަނދަށް ފަސޭހަކަމާއެކު ވަދެ ނިކުމެވޭ ގޮތަށެވެ. އަދި ތަޅުމެއް ނެތްނަމަ އެތަން އޮންނަންވާނީ އެއްހަމައަކަށް ލެވެލްކޮށް އުޅަނދަށް ފަސޭހަކަމާއެކު ވަދެ ނިކުމެވޭ ގޮތަށެވެ.
9- ގަރާޖުގެ ބޮޑުމިން ކަނޑައަޅާނީ ، އެގަރާޖެއްގައި ބާއްވާ އުޅަނދުގެ ބޮޑުމިނަށް ބެލުމަށްފަހު އެ އުޅަނދުގެ މިންތަކަށްވުރެ ކުޑަނުވާ ނަމައެވެ. ގަރާޖުގައި ބާއްވާ އުޅަނދު ކަނޑައެޅުމުގައި އެ ގަރާޖަށް ފަސޭހަ ކަމާއެކު އުޅަނދު ވަދެ ނުކުމެ ހެދުމަށް މަގެއް ބޭއްވުމަށްޓަކައި އެ ގަރާޖަށް ވައްދާ އުޅަނދުގެ ފުޅާ މިނަށް ވުރެ 18 އިންޗި ހިމަނައިގެން ވަދެ ނިކުމެ ހެދުމަށް ހުސް ޖާގައެއް ކަނޑައަޅަން ވާނެއެވެ.
10- އެއްބަސްވުމެއްގެ ދަށުން ދިގުމުއްދަތަކަށް ކުއްޔަށް ހިފާފައިވާ އިމާރާތްތަކަށް ގަރާހް ހުއްދަ ދީފައިވާނަމަ އެ ހުއްދައަށް އެއްގަމު އުޅަނދު ރަސްޓްރީ ކުރުމަށް ގޭގެ ވެރިފަރާތް ނޫން ފަރާތަކުން ހުށަހަޅާނަމަ ގޭގެ ވެރިފަރާތުން އެ ގަރާޖުގައު އުޅަނދު ރަޖިސްޓްރީ ކުރުމަށް އިއުތިރާޟް ނުކުރާކަމަށް ދީފައިވާ ލިޔުމާއި ގޭގެ ވެރިފަރާތުގގެ އައިޑީ ކާޑު ހުށަހަޅަންވާނެއެވެ.
11- އެއްގަމު އުޅަނދު ރަޖިސްޓްރީ ކުރުމަށް ހުށައަޅާއިރު ގަރާޖު ހުއްދައިގެ އަސްލާއި ކޮޕީ ހުށަހަޅަންވާނެއެވެ.
12- ގަރާޖުގެ ވެރިފަރާތުން ދޭ ސިޓީގައި ކޮށްފައިވާ ސޮއި ، އައި.ޑީ ކާޑުގައި ކޮށޤފައިވާ ސޮއިއާއި ދިމާނުވާ ހާލަތްތަކުގައި ވެރިފަރާތުން ކަމާބެހޭ މުވައްސަސާއަށް ހާޟިރުވެ ސޮއިކުރަންވާނެއެވެ.
13- ގަރާޖު ޗެކްކުރާއިރު އެގަރާޖުގައި ވެހިކަލް ގަރާޖުކުރުން ނޫން އެހެން ބޭނުމެއް ކުރާނަމަ އެފަދަ ތަނަކަށް ވެހިކަލް ރަޖިސްޓްރީކޮށް ނުދެވޭނެއެވެ.
14- "ބީ" ޒޯނުގައި ރަޖިސްޓްރީ ކުރުމަށް ސަރުކާރުގެ ކަމާބެހޭ މުއައްސަސާއިން "ވަކިކަމަކަށް ޢިމާރާތް ބޭނުންކުރުމުގެ ހުއްދަ" ގައި އަމިއްލަ ވެހިކަލް ބާއްވާ ގަރާޖެއްގެ ގޮތުގައި ބޭނުންކުރުންކަމަށް ބަޔާންކޮށްފައިވާނަމަ އެ ހުއްދައިގެ ދަށުން އެހެންފަރާތަކުން އެއްގަމު އުޅަނދު ރަޖިސްޓްރީ ކުރުމަށް އެދޭނަމަ ގަރާޖުގެ ވެރިފަރާތާއި އުޅަނދުގެ ވެރިފަރާތާ ދެމެދު އުޅަނދު ގަރާޖުކުރުމަށް ވެފައިވާ އެއްބަސްވުން ހުށަހަޅަން ޖެހޭނެއެވެ. މި އެއްބަސްވުމުގައި އުޅަނދުގެ ވެރިފަރާތުން އުޅަނދު ގަރާޖުކުރަން ބޭނުންވާ ކޮންމެ ވަގުތެއްގައި އެ ގަރާޖުގައި އުޅަނދު ބޭއްވޭނެކަމަށް އެއްބަސްވުމަކާއެކު އެގަރާޖު އެހެން ބޭނުމަކަށް ބޭނުންކުރާނަމަ އެގަރާޖުގައި ރަޖިސްޓްރީ ކޮށްފައިވާ އެއްގަމު އުޅަނދު ގަރާޖުކުރާނެ އެހެން ގަރާޖެއް އެ ގޭގެ ވެރިފަރާތުން ދައްކަން ވާނެކަމަށް ބަޔާންކުރަންވާނެއެވެ. އަދި މި އެއްބަސްވުމުގައި އުޅަނދުގެ ވެރިފަރާތަށް ގަރާޖެއްގެ ގޮތުގައި ދޫކޮށްފައިވާ ތަނުގެ ދިގުމިނާއި ފުޅާމިން ބަޔާންކޮށް އެ ގަރާޖަށް އުޅަނދުގެ ވެރިފަރާތް ބޭނުން ކޮންމެ އިރަކު ވަދެވޭނެކަމުގެ ޔަގީންކަން ގަރާޖުގެ ވެރިފަރާތުން ދީފައިވާކަން ބަޔާންކޮށްފައި އޮންނަން ވާނެއެވެ.
15- ކުރިން ދޫކޮށްފައިވާ ގަރާޖު ހުއްދައެއްގެ ދަށުން އެ ގަރާޖަކަށް އުޅަނދު ރަޖިސްޓްރީ ކޮށްފައިވާނަމަ އެ ގަރާޖެއްގައި ކުރިން ރަޖިސްޓްރީ ކޮށްފައިވާ އުޅަނދު އެގަރާޖުގައި ގަރާޖުކުރަމުން ނުގެންދާކަން މިކައުންސިލުން ބަލާ ބެލުންތަކުން ފާހަގަ ކުރެވިއްޖެނަމަ އެ ގަރާޖަކަށް އިތުރަށް އުޅަނދު ރަޖިސްޓްރީކޮށް ނުދެވޭނެއެވެ.
16- މިއުސޫލުގައި ބާޔާންކޮށްފައި ނެތް ކަމެއް ދިމާވެއްޖެނަމަ އެކަމެއް ނިންމާނީ ކައުންސިލްގެ ލަފާގެމަތިންނެވެ.
13 ޝައްވާލް 1440
16 ޖޫން 2019
މަތީގައި ދެންނެވިފައިވާ އުސޫލަކީ 12 ޖޫން 2019 ވަނަދުވަހު ބޭއްވުނު މިދައުރުގެ ކައުންސިލްގެ 105 ވަނަ އާންމު ޖަލްސާއިން ފާސްކުރެވިފައިވާ އުސޫލެކެވެ.