ދިވެހިރާއްޖެ
ވަޒީފާގެ ފުރުޞަތު
މަޤާމު: ޕޮލިސް ކޮންސްޓަބަލް
ބޭނުންވާ އަދަދު؛
ފިރިހެން އަދި އަންހެން ހިމަނައިގެން: ގއ.އަތޮޅު - 10 ޖާގަ، ގދ.އަތޮޅު- 10 ޖާގަ، ސ.އަތޮޅު- 10 ޖާގަ
ހަމައެކަނި އަންހެން: ޖާގައިގެ އަދަދު؛ 10
ހަމައެކަނި އަންހެން ޖާގަތަކަށް އިސްކަންދެވޭނެ ގޮތުގެ ތަފްޞީލް: އއ.އަތޮޅު- 2 ޖާގަ، ކ.އަތޮޅު- 1 ޖާގަ، ވ.އަތޮޅު- 1 ޖާގަ، ދ.އަތޮޅު- 1 ޖާގަ، ނ.އަތޮޅު: 2 ޖާގަ، ޅ.އަތޮޅު- 1 ޖާގަ، ފ.އަތޮޅު- 1 ޖާގަ، މ.އަތޮޅު: 1 ޖާގަ
މުސާރައާއި އެހެނިހެން ޢިނާޔަތްތައް؛
މުސާރަ: -/11،810 ރުފިޔާ
މުސާރަ ބެހިގެންވާ ގޮތުގެ ތަފްޞީލް:
އަސާސީ މުސާރަ: -/4،650 ރުފިޔާ
ސަރވިސް އެލަވަންސްގެ ގޮތުގައި މަހަކު: -/5,000 ރުފިޔާ
ނޮން-ޕްރެކްޓިސް އެލަވަންސް: އަސާސީ މުސާރައިގެ %40 (-/1،860 ރުފިޔާ)
ޔުނީފޯމް އެލަވަންސް: -/300 ރުފިޔާ
- ވަޒީފާއަށް ރެކްރޫޓްކުރެވޭ ތާރީޚުން ފެށިގެން 03 މަސް ދުވަސް ވުމުން، ސަރވިސް އެލަވަންސް، ނޮން-ޕްރެކްޓިސް އެލަވަންސް، ޕްރޮފެޝަނަލް އެލަވަންސް (ޑިޕްލޮމާ - އަސާސީ މުސާރައިގެ 10 އިންސައްތަ، ބެޗްލަރސް ޑިގްރީ - އަސާސީ މުސާރައިގެ 15 އިންސައްތަ، މާސްޓަރސް - އަސާސީ މުސާރައިގެ 20 އިންސައްތަ) އަދި ފުލުހުންގެ ވަޒީފާއާބެހޭ ޤަވާޢިދުގައިވާ ގޮތުގެ މަތިން އެހެނިހެން އިނާޔަތްތަކާއި، އެލަވަންސްތައް ލިބޭނެއެވެ.
- ކޮލިފައިޑް ޕޮލިސް އޮފިސަރަކަށްވުމުން މަޤާމުގެ ކުރިއެރުމާއި ޝަރަފުގެ ނިޝާން ދިނުމާއި ބެހޭ ޤަވާޢިދުގައިވާ ގޮތުގެ މަތިން އެފަރާތެއްގެ ތަޢުލީމީ ފެންވަރާ އެއްވަރުގެ މަޤާމަކަށް މަޤާމުގެ ކުރިއެރުން ދެވޭނެއެވެ.
މަޤާމުގެ މަސްއޫލިއްޔަތު:
- ފުލުހެއްގެ މަސްއޫލިއްޔަތު އަދާކުރުމުގެ ގޮތުން ކުރަންޖެހޭ އެންމެހައި މަސައްކަތްތައް ކުރުން.
ޝަރުޠު:
- ޖީ.ސީ.އީ އޯ ލެވެލް އިމްތިޙާނުން ނުވަތަ ސެކަންޑަރީ ސްކޫލް ސެޓުފިކެޓު އިމްތިޙާނުގެ 03 މާއްދާއިން ދަށްވެގެން "ސީ" ފާސްލިބިފައިވުން، ނުވަތަ ޖީ.ސީ.އީ އޯ ލެވެލް އިމްތިޙާނު ނުވަތަ ސެކަންޑަރީ ސްކޫލް ސެޓުފިކެޓު އިމްތިޙާނުގެ 02 މާއްދާއިން ދަށްވެގެން "ސީ" ފާސްލިބިފައިވުމާއެކު މޯލްޑިވްސް ކޮލިފިކޭޝަން އޮތޯރިޓީން ގަބޫލުކުރާ ލެވެލް 3 ގެ ކޯހެއް ފުރިހަމަކޮށްފައިވުން ނުވަތަ އެއަށްވުރެ މަތީ ސަނަދެއް ހާސިލުކޮށްފައިވުން، ނުވަތަ
- މޯލްޑިވްސް ޕޮލިސް ސަރވިސް އާއި ގުޅުން ހުރި ދާއިރާ އަކުން 02 އަހަރު ދުވަހު އުޅެ ތަޖުރިބާ ލިބިފައިވުން،ނުވަތަ
- ނިޔަމި ކޯސް ފުރިހަމަކޮށް 02 އަހަރު ދުވަހު އުޅެ ތަޖުރިބާ ލިބިފައިވުން،
- މީލާދީގޮތުން 18 އަހަރާއި 25 އަހަރާ ދެމެދުގެ މީހަކު ކަމުގައިވުން،
- އިސްކޮޅު: ފިރިހެން އިސްކޮޅުގައި 5 ފޫޓް 3 އިންޗި އަދި އަންހެން އިސްކޮޅުގައި 5 ފޫޓަށްވުރެ ކުރުނުވުން،
- އިސްލާމްދީނުގައި ހައްދެއް ކަނޑައެޅިފައިވާ ކުށެއް ކުރިކަން، ނުވަތަ ވައްކަން، ޓެކުން، މަކަރާއި ޙީލަތް، މަސްތުވާތަކެތި ބޭނުންކުރުން، ނުވަތަ މަސްތުވާތަކެތީގެ ވިޔަފާރިކުރުން، އަދި ޚިޔާނާތް ފަދަ ކުށެއް ކުރިކަން ވޭތުވެދިޔަ 5 އަހަރުދުވަހުގެ ތެރޭގައި ޝަރީޢަތަށް ސާބިތުވެފައިވާ މީހަކު ކަމުގައި ނުވުން،
- ވޭތުވެދިޔަ 5 އަހަރުދުވަހުގެ ތެރޭގައި، މަނާކުރެވިފައިވާ މަސްތުވާ އެއްޗަކުން އެކަހެރިވުމަށް ފަރުވާހޯދާފައިވާ ފަރާތަކަށްނުވުން،
- ދިވެހިރާއްޖޭގައި ރަޖިސްޓަރީކޮށްފައިވާ އެއްވެސް ސިޔާސީ ޕާޓީއެއްގެ ރަޖިސްޓަރީގައިވާ މީހެއްނަމަ، މޯލްޑިވްސް ޕޮލިސް ސަރވިސްގެ ވަޒީފާ ހަމަޖެހުމުން އެ ޕާޓީއެއްގެ ރަޖިސްޓްރީ އިން އުނިވާންޖެހޭނެއެވެ.
- ފުލުހުންގެ ތަމްރީން ފުރިހަމަކުރެވޭ ފަދަ ދުޅަހެޔޮ ޞިއްޙަތެއްގައިވާ މީހަކު ކަމުގައިވުން،
ވަޒީފާއަށް މީހުން ހޮވުމުގައި ބެލެވޭނެ ކަންތައްތައް:
- މި އިޢުލާނުގައި ބަޔާންކުރެވިފައިވާ އަތޮޅުތަކުގައި މަސައްކަތްކުރުމުގެ ޝައުޤުވެރިކަން ހުރި ފަރާތްތަކަށް އިސްކަންދެވޭނެއެވެ.
- މި ވަޒީފާއަށް މީހުން ހޮވުމުގައި ޖީ.ސީ.އީ އޭ-ލެވަލް ފުރިހަމަކޮށްފައިވާ ފަރާތްތަކަށާއި މި ސަރވިސްއަށް ބޭނުންތެރި ދާއިރާތަކުން ކޯސް ފުރިހަމަކޮށްފައިވާ ފަރާތްތަކަށް އިސްކަންދެވޭނެއެވެ.
- މި ވަޒީފާއަށް ކުރިމަތިލާ ފަރާތްތަކަށް ދެވޭ އެޕްޓިޓިއުޑް ޓެސްޓުން ފާސްވުން،
- މި ވަޒީފާއަށް ކުރިމަތިލާ ފަރާތްތަކުގެ ހަށިހެޔޮކަން ދެނެގަތުމަށް ދެވޭ ފިޒިކަލް ފިޓްނަސްއާއި ފެތުމުގެ ޓެސްޓުން ފާސްވުން،
- މި ވަޒީފާއަށް ކުރިމަތިލާ ފަރާތްތަކަށް ދެވޭ މެޑިކަލް އެގްޒަމިނޭޝަން, ކުރެވޭ އިންޓަވިއުއާއި ބެކްގްރައުންޑް އެސެސްމަންޓް އިން ފާސްވުން،
- ސްޕެޝިއަލް ކޮންސްޓެބުލަރީގެ ވަޒީފާގައި 02 އަހަރު ދުވަހު އުޅެ ތަޖުރިބާ ލިބިފައިވުމާއެކު މި ސަރވިސްގެ ވަޒީފާ އަދާކުރަމުން ދަނިކޮށް އުމުރުން 25 އަހަރު ފުރި 27 ފުރިފައިނުވާ ފަރާތަކަށްވުން.
- މޯލްޑިވްސް ޕޮލިސް ސަރވިސް އާއި ގުޅުން ހުރި ދާއިރާ އަކުން ތަޖުރިބާ ލިބިފައިވާ ފަރާތެއްނަމަ އެފަރާތެއްގެ މަސައްކަތްކޮށްފައިވާ ގޮތަށް ބެލެވޭނެއެވެ.
މަސައްކަތްކުރަންޖެހޭ ތަން: މޯލްޑިވްސް ޕޮލިސް ސަރވިސް އިން ކަނޑައަޅާ ތަނެއްގައި. އެހެންނަމަވެސް، މި ވަޒީފާއަށް ހޮވޭ މުވައްޒަފުން ތިރީގައި ބަޔާންކުރެވިފައިވާ އަތޮޅުތަކާއި ރަށްތަކުގައި މަސައްކަތްކުރުމަށް މޯލްޑިވްސް ޕޮލިސް ސަރވިސް އިން އެ ފަރާތްތައް ފޮނުވުމުގައި އިސްކަންދޭނެއެވެ.
- ގއ.އަތޮޅު، ގދ.އަތޮޅު، ސ.އަތޮޅު
- އއ.ރަސްދޫ، ކ.ތުލުސްދޫ، ވ.ފެލިދޫ، ޅ.ނައިފަރު، ނ.މަނަދޫ، ދ.ކުޑަހުވަދޫ، މ.މުލި، ގދ.ތިނަދޫ
ހުށަހަޅަންޖެހޭ ލިޔުންތައް:
- ފުރިހަމަކޮށްފައިވާ މޯލްޑިވްސް ޕޮލިސް ސަރވިސްގެ ވަޒީފާއަށް އެދި ހުށަހަޅާ ފޯމު،
- ދިވެހި ރައްޔިތެއްކަން އަންގައިދޭ ކާޑުގެ ކޮޕީ،
- ތަޢުލީމީ ސަނަދު ނުވަތަ ސެޓްފިކެޓުތަކުގެ އެކްރެޑިޓް ކޮށްފައިވާ ކޮޕީ (އެކްރެޑިޓް ކޮށްފައިވާ ސަނަދުގައި އަސްލާ އެއްގޮތްކަމަށް ރަސްމީ ފަރާތަކުން ނުވަތަ ޤާނޫނީ ވަކީލެއްގެ އޮފީހަކުން ތައްގަނޑު ޖަހާފައިވާ އަސްލު)،
- ލިބިފައިވާ ހުނަރުވެރިކަމުގެ ސެޓުފިކެޓުތަކުގެ ކޮޕ،
- ނެގިފަހުން 3 މަސްދުވަސް ވެފައިނުވާ އެ މީހެއްގެ އިސްކޮޅު ފެންނަ ފޮޓޯއަކާއި ޕާސްޕޯޓް ސައިޒުގެ 02 ފޮޓޯ،
- އިންޖީނުލީ އުޅަނދު ދުއްވުމުގެ ލައިސަންސް ލިބިފައިވާ މީހެއްނަމަ ލައިސަންސްގެ ކޮޕީ،
- ދިވެހި ސިވިލް ސަރވިސް ނުވަތަ އެހެންވެސް ވަޒީފާއެއްގައި ދެމިހުރި މީހެއްނަމަ، ވަޒީފާ އަދާކުރަމުންދާ އޮފީހުގެ އިއުތިރާޒެއް ނެތްކަމުގެ ލިޔުން،
- ކުރިން ވަޒީފާ އަދާކޮށްފައިވާ މީހެއްނަމަ ވަޒީފާ އަދާކުރި ތަންތަނުން ވަޒީފާ އަދާކުރިކަމުގެ ލިޔުން.
ސުންގަޑި:
މި މަޤާމަށް އެދި ހުށަހަޅާ ފަރާތްތަކުން މޯލްޑިވްސް ޕޮލިސް ސަރވިސްއިން ދޫކުރާ ވަޒީފާއަށް އެދި ހުށަހަޅާ ފޯމު ފުރިހަމަކުރުމަށްފަހު ހުށަހަޅަންޖެހޭ ލިޔުންތަކާއެކު 2019 މޭ 26 ވަނަ ދުވަހުގެ 13:00 ގެ ކުރިން ޝަހީދު ޙުސައިން އާދަމް ބިލްޑިންގގެ ރިސެޕްޝަން ނުވަތަ މި އިޢުލާނުގައި ބަޔާންކުރެވިފައިވާ އަތޮޅުތަކުގެ ޕޮލިސް ސްޓޭޝަންތަކުގެ ރިސެޕްޝަނަށް ހުށަހެޅުން އެދެމެވެ. މި މަޤާމަށް އެދި ހުށަހަޅާ ފޯމްތައް ބަލައިގަންނާނީ ރަސްމީ ބަންދު ނޫން ކޮންމެ ދުވަހެއްގެ މެންދުރުފަހު 14:00 އިން 16:00 އަށެވެ. އަދި ރަމަޟާން މަހުގައި ނަމަ، ރަސްމީ ބަންދު ނޫން ކޮންމެ ދުވަހެއްގެ 11:00 ން 13:00 ށެވެ.
ނޯޓު:
ވަޒީފާއަށް އެދި ހުށަހަޅާ ފޯމު ޝަހީދު ޙުސައިން އާދަމް ބިލްޑިންގ ނުވަތަ މި އިޢުލާނުގައި ބަޔާންކުރެވިފައިވާ އަތޮޅުތަކުގެ ޕޮލިސް ސްޓޭޝަންތަކުގެ ރިސެޕްޝަން އަދި މޯލްޑިވްސް ޕޮލިސް ސަރވިސްގެ ވެބްސައިޓް (www.police.gov.mv) އިން ލިބެން ހުންނާނެއެވެ.
މި މަޤާމުތަކަށް އެދި ފޯމު ހުށަހަޅާ ފަރާތްތަކުގެ ތެރެއިން މަޤާމުގެ ޝަރުޠު ހަމަނުވާ ފަރާތްތަކުގެ ފޯމު ބާޠިލުވާނެއެވެ. އަދި އިންޓަވިއުއަށް ކިޔާނީ ވަޒީފާއަށް އެދި ފޯމު ހުށަހަޅާ ފަރާތްތަކުގެ ތެރެއިން ޝޯޓްލިސްޓްކުރެވޭ ފަރާތްތަކަށެެވެ.
19 ޝަޢުބާން 1440
24 އެޕްރީލް 2019