ދިވެހިރާއްޖެ
ސަރުކާރުގެ ބޯހިޔާވަހިކަމުގެ ވަޢުދުގައި ހިމެނޭ ހައުސިންގ ޔުނިޓް އަޅައިދިނުމުގެ މަޝްރޫޢުގެ ދަށުން ފުވައްމުލަކު ސިޓީގައި ހައުސިންގ ޔުނިޓްތައް ޢިމާރާތްކުރުމާއި ގުޅޭ އިޢުލާން ނަންބަރު (IUL)468-LID/468/2019/140 އާއި ހަވާލާދީ ދަންނަވަމެވެ. ދިރިއުޅުމަށް ގޯތި ލިބިފައިވާ ފަރާތްތަކުގެ ތެރެއިން ގޯތީގައި ގެދޮރު އެޅުމަށް ބޭނުންވާ ފަރާތްތަކަށް މި މަޝްރޫޢުގެ ދަށުން ގެ އިމާރާތްކުރުމަށް އެދޭ ފޯމް ހުށަހެޅުމުގެ މުއްދަތު ވަނީ އިތުރުކޮށްފައެވެ.
ވީމާ، މިމަޝްރޫޢުގެ ދަށުން ދިރިއުޅުމަށް ދޫކޮށްފައިވާ ގޯތީގައި ގެ އެޅުމަށް ބޭނުންވާ ފަރާތްތަކުން "ސަރުކާރުގެ ބޯހިޔާވަހިކަމުގެ ވަޢުދުގައި ހިމެނޭ ހައުސިންގ ޔުނިޓް އަޅައިދިނުމުގެ މަޝްރޫޢުގެ ދަށުން ދިރިއުޅުމަށްޓަކައި ދޫކޮށްފައިވާ ގޯތިތަކުގެ ތެރެއިން އިމާރާތްނުކުރެވި ހުރި ހުސް ގޯތިތަކުގައި ގެ އެޅުމަށް އެދޭ ފޯމް" 30 ސެޕްޓެމްބަރު 2019 ވާ ހޯމަ ދުވަހުގެ 14:00 ގެ ކުރިން ފޯމު ފުރިހަމަކޮށް މި އިދާރާއަށް ހުށަހެޅުއްވުމަށް އާއްމުކޮށް އަންގާ އިޢުލާން ކުރަމެވެ.
އަދި މިމަޝްރޫޢުގެ ދަށުން އިމާރާތް ކުރުމަށް ހަމަޖެހިފައިވާ ހައުސިންގ ޔުނިޓް އިމާރާތް ކުރުމާއި ބެހޭ އުސޫލް މި އިދާރާގެ ނޯޓިސް ބޯޑުގައި ބެހެއްޓިފައި ހުންނާނެއެވެ. އަދި މިއިދާރާގެ ކައުންޓަރުން ވެސް ލިބެން ހުންނާނެއެވެ.