ބޭންކް އޮފް މޯލްޑިވްސް ޕަބްލިކް ލިމިޓެޑް ކޮމްޕެނީ އިން މި އަތޮޅުގައި އެ ބޭންކުގެ ޚިދުމަތް ދެއްވަމުން ގެންދަވާ "އަތޮޅުވެހި" ޢިމާރާތުގެ އެގްރީމެންޓުގެ މުއްދަތުހަމަވެ، އެގްރިމެންޓް އައުކުރުމުގައި، ބޭންކް އޮފް މޯލްޑިވްސް ޕލކ އާއި މި ކައުންސިލާ މެދު މުޢާމަލާތްކުރެވި، ދެ ފަރާތަށް އެއްބަސްވުމަކަށް ނާދެވި މައްސަލައަށް ޙައްލެއްނުލިބި ދިގުލައިގެންދާތީ، މި މައްސަލަ ދިވެހިރާއްޖޭގެ ޝަރުޢީދާއިރާ މެދުވެރިކޮށް ޙައްލުކުރުމަށްޓަކައި، މި ކައުންސިލުގެ ފަރާތުން މި މައްސަލަ ކަމާބެހޭ ކޯޓަށް ހުށަހަޅުއްވައި، ކޯޓު މަރުޙަލާގެ އެންމެހައި ކަންކަން މި ކައުންސިލަށް ކޮށްދެއްވާނެ ފަރާތެއް ހޯދުމަށް ކުރި ނަންބަރު: 233-CA/221/2019/16 އިޢުލާނާ ގުޅިގެން އަންސާސީ ހިސާބު ހުށަހެޅުއްވީ އެންމެ ފަރާތަކުން ކަމަށްވާތީވެ އެ އިޢުލާން ބާޠިލްކޮށް އަލުން އިޢުލާނު ކުރަމެވެ.

ޝަރުޠު: ދިވެހިރާއްޖޭގެ ކޯޓުތަކުގައި ވަކާލާތު ކުރުމުގެ ހުއްދަ އޮތް، އަދި އެ ހުއްދަ މިހާރު ބާޠިލްކޮށްފައިވާ ފަރާތެއްކަމުގައި ނުވުން.

އިތުރު މަޢުލޫމާތު ބޭނުންފުޅުވާނަމަ، 9998816 ނަންބަރު ފޯނާ ގުޅުއްވުން އެދެމެވެ.

ވީމާ، މި މައްސަލަ މި ކައުންސިލުގެ ފަރާތުން ދިވެހިރާއްޖޭގެ ކަމާބެހޭ ކޯޓަށް ހުށަހަޅުއްވައި، ކޯޓު މަރުޙަލާތަކުގައި ކުރައްވަންޖެހިވަޑައިގަންނަވާ އެންމެހައި ކަންކަން ކޮށްދެއްވުމަށް ޝައުޤްވެރިވެވަޑައިގަންނަވާ ބޭފުޅުން، 2019 ޖުލައި 18 ވަނަ ދުވަހުގެ 13:00ގެ ކުރިން، [email protected] އަށް ސިޓީއަކުން އަގު ހުށަހެޅުއްވުން އެދެމެވެ. އަގުހުށަހަޅުއްވާ ސިޓީއާއި އެކު، ދިވެހިރާއްޖޭގެ ކޯޓުތަކުގައި ވަކާލާތު ކުރުމުގެ ހުއްދައިގެ ކޮޕީ އާއި، ދިވެހިރައްޔިތެއްކަން އަންގައިދޭ ކާޑުގެ ކޮޕީގެ އިތުރުން، ޕްރޮފައިލް ހުށަހަޅުއްވަން ވާނެ އެވެ.