ދެންނެވުން
ނަންބަރު: SAM/2019/IULAANU/007
ޕަބްލިޝްކުރި ތާރީޚް: 03 އޮގަސްޓް 2019
ޕަބްލިޝްކުރި ގަޑި: 1025
ސުންގަޑި: 22 އޮގަސްޓް 2019 1400
ސްވިމިންގ އެސޯސިއޭޝަން އޮފް މޯލްޑިވްސް
ދިވެހިރާއްޖެ
ސްވިމިންގ އެސޯސިއޭޝަން އޮފް މޯލްޑިވްސްގެ މެންބަރުން ރީ-ރެޖިސްޓްރީ ކުރުން

ސްވިމިންގ އެސޯސިއޭޝަން އޮފް މޯލްޑިވްސްގެ 2018 ވަނަ އަހަރުގެ އަހަރީ އާންމު ޖަލްސާގައި ފާސްކުރެވުނު މިއެސޯސިއޭޝަނުގެ ހިންގާ ޤަވައިދު ވަނީ ކޮމިޝަނަރ އޮފް ސްޕޯރޓްސް އިން ފާސްކޮށްދީފައެވެ. މި ހިންގާ ޤަވައިދުގެ ދަށުން މެންބަރޝިޕްގެ ގިންތިތަކަށް ބައެއް ބަދަލުތައް އަންނަކަމަށްޓަކައި، މެންބަރުން އަލުން ރަޖިސްޓްރީ ކުރުމަށް މިއެސޯސިއޭޝަނުން ވަނީ ނިންމާފައެވެ.

ރީ ރަޖިސްޓްރީ ކުރާ މެންބަރުން، މި އަހަރަށް އެމެންބަރުން ދައްކަންޖެހޭ އަހަރީ ފީ ދައްކާފައި ވާނަމަ، އިތުރަކަށް އަހަރީފީ ދައްކާކަށެއް ނުޖެހޭނެއެވެ. ނަމަވެސް، އަލުން ފޯރމް ފުރިހަމަކޮށް، މިއެސޯސިއޭޝަނަށް ހުށަހަޅަން ވާނެއެވެ. މި އެސޯސިއޭޝަނުގެ ހުރިހާ މެންބަރުންވެސް 22 އޮގަސްޓް 2019 އަށް ރީ ރެޖިސްޓްރޭޝަންގެ ކަންކަން ފުރިހަމަކުރުމަށް އެސޯސިއޭޝަނުގެ ހުރިހާ މެންބަރުންނަށް އިލްތިމާސްކުރަމެވެ. އެސޯސިއޭޝަނުގެ މެންބަރުކަމަށް އެދޭ ފޯރމް އަދި އެސޯސިއޭޝަނުގެ އަސާސީ ޤަވައިދު މިއެސޯސިއޭޝަނުގެ ވެބްސައިޓުން ޑައުންލޯޑު ކުރެވެން ހުންނާނެ އެވެ.

ޑައުންލޯޑު ލިންކް: http://swimming.org.mv/get-involved

 

ވީމާ، މިއެސޯސިއޭޝަނުގެ ހުރިހާ މެމްބަރުންނާއި، މިއެސޯސިއޭޝަނުން ރާވައި ހިންގާ ޚަރަކާތްތަކުގައި ބައިވެރިވާ ހުރިހާ ފަރާތްތަކެއްގެ މަޢުލޫމާތައްޓަކައި މި ވާހަކަ ދަންނަވަމެވެ.

2019-08-03