ދަނޑުވެރިކަމުގެ މަސައްކަތުން ދަނޑުވެރިންނަށް ލިބޭ މަންފާ އިތުރުކޮށް ދިނުމަށްޓަކައި ދަނޑުވެރިންގެ މައުލޫމާތާއި ހުނަރު އިތުރުކުރުމަށް ތަފާތު ޕްރޮގްރާމްތައް މި މިނިސްޓްރީން ދަނީ ހިންގަމުންނެވެ. މިޕްރޮގްރާމްގެ ތެރެއިން ދަނޑުވެރިކަމުގެ ހުނަރު އިތުރުކުރުމާއި ޢަމަލީ ތަޖުރިބާ ޙާޞިލް ކުރުމުގެ ފުރުޞަތު ވަނީ ހުޅުވާ ލެވިފައެވެ.

މި ޕްރޮގްރާމްގައި ބައިވެރިވާ ފަރާތްތަކަށް، 6 މަސްދުވަހުގެ ދަނޑުވެރިކަމުގެ ތަމްރީން ދެވޭނެއެވެ. މިގޮތުން މިޕްރޮގްރާމްގެ ބައިވެރިން 4 މަސްދުވަހު ހަނިމާދޫ އެގްރިކަލްޗަރ ސެންޓަރުގައި ތަމްރީން ކުރެވޭނެއެވެ. އަދި އިންޑަސްޓްރީ ނުވަތަ ވިޔަފާރީގެ ތަޖްރިބާ ހޯދުމަށްޓަކައި ދިގުމުއްދަތަކަށް ދަނޑުވެރިކަމަށް ދޫކޮށްފައިވާ ރަށެއްގައި 2 މަސްދުވަހުގެ މުއްދަތަކަށް މަސައްކަތް ކުރާގޮތައް ވަނީ ރޭވިފައެވެ. އެހެންކަމުން، މި ޕްރޮގްރާމްގައި ބައިވެރިވުމުގެ ފުރުސަތު 6 ދަނޑުވެރިއަކަށް / ދަނޑުވެރިކަން ކުރުމަށް ޝައުޤުވެރިވާ ފަރާތްތަކަށް ދިނުމަށްވަނީ ނިންމާފައެވެ.

މިޕްރޮގްރާމްގައި ބައިވެރިވާ ފަރާތްތަކުގެ ދަތުރުފަތުރާއި ހުރުމާއި ކެއުން އަދި ޕޮކެޓްމަނީ 6 މަސްދުވަހުގެ މުއްދަތަށް މި މިނިސްޓްރީން ހަމަޖައްސައި ދެވޭނެއެވެ.