ދިވެހިރާއްޖެ
ބައިނަލްއަޤުވާމީ މުބާރާތެއްގެ ދަޢްވަތު
މެލޭޝިޔާގެ ކުއަލަލަމްޕޫރުގައި 2019 ވަނަ އަހަރު މޭ މަހުގެ 15 އިން 20 އަށް ބޭއްވުމަށް ހަމަޖެހިފައިވާ "61 ވަނަ އިންޓަނޭޝަނަލް ޤުރްއާން ރިސައިޓަރސް އެސެމްބްލީ" ގައި ބައިވެރިވުމުގެ ދައުވަތުވަނީ ރާއްޖެއަށް ލިބިފައެވެ. މިމުބާރާތުގައި ކޮންމެ ޖިންސަކުން ބޭފުޅަކު ބައިވެރިވުމުގެ ފުރުޞަތު އެބައޮތެވެ. މި އެސެމްބްލީގައި ބައިވެރިވެ ވަޑައިގަންނަވާ 2 ބޭފުޅުންނަށް ޓިކެޓް ޚަރަދާއި، ހުރުމުގެ ޚަރަދު މެލޭޝިޔާ ސަރުކާރުން ދެއްވާގޮތަށްވަނީ ހަމަޖެހިފައވެ.
ބައިވެރިވުމުގެ ޝަރުޠު
- މި މުބާރާތުގައި މީގެކުރިން ބައިވެރިވެފައިވާނަމަ ބައިވެރިވިފަހުން 3 އަހަރު ހަމަވެފައިވުން.
- މި މުބާރާތުގައި މީގެކުރިން ބައިވެރިވެ އެ ކެޓަގަރީއަކުން 1 ވަނަ ހޯދާފައިވާ ފަރާތެއްކަމުގައި ނުވުން.
- ޢުމުރުން 18 އަހަރުން މަތީގެ ފަރާތެއް ކަމުގައިވުން.
- ތަޖުވީދުމަގުން ރީތިކޮށް ދިގުރާގަށާއި ކުރުރާގަށް ކިޔަން އެނގުން / ހިތުދަސްކޮށްގެން ތިލާވަތުގެ ހަމަތަކާ އެއްގޮތަށް ކިޔަވަން އެނގުން.
މިމުބާރާތުގައި ރާއްޖެ ތަމްސީލުކުރާނެ 2 ބައިވެރިއަކު ހޮވުމަށް ބޭނުންވާތީ މިކަމަށް ޝަރުޠުހަމަވާ ފަރާތްތަކުން 2018 ޑިސެމްބަރ 27 ވާ ބުރާސްފަތި ދުވަހުގެ 12.00 ގެ ކުރިން މިކަމަށް އެދި ޤުރުއާނާބެހޭ މަރުކަޒަށް ސިޓީއާއެކު ޕާސްޕޯޓް ކޮޕީ، 1 ޕާސްޕޯޓް ސައިޒް ފޮޓޯ އަދި ވަނަވަރު ހުށަހެޅުއްވުން އެދެމެވެ.
