ވަޒީފާގެ ފުރުޞަތު:

                          މި ހޮސްޕިޓަލުގެ ޕްރޮޖެކްޓް މެނޭޖަރގެ މަގާމުގައި މަސައްކަތްކުރުމަށް ކޮންޓްރެކްޓް އުސޫލުން މީހަކު ބޭނުންވެއްޖެއެވެ.

މި މަގާމަށް ބޭނުންވަނީ މަސައްކަތަށް ޝައުގުވެރިކަންހުރި ގާބިލް މީހެކެވެ.

މަގާމް:                ޕްރޮޖެކްޓް މެނޭޖަރ

ބޭނުންވާ އަދަދު:          1 (އެކެއް)

މަގާމުގެ ގިންތި:          ކޮންޓްރެކްޓް އުސޫލުން

މަސައްކަތުގެ މުއްދަތު:      2 އަހަރު

ޑިޕާޓްމަންޓް:            އެގްޒެކްޓިވް ބިއުރޯ

ވަޒީފާއަދާ ކުރަންޖެހޭތަން:    އިންދިރާ ގާނދީ މެމޯރިއަލް ހޮސްޕިޓަލް / މާލެ

މުސާރަ:               މަހަކު -/8835ރުފިޔާ

ސަރވިސް އެލަވަންސް:      މަހަކު -/2000ރުފިޔާ

ނޮންޕްރެކްޓިސް އެލަވަންސް:   މަހަކު -/3092.25 ރުފިޔާ (މުސާރައިގެ %35)

ރިސްކް އެލަވަންސް:        -/75 ރުފިޔާ (މަސައްކަތަށް ނުކުންނަ ދުވަހަކަށް)

މަަސައްކަތްކުރަންޖެހޭ ވަގުތު:   ދުވާލަކު މަދުވެގެން 6 ގަޑިއިރު (ރަސްމީގަޑި)

މަގާމުގައި ކުރަންޖެހޭ

މަސައްކަތްތައް:           މިހޮސްޕިޓަލުގެ އެކިއެކި ޑިޕާޓްމަންޓުތަކުގެ ރިނޮވޭޓްކުރުމުގެ މަސައްކަތްތައް ރާވާ ހިންގާ ބެލެެހެއްޓުމާއި، އަދި ބައެއް ޚިދުމަތްތައް އިތުރުކޮށް ތަރައްގީކުރުމަށްޓަކައި އިތުރު ޕްރޮޖެކްޓްތައް ހިންގުމުގެ އެންމެހައި މަސައްކަތްތައް ރާވާ ހިންގާ ބެލެހެއްޓުން.

މަގާމުގެ ޝަރުތުތައް:       1- ސިވިލް އިންޖިނިއަރިންގ ނުވަތަ ޕްރޮޖެކްޓް މެނޭޖްމަންޓާއި ގުޅުންހުރި ދާއިރާއަކުން ދަށްވެގެން ޑިޕްލޮމާއެއް ނުވަތަ އެޑްވާންސް ޑިޕްލޮމާއެއް ހާސިލްކޮށްފައިވުން.

                     2- އިންފްރާސްޓްރަކްޗަރ ޕްރޮޖެކްޓް މެނޭޖްމަންޓުގެ ދާއިރާއަކުން 10މިލިޔަން ރާއްޖެ ރުފިޔާއަށްވުރެ މަދުނޫން އަގެއްގެ މަސައްކަތެއްގައި މަދުވެގެން 2 އަހަރު ދުވަހުގެ މަަސައްކަތުގެ ތަޖުރިބާ ލިބިފައިވުން. އަދި 2 އަހަރު ދުވަހަށްވުރެ ގިނަ ދުވަހުގެ ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.

މި މަގާމަށް އެންމެ ގާބިލް   

ފަރާތެއް ހޮވުމަށް          1. ދައުލަތުގެ މާލިއްޔަތު ގާނޫނާއި ގަވާއިދަށް އަހުލުވެރިވެފައިވުން.

ބެލެވޭނޭ ކަންތައްތައް:       2. ހިންގުންތެރިކަމުގެ ހުނަރު ހުރުން.

3.       ދިވެހި އަދި އިނގިރޭސި ބަހުން ފަރިތަކަމާއެކު މުއާމަލާތްކުރަން އެނގުން.

4.       ގިނަ ވަގުތު މަސައްކަތުގައި އުޅެވޭނެ ފަރާތެއްކަމުގައިވުން.

5.       މައްސަލަތައް ހައްލުކުރުމުގެ އަދި ބަސްމޮށުންތެރިކަމުގެ ހުނަރުހުރުން.

6.       އެމް.އެސް.އަޮފީސް ޕެކޭޖް ފަރިތަކަމާއެކު ބޭނުންކުރަން އެގުން.

7.       މަސައްކަތާއިގުޅޭ ދާއިރާއިން ހާސިލްކޮށްފައިވާ ތައުލީމާއި ތަމްރީނަށް ބަލައިގެން.

8.       މަސައްކަތާއި ގުޅޭ ދާއިރާއިން ލިބިފައިވާ ތަޖުރިބާއަށް ބަލައިގެން.

9.       މަސައްކަތްކުރުމުގެ ގާބިލްކަން ކަށަވަރުކުރުމަށްޓަކައި އިންޓަރވިއުކޮށްގެން.

ހުށަހަޅަންޖެހޭ ލިޔުންތައް:    1. ފުރިހަމަކޮށްފައިވާ ވަޒީފާއަށް އެދޭ ފޯމް.

                     2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯން ނަންބަރާއި އީމެއިލް އެޑްރެސް ހިމެނޭގޮތަށް)

3. ވަޒީފާއަށް އެދޭ ފަރާތުގެ، ދިވެހި ރައްޔިތެއްކަން އަންގައިދޭ މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ އަދި ލިޔެވިފައިވާ ލިޔުންތައް ކިޔަން އެނގޭފަދަ ކޮޕީއެއް.

4. ލިބިފައިވާ ތައުލީމީ ސެޓްފިކެޓްތަކުގެ ކޮޕީ.

(ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު ބައްލަވާފައިވާ ތައުލީމީ ސެޓްފިކެޓްތަކުގެ ކޮޕީ (ރާއްޖޭގައި ރަޖިސްޓްރީކޮށްގެން ހިންގާ މަތީ ތައުލީމްދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓްތަކާއި ރާއްޖެއިން ބޭރުގެ މަތީ ތައުލީމްދޭ މަރުކަޒަކުން ހިންގާ ރާއްޖޭއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓް ވަކި ފެންވަރެއްގައި ގަބޫލްކުރެވޭނެ ކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީއާއި ޓްރާންސްކްރިޕްޓުގެ ކޮޕީ)

(ށ) ރާއްޖޭގައި ރަޖިސްޓްރީކޮށްގެން ހިންގާ މަތީ ތައުލީމްދޭ މަރުކަޒަކުން ކުރިޔަށްގެންދާ ރާއްޖޭގެ ޕްރޮގްރާމްތަކުގެ ސެޓްފިކެޓްތަކުގެ ކޮޕީ (މިފަދަ ސެޓްފިކެޓްތައް އެކްރެޑިޓްކުރާކަން ނުޖެހޭނެއެވެ.) ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓުގެ ކޮޕީ.

(ނ) މަސައްކަތުގެ ތަޖުރިބާ ދެނެގަތުމަށް މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ

މަގާމަށް އެދެންވީގޮތާއި

ސުންގަޑި:              ވަޒީފާއަށްއެދޭ ފޯމް މި ހޮސްޕިޓަލުގެ 11 ވަނަ ފަންގިފިލާގެ ހިއުމަން ރިސޯސަސް ޑިޕާޓްމަންޓުން ލިބެން ހުންނާނެއެވެ. އަދި ގެޒެޓުން ޑައުންލޯޑްވެސް ކުރެވޭނެއެވެ. މިމަގާމަށްއެދި ހުށަހަޅަންޖެހޭ ތަކެތި ހުށަހަޅާނީ 28 އޯގަސްޓް 2018 ވާ އަންގާރަ ދުވަހުގެ 13.30 ގެ ކުރިން މި ހޮސްޕިޓަލުގެ 11 ވަނަ ފަންގިގިލާގެ ހިއުމަން ރިސޯސަސް ޑިޕާޓްމަންޓްއަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް މެދުވެރިކޮށްވެސް ބަލައިގަނެވޭނެއެވެ. އީމެއިލް އެޑްރެހަކީ: [email protected] އެވެ. ފެކްސް ނަންބަރަކީ 3316640 އެވެ. އެޕްލިކޭޝަން ފޯމާއެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައިނުވާނަމަ އެޕްލިކޭޝަން ބާތިލްކުރެވޭނެއެވެ.

އިންޓަރވިއު އޮންނާނެތަނާއި

މުއްދަތު:               މި މަގާމަށް މީހަކު ހޮވުމަށް އިންޓަރވިއު އޮންނާނީ 2018 އޯގަސްޓް މަހުގެ ތެރޭގައި މި ހޮސްޕިޓަލުގެ 11 ވަނަ ފަންގިފިލާގެ ހިއުމަން ރިސޯސަސް ޑިޕާޓްމަންޓުގައެވެ. ވުމާއެކު މި ވަޒީފާއަށް ކުރިމަތިލާ ފަރާތްތަކުން އެ ތާރީޚުތަކުގައި އިންޓަރވިއުއަށް ހާޟިރުވުމަށް ތައްޔާރުވެގެން ތިބުން އެދެމެވެ.

އިތުރުމައުލޫމާތު ހޯދުން:      މި އިއުލާނާއި ގުޅިގެން މައުލޫމާތު ސާފުކުރުމަށް ގުޅާނީ 3335234 ނަންބަރު ފޯނަށް ނުވަތަ 3335343 ނަންބަރު ފޯނަށެވެ.

                                                15 ޛުލްހިއްޖާ 1439

                                                26 އޯގަސްޓް 2018