ދިވެހިރާއްޖެ
އިޢުލާނު
ވަޒީފާގެ ފުރުސަތު
336/336/2018/11(IUL) 22 ޖުލައި 2018 ނަމްބަރ އިޢުލާން ބާޠިލްކޮށް އަލުން އިޢުލާން ކުރެވިފައި!
މަޤާމް: އެސިސްޓެންޓް ފައިނޭންސް އޮފިސަރ
މަޤާމުގެ ނަންބަރު: -
ބޭނުންވާ އަދަދު: 1 (އެކެއް)
މަޤާމުގެ ގިންތި: ވަގުތީ
މަޤާމުގެ ރޭންކް: ޖީ.އެސް 3
މަޤާމުގެ ކްލެސިފިކޭޝަން: އޮފިސަރ ގްރޭޑް 1
ވަޒީފާ އަދާކުރަން ޖެހޭ ތަން: މާލެއަތޮޅު ގުޅީ ކައުންސިލްގެ އިދާރާ / ކ. ގުޅި
މުސާރަ: -/4465 (ހަތަރުހާސް ހަތަރު ސަތޭކަ ފަސްދޮޅަސް ފަސް ރުފިޔާ)
ސަރވިސް އެލެވަންސް: -/1500 (އެއްހާސް ފައްސަތޭކަ ރުފިޔާ)
އިތުރު ޢިނާޔަތްތައް:
1. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް.
2. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.
3. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ.
މަޤާމުގެ މަސްއޫލިއްޔަތުތަކާއި ވާޖިބުތައް:
- ރަށުކައުންސިލަށް ބަލައިގަންނަ ފައިސާގެ ރަސީދު ދުވަހުން ދުވަހަށް ހަދާ ރަސީދުދޭންޖެހޭ ފަރާތްތަކަށް ވަގުތުން ޙަވާލުކުރުން.
- ސެކްޝަނުންފައިލް ކުރަންޖެހޭ ލިޔުންތައް ޤަވާޢިދުން ފައިލްކުރުން
- ރަށު ކައުންސިލުގެ މާލިއްޔަތަށް ލިބޭ އެންމެހައި ފައިސާމާލިއްޔަތު ޤަވާއިދުތަކާ ޤާނޫނާއި އެއްގޮތްވާ ގޮތުގެމަތިން ބޭންކަށް ޖަމާކުރުން
- ބަޖެޓް ރިޕޯޓްތައް މުއްދަތަށް ނިންމުން
- މެސެޖު / ސިޓީފަދަ ތަކެތިލިޔުމާއި އެތަކެތި ފެކްސް ކުރުން.
- ސެކްސަންގެމަސައްކަތް ތަކުގައާއި، އޮފީހުގެ ބޭނުންތަކުގައި މާލެއަށާއި އަތޮޅުގެ ރަށްރަށަށްދިއުން.
- ފައިސާއާއިބެހޭ އެންމެހައި މައްސަލަތައް ލަސްނުކޮށްނިންމަމުން ގެންދިއުން
- ބަޖެޓާނުބެހޭ އެހެނިހެން ކަންކަމަށް ލިބޭ ފައިސާގެ އެންމެހައި ކަންތައްތައްބެލެހެއްޓުން.
- ރަށުކައުންސިލްގެ އިދާރާއަށް ބަލައިގަންނަ ފައިސާތަކާބެހޭ ދުވަހުފޮތް ޤަވާޢިދުންބެލެހެއްޓުން.
- ކައުންސިލަށް ލިބޭ އާމްދަނީ ރެކޯޑްތައް ބެލެހެއްޓުމާއިއެކުއެކަމާބެހޭ ރިޕޯޓްތައް ޤަވާޢިދުން ތައްޔާރުކޮށް ފޮނުވަންޖެހޭ ފަރާތްތަކަށްފޮނުވުން.
- ބަޖެޓް އެންޑް ފައިނޭންސް ސެކްޝަނަށް ބޭނުންވާ ތަކެތި ހޯދުން
- ބަލައިގަންނަފައިސާތިޖޫރީ ޙަވާލުވެ ހުންނަވާ ފަރާތަކާއިޤަވާއިދުން ހަވާލްކުރަމުންގެންދިއުން.
- ރަށު ކައުންސިލްއަށް ލިބޭ އާމްދަނީއާއި، އެކިއެކި ގޮތްގޮތުންލިބޭ އެހީއާއި، ނަގާ ލޯނުން ލިބޭ އާމްދަނީ ރިޕޯޓެއް ކޮންމެ އަހަރެއް ނިމުމުންތައްޔާރުކުރުން
މަޤާމުގެ ޝަރުޠުތައް:
1. ސާނަވީ ނުވަތަ އެއާ އެއް ފެންވަރުގެ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައިވުމާއެކު، އޭގެ އިތުރުން 'ސެކެންޑަރީ ސްކޫލް' ނުވަތަ 'ހަޔަރ ސެކަންޑަރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން.
ހުށަހަޅަންޖެހޭ ލިޔުންތައް:
1. ފުރިހަމަ ކޮށްފައިވާ ސިވިލް ސަރވިސްގެ ވަޒީފާއަށް އެދޭ ފޯމު (މި ފޯމް ސިވިލް ސަރވިސް ކޮމިޝަނުގެ ވެބްސައިޓުން އަދި ގުޅީ ސްކޫލް އޮފީހުން ލިބެންހުންނާނެއެވެ.)
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ، ކާޑުގެ ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛
(ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު/ލެވަލް ކަނޑައަޅާފައިވާ، ރާއްޖެއިން ބޭރުގެ މަތީ ތަޢުލީމުދޭ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަ ކުރިކަމުގެ ލިޔުމާއެކު ކޯހުން ލިބޭ ސެޓުފިކެޓު ވަކި ފެންވަރެއްގައި ޤަބޫލު ކުރެވޭނެކަމަށް މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ ލިޔުމުގެ ކޮޕީ.
(ށ) މަތީ ތައުލީމު ދޭ، ރާއްޖޭގެ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީ.
6. ވަޒީފާގެ މަސައްކަތުގެ ދާއިރާއާ ގުޅޭ ކުރު މުއްދަތުގެ ކޯސްތަކާއި ތަމްރީނު ސެޓުފިކެޓުތަކުގެ ކޮޕީ.
7. ސިވިލް ސަރވިސްގެ ވަޒީފާއަށް ވަނުމަށް ދެވޭ އިމްތިޙާނު ފުރިހަމަކޮށް ސެޓްފިކެޓް ލިބިފައިވާނަމަ، އެ ސެޓުފިކެޓްގެ ކޮޕީ.
8. މަސައްކަތުގެ ތަޖުރިބާގެ ލިޔުންތަކުގެ ކޮޕީ:
(ހ) ދައުލަތުގެ މުވައްސަސާއެއްގައި ނުވަތަ ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާނަމަ، އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި، ވަޒީފާގެ މަސްއޫލިއްޔަތު ބަޔާންކޮށް އެ އޮފީހަކުން ދޫކޮށްފައިވާ ލިޔުން.
(ށ) އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި، ވަޒީފާގެ މަސްއޫލިއްޔަތު އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން؛ ނުވަތަ ވަޒީފާ އަދާކުރިގޮތް އަންގައިދޭ ރެފަރެންސް ޗެކް ފޯމް
ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:
1. ލިބިފައިވާ ތަޢުލީމަށް ބަލައިގެން (ކަނޑައެޅިފައިވާ އިންސައްތަ 35)
2. ލިބިފައިވާ ތަމްރީނަށް ބަލައިގެން (ކަނޑައެޅިފައިވާ އިންސައްތަ 5)
3. ސިވިލް ސަރވިސްއަށް ވަނުމަށް ދެވޭ އިމްތިޙާނު (ކަނޑައެޅިފައިވާ އިންސައްތަ 5)
4. ވަޒީފާއާއި ގުޅޭ މަަސައްކަތުގެ ތަޖުރިބާއަށް ބަލައިގެން (ކަނޑައެޅިފައިވާ އިންސައްތަ 10)
5. މަސައްކަތުގެ ހުނަރު ބެލުމަށްޓަކައި އިންޓަރވިއު އަދި ޕްރެކްޓިކަލްސްގެ މާރކްސްއަށް ބަލައިގެން (ކަނޑައެޅިފައިވާ އިންސައްތަ 45)
މަގާމަށް ޢައްޔަން ކުރުމަށް، ވަޒީފާއަށް އެދިފައިވާ މީހާއަށް ކްރައިޓީރިއާގެ ހުރިހާ ބަޔަކުން ލިބުނު ޕޮއިންޓްގެ ޖުމްލަ 45 (ސާޅިސް ފަހެއް) އިންސައްތައަށްވުރެ މަތިވުން.
މަޤާމަށް އެދެންވީގޮތާއި ސުންގަޑި:
މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 26 އޯގަސްޓް 2018 ވަނަ ދުވަހުގެ 1400 ގެ ކުރިން، ގުޅީ ކައުންސިލްގެ އިދާރާއަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް ކުރާނީ [email protected] އަށެވެ. އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފިނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.
އިންޓަވިއު (އިންޓަވިއު އަދި ޕްރެކްޓިކަލް) އޮންނާނެ ތަނާއި، މުއްދަތު:
މި މަޤާމަށް މީހަކު ހޮވުމަށް ބޭއްވޭ އިންޓަވިއު އާއި ޕްރެކްޓިކަލް އޮންނާނީ، 27 އޯގަސްޓް 2018 އާއި 30 އޯގަސްޓް 2018 އާ ދެމެދު، ގުޅީ ކައުންސިލްގެ އިދާރާ ގައެވެ.
ޝޯޓް ލިސްޓްކުރުން:
މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާކްސް ލިބޭފަރާތްތައް ޝޯޓްލިސްޓް ކުރެވޭނެއެވެ.
މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 6640068އަށެވެ. އީ-މެއިލް ކުރާނީ [email protected] އަށެވެ.
25 ޛުލްހިއްޖާ 1439
