އިޢުލާން

1439 ވަނައަހަރުގެ ރަމަޟާންމަހު ދީނީ ސުވާލު މުބާރާތެއް ބޭއްވުމާއި ގުޅޭ

1439 ވަނަ އަހަރުގެ  ރަމަޟާންމަހު ދީނީ ސުވާލު މުބާރާތެއް ބޭއްވުމަށް މިކައުންސިލުގެ 3 ވަނަ ދައުރުގެ  2018 ވަނަ އަހަރުގެ 20 ވަނަ އާންމު ޖަލްސާއިން ވަނީ ނިންމާފައެވެ.

މިމުބާރާތުގައި ބައިވެރިވުމުގެ ފުރުސަތު ވަނީ ހުރިހާ ޢުމުރުފުރަޔަކަށް ހުޅުވާލެވިފައެވެ. މުބާރާތުގައި ބައިވެރިވެވޭނީ 5 މީހުންގެ ޓީމަކަށެވެ. މުބާރާތުގައި ޓީމު ބައިވެރިވުމަށް އެދޭ ފޯމު ދޫކުރުމަށް ހަމަޖެހިފައިވަނީ -/10 ރުފިޔާ ނެގުމަށްފަހުގައެވެ. އަދި ޓީމު ރަޖިސްޓްރީ ކުރެވޭނީ -/20 ރުފިޔާގެ ފީއެއް ނެގުމަށްފަހު ގައެވެ.

¬ މުބާރާތުން 1 ވަނައަށް ހޮވޭ ޓީމަށް -/1500 ރުފިޔާ،

¬ މުބާރާތުން 2 ވަނައަށް ހޮވޭ ޓީމަށް -/1000 ރުފިޔާ،

¬ މުބާރާތުން 3 ވަނައަށް ހޮވޭ ޓީމަށް -/500 ރުފިޔާ، ގެ ފައިސާގެ އިނާމު ވަނީ ކަނޑައެޅިފައެވެ.

މިހެންކަމުން، މިސުވާލު މުބާރާތުގައި ބައިވެރިވެލެއްވުމަށް ބޭނުންފުޅުވާ ފަރާތްތަކުން، މިއިދާރާއިން ފޯމު ނެގުމަށްފަހު، ފޯމު ފުރިހަމަކޮށް 15 މެއި 2018 ވާ އަންގާރަދުވަހުގެ މެންދުރު 12:00 ގެ ކުރިން މި އިދާރާއަށް ހުށަހަޅާ ޓީމް ރަޖިސްޓްރީ ކުރުން އެދި ދެންނެވީމެވެ.

ވީމާ، މިކަން ޢާންމުކޮށް އެންގުމަށްޓަކައި އިޢުލާންކުރީމެވެ.

20 ޝައުބާން 1439

06   މެއި  2018