ދިވެހި މަސްވެރިންނަށް އިތުރު ނަފާ ހޯދުމުގެ ފުރުސަތު ފަހިކޮށްދިނުމުގެ ގޮތުން ސަރުކާރުން ކުރަމުންގެންދާ މަސައްކަތުގައި ، ދިވެހިރާއްޖެއަށް ބޮޑުކަންނެލި ލޭނުމަސްވެރިކަން ތައާރަފްކޮށް ، ޒުވާން މަސްވެރިންނަށް އިސްކަންދީގެން ލޭނު މަސްވެރިކަމުގެ ތަމްރީން ޕްރޮގުރާމްތަކެއް މިއަހަރު ކުރިއަށް ގެންދިއުމަށް ވަނީ ހަމަޖެހިފައެވެ. މިޕްރޮގުރާމްގައިކުރިއަށް ގެންދާނީ ތިއަރީ ސެޝަންތަކަކާއި އަމަލީ ސެޝަންތަކެކެވެ.

               ވީމާ، މިތަމްރީން ޕްރޮގުރާމްގައި ބައިވެރިވެލެއްވުމަށް ޝަޢުގުވެރިވެލައްވާ ފަރާތްތަކުން ރަސްމީ ގަޑީގައި (ހެނދުނު 10:00 ން މެންދުރުފަހު 14:00 އަށް) މިއިދާރާގެ ކައުންޓަރ ނަންބަރ 6521170 އަށް ގުޅުއްވައި 22 ޖޫން 2017 ވަނަ ދުވަހުގެ އޮފީސް ބަންދުވުމުގެ ކުރިން ނަންނޯޓް ކުރެއްވުން އެދެމެވެ.