ދިވެހިރާއްޖެ
ސަރކިއުލަރ
ނަންބަރު: 220-TSS/CIR/2017/8
ތާރީޚު: 13 މާރިޗު 2017
ލިބެންވީ: ގްރީން ޓެކްސްއަށް ރަޖިސްޓަރީކޮށްފައިވާ ފަރާތްތައް
މައުޟޫއު: ގްރީން ޓެކްސް އިންފޮމޭޝަން ޝީޓް އިސްލާހުކުރުން
ގަވާއިދު ނަންބަރު 2015/R-181 (ގްރީން ޓެކްސް ގަވާއިދު) ގެ 13 ވަނަ މާއްދާގައި ބަޔާންކޮށްފައިވާ ގްރީން ޓެކްސް އިންފޮމޭޝަން ޝީޓުގެ ފޯމެޓް މި ސަރކިއުލަރގެ އެނެކްސް 1 ގައިވާ ގޮތަށް ވަނީ ބަދަލުކުރެވިފައެވެ. މި ފޯމެޓް މީރާގެ ވެބްސައިޓް www.mira.gov.mv އިން ވެސް ލިބެން ހުންނާނެއެވެ.
ގްރީން ޓެކްސްއަށް ރަޖިސްޓަރީކޮށްފައިވާ ހުރިހާ ފަރާތްތަކުން، 1 މާރިޗު 2017 ނުވަތަ އެ ތާރީޚުގެ ފަހުން ފެށޭ މުއްދަތުތަކަށް ހުށަހަޅަންޖެހޭނީ ގްރީން ޓެކްސް އިންފޮމޭޝަން ޝީޓުގެ ވަރޝަން 17.1 އެވެ. އިސްލާހުކުރެވިފައިވާ ގްރީން ޓެކްސް އިންފޮމޭޝަން ޝީޓާ ގުޅޭގޮތުން އަންނަނިވި ކަންކަމަށް ސަމާލުވުމަށް އިލްތިމާސްކުރަމެވެ.
- އިސްލާހުކުރެވިފައިވާ އިންފޮމޭޝަން ޝީޓުގައި ގެސްޓުންގެ އުމުރު ބަޔާންކުރާކަށް ނުޖެހޭނެއެވެ.
- އިސްލާހުކުރެވިފައިވާ އިންފޮމޭޝަން ޝީޓުގައި ކޮންމެ ގެސްޓަކު ވެސް ބުކިން ހެދި ގޮތް (“Booking Method”) ބަޔާންކުރަންޖެހޭނެއެވެ. މީރާކަނެކްޓް މެދުވެރިކޮށް އިންފޮމޭޝަން ޝީޓް ހުށަހަޅާއިރު މީރާކަނެކްޓުން ބުކިންގ މެތަޑްގެ ގޮތުގައި ގަބޫލުކުރާނީ އަންނަނިވި ގޮތްތަކެވެ.
- “Foreign tour operator”
- “Local tour operator”
- “Direct booking”
- “FIT”
- “Online travel agent” ނުވަތަ “OTA”
މި ކަމާ ގުޅޭ ގޮތުން އެއްވެސް މައުލޫމާތެއް ސާފުކުރައްވަން ބޭނުންފުޅުވާނަމަ 1415 އަށް ގުޅުއްވުން ނުވަތަ [email protected],mv އަށް އީމޭލްކުރެއްވުން އެދެމެވެ.