ދިވެހިރާއްޖެ
މިނިސްޓްރީ އޮފް އިކޮނޮމިކް ޑިވެލޮޕްމަންޓް އިން މާލެއާއި ހުޅުމާލެގައި އިލެކްޓްރިކް ނުވަތަ ހައިބްރިޑް "ޕްރިމިއަމް ޓެކްސީ" ގެ ޚިދުމަތް ދިނުމަށްޓަކައި މާލީ އަދި ފަންނީ ޤާބިލުކަން ހުރި ފަރާތްތަކުން ޝައުޤުވެރިކަން ފާޅުކުރުމަށް ކުރި، މި މިނިސްޓްރީގެ ނަންބަރު (IUL) 101-AF/1/2017/31 (01 ފެބްރުއަރީ 2017) އިޢުލާނަށް އެކަށީގެންވާ އަދަދެއްގެ ފަރާތުން އީ.އޯ.އައި ހުށަހަޅާފައިނުވާތީ އެ އިޢުލާން ބާތިލްކޮށް އަލުން އިޢުލާން ކުރަމެވެ.
މި މަސައްކަތައް ޝަޢުގުވެރިވެލައްވާ ފަރާތްތަކުން 2017 މާރޗް 09 ވާ ބުރާސްފަތި ދުވަހުގެ 12:30 މިނިސްޓްރީ އޮފް އިކޮނޮމިކް ޑިވެލޮޕްމަންޓް، ވެލާނާގެ 11 ވަނަ ފަންގިފިލާގައިވާ އޮފީހުގައި ބާއްވާ މަޢުލޫމާތު ދިނުމުގެ ބައްދަލުވުމަށް ދަޢުވަތު އަރުވަމެވެ. މިމަސައްކަތައް އީ.އޯ.އައި ހުށަހެޅޭނީ މަޢުލޫމާތު ދިނުމުގައި ބައްދަލުވުމުގައި ބައިވެރިވާ ފަރާތްތަކަށެވެ.
ވީމާ މިމަސައްކަތައް ޝައުގުވެރިވެލައްވާ ފަރާތްތަކުން، އީ.އޯ.އައި ހުށަހަޅުއްވަންވާނީ ބަންދުކުރެވިފައިވާ ސިޓީއުރައެއްގައި ތިރީގައި ބަޔާންކުރެވިފައިވާ ފަދައިން ލިޔުމަށްފަހު، 2017 މާރޗް 16 ވާ ބުރާސްފަތި ދުވަހުގެ 14:00 ގެ ކުރިން ތިރީގައިވާ އެޑްރެހަށެވެ.
EOI for the provision of electric or hybrid “Premium Taxi” services in Male’ and Hulhumale'
Address:
Ministry of economic development
Boduthakurufaanu Magu, Male’ 20125
Republic of Maldives
Phone: +960 3323668
Fax: +960 3323840
Email: tn@trade,gov.mv
މި މަސައްކަތަށް ޝައުޤުވެރިކަން ފާޅުކުރާ ފަރާތްތަކުގެ ތެރެއިން ޝޯޓްލިސްޓް ކުރެވޭ ފަރާތްތައް ހޮވުމުގެ ފުރިހަމަ އިޚުތިޔާރު މިނިސްޓްރީ އޮފް އިކޮނޮމިކް ޑިވެލޮޕްމަންޓަށް ލިބިގެންވެއެވެ. މިގޮތުން ޕްރޮޕޯޒަލް ހުށަހެޅުމުގެ ދަޢުވަތު ދެވޭނީ ޝޯޓްލިސްޓް ކުރެވޭ ފަރާތަށެވެ.
އީ.އޯ.އައި ހުށަހެޅުމަށް ހަމަޖެހިފައިވާ ސުންގަޑީގެ ފަހުން ހުށަހަޅާ އީ.އޯ.އައި ބަލައެއް ނުގަނެވޭނެއެވެ.