އިޢުލާން

ކޮނޑޭ ސުކޫލުގެ ސެކިއުރިޓީ 2017 ވަނަ އަހަރު ބަލަހައްޓައިދޭނެ ފަރާތެއް ހޯދަން ބޭނުންވެއެވެ.

މަސައްކަތުގެ ތަފުސީލު:

ކޮނޑޭ ސުކޫލުގެ ސެކިއުރިޓީ 2017 ވަނަ އަހަރުގެ ފެބުރުވަރީ މަހުން ފެށިގެން 2017 ޑިސެންބަރު މަހާއި ހަމައަށް ބަލަހައްޓައިދޭނެ ފަރާތެއް ހޯދަން ބޭނުންވެއެވެ.

ސުކޫލުގެ ސެކިއުރިޓީ ބެލެހެއްޓުމަށް ބޭނުންވާނޭ މުހިންމު މަޢުލޫމާތު:

• ކޮނޑޭ ސުކޫލުގެ ސެކިއުރިޓީ، މެންދުރުފަހު 04:00 އިން ފެށިގެން ހެނދުނު 08:00 އާ ހަމައަށް ބަލަހައްޓަންވާނެއެވެ.
• ޑިއުޓީގައި ހުންނަ މީހަކު ހެނދުނު 06:00 ގައި ދިދަ ނަގަންވާނެއެވެ. އަދި މެންދުރުފަހު 04:00 ގައި ދިދަ ބާލަންވާނެއެވެ.
• ޑިއުޓީގައި ހުންނައިރު އިށީންނާނެ ގޮޑިއާއި ޑިއުޓީ ސްޓޭޝަން ކަނޑައަޅާނީ ކޮނޑޭ ސުކޫލުންނެވެ.
• ކޮންމެ މަހެއް ފެށުމުގެ 3 ދުވަސް ކުރިން ޑިއުޓީ ރޯސްޓަރ ސުކޫލް އޮފީހަށް ހުށަހަޅަންވާނެއެވެ. އަދި ޑިއުޓީގައި ހުންނަ މުވައްޒަފަކު ބަދަލުވިޔަސް އެކަން ސުކޫލުން އަންގާފައިވާ ފަރާތަކަށް އަންގަންވާނެއެވެ.
• ޑިއުޓީ ބަލަހައްޓާ ކޮންމެ މީހަކު ހުންނަންވާނީ އެކަމަށް ކަނޑައެޅިފައިވާ ޚާއްޞަ ޔުނިފޯމެއްގައެވެ.
• ޑިއުޓީ ބަލަހައްޓާ މީހާއަކީ ކާކުކަން އެގޭނެ ލިޔުމެއް ކަރުގައި ނުވަތަ ޔުނިފޯމުގެ ޖީބުގައި ހަރުކޮށްފައި ހުންނަންވާނެއެވެ.
• ޑިއުޓީގެ ދިގުމިނަކީ ލޭބަރ ލޯގައި ބަޔާންވެގެންވާ ގޮތުގެ މަތިން ގިނަވެގެން 8 ގަޑިއިރެވެ.
• ޑިއުޓީގައި ހުންނަ ވޮޗަރު ބަލަހައްޓަން ޖެހޭ ސަރަހައްދު، މަސައްކަތާ ހަވާލުވާ ފަރާތާއި ކޮނޑޭ ސުކޫލުން ރަސްމީކޮށް އަންގާނެއެވެ.
• ބިޑް ހުށަހަޅުއްވާ ފަރާތުން މިކަން އޯގަނައިޒް ކުރާ ފަރާތުގެ މަޢުލޫމާތާއި ގުޅޭނެ ފޯނު ނަންބަރު މީހެއްގެ ނަމާއެކު ހުށަހަޅަންވާނެއެވެ.
• މި މަސައްކަތަށް ކުރިމަތިލެވޭނީ ވިޔަފާރި ކުންފުނި ނުވަތަ އިންވެސްޓްމަންޓްގެ ނަމުގައި ރަޖިސްޓްރީ ކޮށްފައިވާ ފަރާތްތަކަށް އެކަންޏެވެ.
• ޑިއުޓީގައި ތިބޭއިރު ގަވާއިދުން ގަޑިއަކު އެއްފަހަރު ސުކޫލުގެ އިމާރާތްތަކާއި ގޯތިތެރެއާއި އެންމެހައި ތަންތަން ޗެކުކުރަންވާނެއެވެ.
• ބިޑް އިވެލުއޭޓް ކުރުމުގައި ޕޮއިންޓް ދޭނީ ތިރީގައިވާ މިންގަނޑުތަކަށެވެ.

މަސައްކަތުގެ އަގަށް – 70 ޕޮއިންޓް

ތަޖުރިބާ އަށް – 18 ޕޮއިންޓް

ތަމްރީނު ލިބިފައިވާ ސެކިއުރިޓީ އޮފިސަރުން ބޭނުންކުރުމަށް – 12 ޕޮއިންޓް (6 މީހުންނާ ހަމައަށް މީހަކަށް 2 ޕޮއިންޓް)

އަންދާސީހިސާބު ހުށަހެޅުމުގައި ސަމާލުކަންދޭންވީ ކަންތައްތައް:

• އަންދާސީހިސާބު ހުށަހަޅަންވާނީ ސިޓީއުރައެއްގައި ބަންދުކޮށްފައެވެ.
• އަންދާސީހިސާބު ހުށަހަޅާއިރު ސިޓީއުރައިގެ ބޭރުގައި "ގއ.ކޮނޑޭ ސުކޫލުގެ ސެކިއުރިޓީ ބަލަހައްޓައި ދިނުމަށް އެދި" މިހެން ލިޔެފައި އޮންނަންވާނެއެވެ.

ވީމާ، މިކަމަށް ޝައުޤުވެރިވާ ފަރާތްތަކުން 2017 ޖަނަވަރީ 12 ވާ ބުރާސްފަތި ދުވަހުގެ 14:00 އަށް އަންދާސީހިސާބު ހުށަހެޅުއްވުން އެދެމެވެ.  އަންދާސީހިސާބު ހުށަހަޅުއްވާއިރު ކުންފުނި ނުވަތަ އިންވެސްޓްމަންޓްގެ ކޮޕީ ހުށަހެޅުއްވުމަށް ހަނދުމަފުޅުކޮށް އަރުވަމެވެ.