މަޤާމު:

އިމިގްރޭޝަން އޮފިސަރ، ޓްރެއިނީ

މަޤާމުގެ ރޭންކާއި ކްލެސިފިކޭޝަން:

CS2/ އިމިގްރޭޝަން އޮފިސަރުން

ބޭނުންވާ އަދަދު:

7

މުސާރަ:

މަހަކު -/6500 ރުފިޔާ

ސަރވިސް އެލަވަންސް:

މާލޭގައިނަމަ ހާޒިރުވާ ކޮންމެ ދުވަހަކަށް -/90 ރުފިޔާ

ޕޯޓުތަކުގައި ނަމަ ހާޒިރުވާ ކޮންމެ ދުވަހަކަށް -/120 ރުފިޔާ

ސްޕެޝަލް ސަރވިސް އެލަވަންސް:

މުސާރައިގެ %35 (ވަޒީފާ ދާއިމީވުމުން)

ވަޒީފާ އަދާކުރަންޖެހޭ ތަން:

މާލޭ ސަރަޙައްދުގެ އިމިގްރޭޝަން އޮފީސްތަކުގައި ދައުރުވާ ގޮތަށް (އިމިގްރޭޝަނުން އެ ވަގުތެއްގައި ކަނޑައަޅާ ސެކްޝަނެއްގައި)

މަޤާމުގެ މަސްއޫލިއްޔަތާއި ވާޖިބުތައް:

• ރާއްޖޭގެ ބަނދަރުތަަކަށް އައިސްގޮސްވާ ފަރާތްތަކަށް އިމިގްރޭޝަން ކްލިއަރެންސް ދިނުން
• އިމިގްރޭޝަން ކްލިއަރެންސް ދިނުމަށް ކަނޑު ބޯޓްފަހަރުތަކަށް ދިއުން
• ބިދޭސީން ރާއްޖޭގައި ތިބުމަށް އެކިއެކި ވީޒާ ދޫކުރުމުގެ އެޑްމިނިސްޓްރޭޓިވް މަސައްކަތްތައް ކުރުން
• ދިވެހިރައްޔިތުންނަށް ޕާސްޕޯޓާއި ޓްރެވަލް ޑޮކިއުމަންޓްގެ ޚިދުމަތްދިނުމުގެ އެޑްމިނިސްޓްރޭޓިވް މަސައްކަތްކުރުން
• އެއަރޕޯޓްތަކުގެ ކައުންޓަރުތަކުގައްޔާއި، ހެޑްއޮފީހުގެ ކައުންޓަރުގައި މަސައްކަތްކުރުމާއި، އެހެނިހެން އިދާރީ މަސައްކަތް ކުރުން.

މަޤާމުގެ ޝަރުޠުތައް:

• މަޤާމުގެ މަސައްކަތް ކުރުމުގެ ހުނަރާއި ޤާބިލުކަން ހުރުމާއެކު، ސާނަވީ އިމްތިޙާނުން 4 މާއްދާއިން ދަށްވެގެން "ސީ" ފާސް ލިބިފައިވުމާއި، ސެކެންޑަރީ ސްކޫލް ސެޓުފިކެޓު އިމްތިޙާނުގެ "ދިވެހި" މި މާއްދާއިން ދަށްވެގެން "ސީ" ފާސް ލިބިފައިވުން
• އުމުރުން 25 އަހަރު، އިޢުލާނުގެ މުއްދަތު ހަމަވާއިރު ފުރިފައި ނުވުން. އަދި އިމިގްރޭޝަން އޮފިސަރެއްގެ ވަޒީފާ އަދާކޮށް އުޅުމުގެ ޖިސްމާނީ، ނަފްސާނީ، ޞިއްޙީ ޤާބިލުކަން ލިބިފައިވުން. (އިންޓަރވިއުއިން ފާސްވެ ވަޒީފާ ހަމަޖެއްސުމަށް ފޮނުވުމުގެ ކުރިން މެޑިކަލް ޗެކަޕް ހަދަންވާނެއެވެ).

ނޯޓު: މި މަޤާމަށް ކުރިމަތިލާ ފަރާތްތަކަށް މާރކްސް ދިނުމުގައި، އަސާސީ ޝަރުޠުގައި ބަޔާންކޮށްފައިވާ ތަޢުލީމީ ފެންވަރަށްވުރެ މަތީ ސެޓުފިކެޓު ހުށަހެޅި ކަމުގައިވިޔަސް މާރކްސް ދިނުމުގައި ބަލާނީ، އަސާސީ ޝަރުޠަށް އެކަންޏެވެ. މި މަޤާމަށް މީހުން ހޮވުމުގައި މަސައްކަތު ތަޖުރިބާ ހިމަނާފައެއް ނުވާނެއެވެ.

މި މަޤާމަށް ހޮވާ މުވައްޒަފުން ހޮވޭނީ ކޮންޓްރެކްޓް އުސޫލުން މަދުވެގެން 6 (ހައެއް) މަސްދުވަހުގެ މުއްދަތަށެވެ. ކޮންޓްރެކްޓްގެ މުއްދަތުގައި ބޭސިކް ޓްރޭނިންގ ފުރިހަމަކޮށް ފާސްވާ ފަރާތްތަކުގެ ވަޒީފާ ދާއިމީ ކޮށްދެވޭނެއެވެ. އަދި 6 މަސްދުވަހުގެ ޓްރޭނިންގ ނިންމުމަށްފަހު ދާއިމީ މަޤާމަށް ބަދަލުކުރެވޭއިރު މުވައްޒަފުގެ މަޤާމަށާއި މުސާރައަށް ބަދަލު އަންނާނެއެވެ.

ވަޒީފާއަށް އެންމެ ޤާބިލު ފަރާތެއް ހޮވުމުގައި ބެލެވޭނެ ކަންތައްތައް:

• ކަނޑުދަތުރުކުރެވޭނެ ފަރާތަކަށް ވުމާއި، ފަތަން ދަންނަ ފަރާތަކަށްވުން
• އަތޮޅުތަކުގައި ހެދިފައިވާ އިމިގްރޭޝަންގެ އޮފީސްތަކުގައި މަސައްކަތްކުރެވޭނެ ފަރާތަކަށްވުން
• ކަނޑުބޯޓު ފަހަރަށް އަރައި ފޭބުމުގެ ޤާބިލުކަން ހުރި ފަރާތަކަށްވުން
• ސިއްޙީ ގޮތުން މި މަސައްކަތް ކުރެވޭނެ ފަރާތަކަށްވުން (އިންޓަވިއުއިން ފާސްވެ ވަޒީފާ ހަވާލުކުރުމުގެ ކުރިން މެޑިކަލް ޗެކް އަޕެއް ހަދަން ޖެހޭނެއެވެ.)
• ޔުނީފޯމު އަޅައިގެން ދަންފަޅިތަކުގައި މަސައްކަތްކުރެވޭ ފަރާތަކަށްވުން

އިންޓަރވިއުއާއި، އިމްތިޙާނު ބާއްވާނެ ތަނާއި މުއްދަތު:

މި މަޤާމަށް މުވައްޒަފުން ހޮވުމަށް ބާއްވާ އިންޓަވިއު 2016 ނޮވެމްބަރު 13 އާއި 2016 ޑިސެންބަރު 1 އާ ދެމެދު މާލޭގައި ބޭއްވުމަށް ވަނީ ހަމަޖެހިފައެވެ. އިންޓަރވިއު ކުރުމާއި އިމްތިޙާނުކުރުން އޮންނާނީ، މި އިދާރާ އިން ކަނޑައަޅާ މެންބަރުން (މަދުވެގެން 3 މެންބަރުން)ގެ މައްޗަށް އެކުލެވޭ ޕެނަލަކުންނެވެ.

ސުންގަޑި

2016 ނޮވެންބަރު 6 ވާ އާދީއްތަ ދުވަހުގެ މެންދުރުފަހު 14:00 ގެ ކުރިން މޯލްޑިވްސް އިމިގްރޭޝަނަށް (ހ. ވެލާނާގެ / 1ވަނަ ފަންގިފިލާ)

ހުށަހަޅަންޖެހޭ ލިޔުންތައް

1. އިމިގްރޭޝަން އޮފިސަރ، ޓްރޭނީގެ މަޤާމަށް އެދޭ ފަރާތްތަކުން ހުށަހަޅަންޖެހޭ، ފުރިހަމަކޮށްފައިވާ އެޕްލިކޭޝަން ފޯމު (ފޯމު މި އޮފީހުގެ ކައުންޓަރުން ލިބެން ހުންނާނެއެވެ. އަދި މި އޮފީހުގެ ވެބްސައިޓުން www.immigration.gov.mv ޑައުންލޯޑު ކުރެވޭނެއެވެ.)
2. އިމިގްރޭޝަން އޮފިސަރ، ޓްރޭނީގެ މަޤާމަށް ކުރިމަތިލާ ފަރާތުގެ ވަނަވަރު (ގުޅޭނެ ނަންބަރާއި އީމެއިލް އެޑްރެސް ހިމެނޭގޮތަށް)
3. ވަޒީފާއަށް އެދޭ ފަރާތުގެ ދިވެހިރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
4. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ (ރާއްޖެއިން ބޭރުގެ ތަޢުލީމީ އިންސްޓިޓިއުޓްތަކުން ނުވަތަ ރާއްޖޭގެ ތަޢުލީމުދޭ މަރުކަޒުތަކުން ހިންގާ ރާއްޖެއިން ބޭރުގެ އިންސްޓިޓިއުޝަނެއްގެ ކޯހެއްނަމަ، މޯލްޑިވްސް ކޮލިފިކޭޝަން އޮތޯރިޓީން ފެންވަރު ބަލާފައިވާ ސެޓުފިކެޓުތަކުގެ ކޮޕީ ނުވަތަ ކޯސް ފުރިހަމަކުރި ކަމުގެ ލިޔުމާއެކު ކޯސް ފުރިހަމަކުރުމުން ލިބޭ ސެޓުފިކެޓު ވަކި ފެންވަރެއްގައި އެކްރެޓިޑް ކުރެވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ)
5. ސިވިލް ސަރވިސްއަށް/ ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިލަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުމެއް.
6. ފުރިހަމަކޮށްފައިވާ، ކުރު މުއްދަތުގެ ކޯސްތަކާއި ތަމްރީނުތަކުގެ ސެޓުފިކެޓުތަކުގެ ކޮޕީ

ސްކްރީނިންގ

• އިޢުލާނުގައި ހުށަހަޅަންޖެހޭ ލިޔުންތަކުގެ ބައިގައި ބަޔާންކޮށްފައިވާ ލިޔުންތައް ހުށަހަޅާފައިވޭތޯ ބެލުން.
• އިޢުލާނުގެ މުއްދަތު ހަމަވާ ތާރީޚަށް އުމުރުން 25 އަހަރު ވެފައިވޭތޯ ބެލުން.
• މަޤާމުގެ އަސާސީ ޝަރުޠު ހަމަވާ ތަޢުލީމީ ފެންވަރު ހުރިތޯ ބެލުން.
• އިޢުލާނުގައި ބަޔާންކޮށްފައިވާ ލިޔެކިޔުންތައް ހަމައަށް ހުށަހަޅާފައިވޭތޯ ބެލުން. (އެޕްލިކޭޝަން ފޯމު، ވަނަވަރު، ތަޢުލީމީ ސެޓުފިކެޓުތަކާއި އިޢުލާނުގައި ބަޔާންކޮށްފައިވާ ކަމާގުޅޭ އެހެނިހެން މުހިންމު ލިޔެކިޔުންތައް)
• އިޢުލާނުގައި ބަޔާންކޮށްފައިވާ ސުންގަޑީގެ ކުރިން ވަޒީފާއަށް އެދި ހުށަހަޅާފައިވޭތޯ ބެލުން.

މާކްސް ދިނުމާއި، އިންޓަވިއުކުރުމާއި، އިމްތިޙާނު ކުރުން:

ޝޯޓް ލިސްޓު ކުރުން ގެންދާނީ 3 މަރުޙަލާއަކަށް ބަހާލެވިގެންނެވެ.

ފުރަތަމަ މަރުޙަލާ: އަސާސީ ޝަރުޠުގައި ބަޔާންކޮށްފައިވާ ސެޓުފިކެޓުތަކަށް މާކްސް ދިނުން.

ވަޒީފާއަށް އެދި ހުށަހަޅާ ފަރާތްތަކުގެ ތެރެއިން އަސާސީ ޝަރުޠު ހަމަވާ ފަރާތްތަކުގެ އަދަދު 100 އަށްވުރެ ގިނަނަމަ، އިންޓަވިޔު ކުރެވޭނީ، ތަޢުލީމީ ފެންވަރަށް ބަލައިގެން މާކްސް ދީގެން ޝޯޓްލިސްޓް ކުރެވޭ 100 ފަރާތާއެވެ.

ދެވަނަ މަރުޙަލާ: ޕްރިލިމިނަރީ އިންޓަވިއުއާއި، އިމްތިޙާން

މި އިންޓަވިއުއަކީ، އަސާސީ ޝަރުޠު ހަމަވެފައިވާ ފަރާތްތަކަށް މޯލްޑިވްސް އިމިގްރޭޝަންގެ މަސައްކަތްތަކާގުޅޭ އާންމު މަޢުލޫމާތު އެނގޭ މިންވަރު ދެނެގަތުމާއި، އިމިގްރޭޝަންގެ ޤާނޫނާއި، ގަވާއިދުތަކަށް ވަޒީފާއަށް ކުރިމަތިލާފައިވާ ފަރާތް އަހުލުވެރިވެފައިވާ މިންވަރު ބެލުމަށް އިންޓަވިއު ކުރެވޭނއެވެ. އަދި އިމްތިޙާނާއި ސައިކޯމެޓްރިކްސް ޓެސްޓް ދެވޭނެއެވެ. (މި އިދާރާގެ މަސައްކަތްތަކާއި އިމިގްރޭޝަންގެ ޤާނޫނާއި ގަވާއިދުތަކާބެހޭ މަޢުލޫމާތު މި އިދާރާގެ ވެބް ސައިޓް www.immigration.gov.mv އިން ލިބިވަޑައިގަންނަވާނެއެވެ.)

ތިންވަނަ މަރުޙަލާ : ފައިނަލް އިންޓަވިއު

ފައިނަލް އިންޓަވިއު ކުރެވޭނީ، ޕްރިލިމިނަރީ އިންޓަވިއުއާއި އިމްތިޙާނުން އެންމެ މަތިން މާރކްސް ލިބޭ، އިޢުލާނުގައި އޮތް މުވައްޒަފުން ބޭނުންވާ އަދަދުގެ ތިން ގުނައާ އެއްވަރު އަދަދަށެވެ.  މި އިންޓަވިއުގައި ލޯ އެންފޯސްމަންޓާއި އިމިގްރޭޝަނާ ގުޅުން ހުރި ދާއިރާތަކުން ހޯދައިފައިވާ ސެޓުފިކެޓުތަކަށާއި، ކުރު މުއްދަތުގެ ތަމްރީންތަކަށް މާރކްސް ދެވޭނެއެވެ. ވަޒީފާއަށް ހޮވޭނީ ފައިނަލް އިންޓަވިއުއިން މަދުވެގެން %45 (ސާޅީސް ފަހެއް) އިން ސައްތަ ލިބޭ ފަރާތްތަކެވެ.

އިތުރު މަޢުލޫމާތު:

މި އޮފީހުގެ 3330410 އާއި، 3330411 ނަންބަރު ފޯނާ ގުޅުމުން އިތުރު މަޢުލޫމާތު ސާފުކޮށްދެވޭނެއެވެ.