ވަޒީފާގެ ފުރުޞަތު

25 އޮގަސްޓު 2016 ގައި މި މަޤާމަށް މީހަކު ހޯދުމަށް ކުރެވުނު އިއުލާން ނަންބަރު AS-IUL-2016-051 އަށް އެކަށީގެންވާވަރަށް މީހުން ކުރިމަތިލާފައިނުވާތީ، ތިރީގައިމިވާ މަޤާމަށް އެޕްލިކޭޝަން ހުށަހެޅުމުގެ ފުރުޞަތު އަލުން ހުޅުވައިލަމެވެ.

މަޤާމު: ފާމަސިސްޓް

ޑިޕާޓްމަންޓް: މެޑިކަލް

މަސައްކަތް ކުރަންޖެހޭ ތަން: ހުޅުމާލެ ހޮސްޕިޓަލުގެ ކެންސަރު ސެންޓަރ

ތަޢުލީމާ ތަޖުރިބާ:

• ޑިޕްލޮމާ އިން ފާމަސީ (މަދުވެގެން 2 އަހަރުދުވަހުގެ) ކޯހެއް ފުރިހަމަކޮށްފައިވުން.

• މޯލްޑިވްސް އެލައިޑް ހެލްތުު ކައުންސިލުގައި ރަޖިސްޓަރީ ވެފައިވުން.

• ޕްރެކްޓިސިންގ ލައިސަންސެއް އޮތުން.

• މޯލްޑިވްސް ފުޑް އެންޑް ޑްރަގް އޮތޯރިޓީގައި ބޭސް ދޫކުރުމަށް ރަޖިސްޓަރީވެ، ދިވެހިރައްޔިތެއްކަން އަންގައިދޭ ކާޑު ހަދާފައި އޮތުން.

• މީހުންނާ ގުޅިގެން މަސައްކަތްކުރުމުގެ ޤާބިލުކަން ހުރުން.

• މީހުންނާ މުޢާމަލާތު ކުރުމުގެ ހުނަރު ލިބިފައިވުން.

• ޝިފްޓް ޑިއުޓީގައި މަސައްކަތް ކުރެވުން.

• މަދުވެގެން 1 އަހަރުދުވަހުގެ ޢަމަލީ ތަޖުރިބާ ލިބިފައިވުން.

• ގިނަވަގުތު މަސައްކަތުގައި އުޅެވޭނެ މީހުންނަށް އިސްކަންދެވޭނެއެވެ.

ކުރަންޖެހޭ މައިގަނޑު މަސައްކަތްތައް:

• ހުޅުމާލެ ހޮސްޕިޓަލުގެ ކެންސަރު ސެންޓަރުގައި ފަރުވާ ހޯދާ ބަލިމީހުންގެ ބޭސްތައް ތައްޔާރުކުރުން.

• ހުޅުމާލެ ހޮސްޕިޓަލުގެ ކެންސަރު ސެންޓަރުގައި ފަރުވާ ހޯދާ ބަލިމީހުންގެ ބޭސްތަކުގެ ރިކޯޑު ބެލެހެއްޓުން

• ބަލިމީހާއަށް ދެވޭ ބޭހަކީ އެންމެ ރަނގަޅު ބޭސްތޯ ބަލައި، ޓީމުގައި މަސައްކަތްކުރާ އެހެނިހެން މެމްބަރުންނާ އެއްކޮށް މަސައްކަތްކުރުން.

• ކެންސަރު ބަލީގެ މީހުންނަށް ދެވޭ ފަރުވާގެ ފެންވަރު ހިފެހެއްޓުމާއި، ބަލިމީހާގެ ދިރިއުޅުމުގެ ފެންވަރު ރަނގަޅުކުރުމަށް މަސަކަތްކުރުން.

• ބަލިމީހާއާއި، ބަލިމީހުންގެ އެހީތެރިންނާއި، ކެންސަރު ސެންޓަރުގައި މަސައްކަތްކުރާ މުވައްޒަފުންނަށް ކެންސަރު ބޭހާބެހޭ މަޢުލޫމާތު ދިނުން.

• ފަރުވާއަށް ބޭސް ތައްޔާރުކުރާއިރު އަމިއްލައަށް ރައްކާތެރިވުމާއި، ސެންޓަރުގައި މަސައްކަތްކުރާ އެހެނިހެން މުވައްޒަފުން ރައްކާތެރިކުރުމާއި، ބަލިމީހާއަށް ބޭނުންވާ ފަރުވާތައް ދެނެގަތުން.

މުސާރައާއި އިނާޔަތް: ކުންފުނީގެ އޮނިގަނޑާ އެއްގޮތްވާ ގޮތުގެ މަތިން 

ކުރިމަތިލުމުގެ ސުންގަޑި: 2016 ޑިސެންބަރު 29 ވަނަ ދުވަހު މެންދުރު 14:00 ގެ ކުރިން

މި މަޤާމަށް ހޮވޭ ބޭފުޅުން އިންޑިއާގެ ބޭންގަލޯރުގެ މަނިޕާލް ހޮސްޕިޓަލުގައި 3 މަސްދުވަހުގެ ޓްރެއިނިންގ ޕްރޮގްރާމަކަށް ފޮނުވޭނެއެވެ.

އަދި މި މުއްދަތުގައި އެ ހޮސްޕިޓަލުގައި މަސައްކަތްކުރަން ޖެހޭނެއެވެ.

މި މަޤާމަށް ޝައުޤުވެރިވާ، ޝަރުޠު ފުރިހަމަވާ ފަރާތްތަކުން، ތިރީގައިމިވާ ތަކެތި، ފެން ބިލްޑިންގުގެ 3 ވަނަ ފަންގިފިލާ (އަމީނީމަގު) އަށް ފޮނުވުން އެދެމެވެ. އީމެއިލުންނަމަ، [email protected] އަށް ފޮނުވުން އެދެމެވެ.

• ވަޒީފާއަށް އެދޭ ފޯމު.

• ސީވީ.

• ދިވެހި ރައްޔިތެއްކަން އަންގައިދޭ ކާޑުގެ ކޮޕީ.

• ތަޢުލީމީ ސެޓުފިކެޓުތަކުގެ އަސްލުކަމަށް ތައްގަނޑު ޖަހާފައިވާ ކޮޕީ.

• މަސައްކަތުގެ ތަޖުރިބާ އަންގައިދޭ ލިޔުން

• މޯލްޑިވްސް އެލައިޑް ހެލްތުު ކައުންސިލުގައި ރަޖިސްޓަރީ ވެފައިވުމުގެ ކޮޕީ

• މޯލްޑިވްސް ފުޑް އެންޑް ޑްރަގް އޮތޯރިޓީގައި ބޭސް ދޫކުރުމަށް ރަޖިސްޓަރީ ވެފައިވާ ދިވެހިރައްޔިތެއްކަން އަންގައިދޭ ކާޑުގެ ކޮޕީ

• ޕްރެކްޓިސިންގ ލައިސަންސްގެ ކޮޕީ