އިޢުލާން

މަޤާމު:                       ޑިރެކްޓަރ ޖެނެރަލް

މަޤާމުގެ ރޭންކާއި ކްލެސިފިކޭޝަން:       އީ.އެކްސް 5 / ޑިރެކްޓަރ ޖެނެރަލް

އޮފީސް / އިދާރާ:                 މޯލްޑިވިއަން ބްލަޑް ސަރވިސަސް

ސެކްޝަން:                     -

ވަޒީފާ އަދާކުރަންޖެހޭ ތަނާއި ރަށް:       މޯލްޑިވިއަން ބްލަޑް ސަރވިސަސް

މުސާރަ:                     -/13،890 ރުފިޔާ (މަހަކު)

ސަރވިސް އެލަވަންސް:             -/2،000 ރުފިޔާ (މަހަކު)

ބޭނުންވާ އަދަދު:                 1 (އެކެއް)

ގިންތި:                      ދާއިމީ

މަޤާމުގެ މަސްއޫލިއްޔަތުތަކާއި ވާޖިބުތައް:

1. ޤާނޫނު ނަންބަރު 4/2012 (ތެލެސީމިއާ ކޮންޓްރޯލް ކުރުމުގެ ޤާނޫނު) ގެ 6 ވަނަ މާއްދާގެ (ނ) ގައި ބަޔާންކޮށްފައިވާ ޑިރެކްޓަރ ޖެނެރަލްގެ މަސްއޫލިއްޔަތުތައް ކަމުގައި އެ ޤާނޫނުގައި ބަޔާންކޮށްފައިވާ އެންމެހައި ކަންކަން ހިންގައި ބެލެހެއްޓުން.

2. ޤާނޫނު ނަންބަރު 4/2012 (ތެލެސީމިއާ ކޮންޓްރޯލް ކުރުމުގެ ޤާނޫނު) ގައި ބަޔާންކޮށްފައިވާ ތެލެސީމިއާ އެންޑް އަދަރ ހީމޮގްލޮބިނޯޕަތީސް ސެންޓަރުގެ މަސައްކަތްތަކާއި އިޚުތިޞާޞްތައް ކަމުގައި ކަނޑައަޅާފައިވާ ކަންކަން ހިންގައި ބެލެހެއްޓުން.

3. ޞިއްޙީ ކަންތައްތައް ހިންގުމުގެ މަސްއޫލިއްޔަތު ހަވާލުކޮށްފައިވާ ވަޒީރުގެ ޢާންމު އިރުޝާދުގެ ދަށުން މޯލްޑިވިއަން ބްލަޑް ސަރވިސަސް ހިންގައި ބެލެހެއްޓުން. މި ގޮތުން:

    (ހ) މޯލްޑިވިއަން ބްލަޑް ސަރވިސަސް ހިންގުމާ ގުޅޭގޮތުން ސިޔާސަތުތައް އެކުލެވުމަށާއި މަޝްރޫޢުތައް ރޭވުމަށް ބޭނުންވާ މަޢުލޫމާތާއި ލަފާ، ވަޒީރު ބޭނުންވާ ކޮންމެ ވަގުތެއްގައި ދިނުމާއި، އެކުލަވައިލެވޭ މަޝްރޫޢުތައް ސީދާ ވަޒީރުގެ އިރުޝާދުގެ ދަށުން ހިންގައި ބެލެހެއްޓުން؛

    (ށ) ޕްރޮޖެކްޓްތަކާއި ޕްރޮގްރާމްތަކުގެ ތެރެއިން ކޮންމެހެން ރިވިއު ކުރަންޖެހޭ ކަންކަން ދެނެގަނެ ގެންނަންޖެހޭ ބަދަލުތައް ގެނައުން؛

    (ނ) މޯލްޑިވިއަން ބްލަޑް ސަރވިސަސްގެ ކުރިއެރުމާއި ތަރައްޤީއަށްޓަކައި ދުރުރާސްތާ، މެދު އަދި ކުރުރާސްތާގެ ތަރައްޤީގެ މަޝްރޫޢުތައް، އަދި ބޭނުންވާ ހިނދުހިނދަށް ސްޓްރެޓީޖިކް ޕްލޭނާއި، ބިޒްނަސް ޕްލޭން އަދި އެކި ޙަރަކާތުގެ މަސައްކަތުގެ ތާވަލު އެކުލަވައި ތަންފީޒުކޮށް ހިންގައި މޮނިޓަރކޮށް ބެލެހެއްޓުން؛

    (ރ) މޯލްޑިވިއަން ބްލަޑް ސަރވިސަސްގެ ސިޔާސަތުތައް ތަންފީޒުކުރުމުގައި ޢަމަލުކުރާނެ ގޮތްތައް ރާވައި އެކަށައެޅުމާއި އެ ސިޔާސަތުތައް ތަންފީޒުކުރުމަށް ގައިޑްލައިންތައް ހަދައި ހިންގުން؛

4. ވަޒީރު ޖަވާބުދާރީވާންޖެހޭ ކަންކަމާއި ހާލަތުތަކުގައި އޭނާއަށް އެހީތެރިވުން. މި ގޮތުން:

   (ހ) މޯލްޑިވިއަން ބްލަޑް ސަރވިސަސްގެ މަސައްކަތްތަކާ ބެހޭގޮތުން ވަޒީރު ރައްޔިތުންގެ މަޖިލީހަށް ޖަވާބުދާރީވާންޖެހޭ ހާލަތުތަކުގައި އެ ކަމުގެ ފުރިހަމަ އެހީތެރިކަން ދިނުން؛

   (ށ) މޯލްޑިވިއަން ބްލަޑް ސަރވިސަސްގެ މަސައްކަތްތަކާ ގުޅޭގޮތުންނާއި، ފޯރުކޮށްދެވޭ ޚިދުމަތްތަކާ ގުޅުންހުރި މައްސަލަތަކުގައި މީޑިޔާގައާއި، އާންމުންގެ ތެރޭގައި އުފެދޭ ސުވާލުތަކާ ގުޅޭގޮތުން ވަޒީރަށް ކުރިއަށް މަޢުލޫމާތު ދީ އެ ކަމުގައި ވަޒީރު ޖަވާބުދާރީވުމަށް އެހީތެރިވުން؛

5. މޯލްޑިވިއަން ބްލަޑް ސަރވިސަސް އިދާރީގޮތުން ހިންގައި ބެލެހެއްޓުން. މިގޮތުން:

   (ހ) މޯލްޑިވިއަން ބްލަޑް ސަރވިސަސްގެ މަސައްކަތްތައް ހަލުވިކަމާއި އޮމާންކަމާއެކު ނަތީޖާ ބޮޑު ގޮތެއްގައި ހިންގައި ބެލެހެއްޓުމަށްޓަކައި، ބޭނުންވާ މުވައްޒަފުންނާއި އެހެނިހެން ވަސީލަތުގެ ބޭނުން ކޮށްގެން، އެކި އެކި އިންތިޒާމުތައްކޮށް އެ ކަންކަން ހިންގުން؛

   (ށ) މޯލްޑިވިއަން ބްލަޑް ސަރވިސަސްގައި ވަޒީފާ އަދާކުރާ ތަފާތު ފަންނީ ގިންތިތަކުގެ އެންމެން ގުޅިގެން އެކުވެރި ގޮތެއްގައި މަސައްކަތް ކުރެވޭނެ މާހައުލެއް ޤާއިމުކޮށް ދެމެހެއްޓުން؛

   (ނ) މޯލްޑިވިއަން ބްލަޑް ސަރވިސަސްގެ އެކިއެކި ޚިދުމަތްތައް ލިބިގަންނަ ފަރާތްތަކަށާއި ޚިދުމަތް ދޭ ފަރާތްތަކަށް ފަސޭހަ، ލުއި، އަވަސް، ޚަރަދު ކުޑަ ގޮތްތައް ހޯދައި ތަޢާރަފުކޮށް އެ ކަން އިތުރަށް ކުރިއަރުވަން މަސައްކަތް ކުރަމުން ގެންދިއުން؛ އަދި އެ ކަންކަން އެ ގޮތަށް ކުރުމަށް ބޭނުންވާ، މަގުފަހިކުރާ، ގައިޑްލައިންތަކާއި، ޕްރޮސީޖަރތަކާއި، އުސޫލުތައް އެކުލަވައި ހާމަކޮށް، ކަން ހިނގާގޮތް މޮނިޓަރކޮށް، ފަސޭހައިން ކަންކަން ކުރެވޭނެ ގޮތްތައް ހޯދައި ކުރިއަރުވަމުން ގެންދިއުން؛

   (ރ) މޯލްޑިވިއަން ބްލަޑް ސަރވިސަސްގެ މަސައްކަތްތަކާބެހޭގޮތުން ހަދަންޖެހޭ ޤާނޫނުތަކާއި، އިޞްލާޙު ކުރަންޖެހޭ ޤާނޫނުތައް ފާހަގަކޮށް، ވަޒީރުގެ ސަމާލުކަމަށް ގެނައުން؛

   (ބ) ވަޒީރުގެ ލަފަޔާއެކު މޯލްޑިވިއަން ބްލަޑް ސަރވިސަސްގެ މަސައްކަތްތަކާ ބެހޭގޮތުން ހަދަންޖެހޭ ގަވާއިދުތައް ހެދުމާއި އިޞްލާޙު ކުރަންޖެހޭ ގަވާއިދުތައް އިޞްލާޙު ކުރަމުން ގެންދިއުން؛

6. މޯލްޑިވިއަން ބްލަޑް ސަރވިސަސްގައި އިސްނެގުމުގެ ރޫޙާއި މަސައްކަތުގެ ހިތްވަރާއި ފޯރި އިތުރުކޮށް ދެމެހެއްޓުން. މިގޮތުން:

   (ހ) މޯލްޑިވިއަން ބްލަޑް ސަރވިސަސްގެ މުވައްޒަފުންގެ ގުޅުން ރަނގަޅުކޮށް މަސައްކަތަށް އަހުލުވެރިކޮށް ދާއިރާގެ މަސައްކަތްތައް ކުރިއަރަމުންދާނޭ ގޮތްތައް އެންމެންނާ ހިއްސާކުރުން؛

   (ށ) މޯލްޑިވިއަން ބްލަޑް ސަރވިސަސްގައި ޚިދުމަތް ދިނުމުގެ އާ ގޮތްތައް ހޯދުމަށާއި، ޚިދުމަތްދިނުމުގެ އައު ބަދަލުތަކަށް ޝައުޤުވެރި ކުރުވުން؛

   (ނ) ދާއިރާ ޤައުމީ ފެންވަރުގައްޔާއި، ސަރަޙައްދީ އަދި ބައިނަލްއަޤްވާމީ ފެންވަރުގައި ކުރިއަރުވައި ތަރައްޤީކުރުމަށް މަސައްކަތް ކުރުމާއި، އެ ރޮނގުން އެހެން މުވައްޒަފުންނަށް މަގުދެއްކުން.

7. މޯލްޑިވިއަން ބްލަޑް ސަރވިސަސްއަށް ބޭނުންވާ އިންސާނީ ވަސީލަތް ހޯދައި ތަރައްޤީކޮށް އެންމެ ހެޔޮގޮތުގައި ބޭނުންހިފުން. މިގޮތުން:

   (ހ) މޯލްޑިވިއަން ބްލަޑް ސަރވިސަސްގެ އޮނިގަނޑު (ބޭނުންވާ މުވައްޒަފުންގެ އަދަދާއި ފެންވަރު އެނގޭގޮތަށް) އެކުލަވައިލައި، މުވައްޒަފުން ހޯދައި، އެ މުވައްޒަފުންގެ ވަޒީފާއާ ބެހޭ އެންމެހައި ކަންތައްތައް ބެލެހެއްޓުން؛

   (ށ) ދިވެހި ސިވިލް ސަރވިސްގެ ޤާނޫނާއި، ދިވެހި ސިވިލް ސަރވިސްގެ ގަވާއިދާއި، ދިވެހި ސިވިލް ސަރވިސްގެ ކޯޑް އޮފް ކޮންޑަކްޓް ތަންފީޒު ކުރުމުގައި މޯލްޑިވިއަން ބްލަޑް ސަރވިސަސްގެ މުވައްޒަފުން ޢަމަލުކުރުން ކަށަވަރުކުރުވުމާއި އެ ކަންކަމުގައި މުވައްޒަފުން ޖަވާބުދާރީ ކުރުވުން؛

   (ނ) މުވައްޒަފުންނަށް ބޭނުންވާ ތަމްރީނުގެ ނީޑްސް އެސެސްމަންޓް ހެދުމާއި، އެއާ އެއްގޮތަށް ތަމްރީނާއި ހުނަރުތައް ދާއިރާއަށް ލިބެނޭ ގޮތްތައް ހޯދުން؛

   (ރ) މުވައްޒަފުންނަށް ކެރިއަރޕާތުތައް ރާވައި، ކެރިއަރ ބޭސްޑް އުސޫލަކުން މުވައްޒަފުންގެ ކަންތައްތައް ހިންގުން؛

   (ބ) މުވައްޒަފުންގެ ކުރިއެރުމަށް އަދި ކުރިއެރުވުމަށް، ގަވާއިދު ތަންދޭ އެންމެ މަތީ ދަރަޖައަކަށް އަބަދުވެސް މަސައްކަތް ކުރުން، އަދި ޕަރފޯމަންސް ވަޒަން ކުރެވޭނޭ ނިޒާމުތައް ޤާއިމުކޮށް އެ ކަމުގެ ފަންނީ ގޮތުގައި ތަންފީޒުކުރުން؛

   (ޅ) މުވައްޒަފުންގެ ޙައްޤުތައް ޙިމާޔަތްކުރުން އަދި ޙިމާޔަތް ކޮށްދިނުން؛

   (ކ) މުވައްޒަފުންގެ މެދުގައި ޖެހޭ މައްސަލަތައް ހައްލުކޮށް އެ ކަންކަމަށް އިންސާފު ޤާއިމުކުރުން؛

8. އިސް ނެގުމާއި، އައު ގޮތްތަކާއި، އެންމެ ރަނގަޅު ގޮތްތަކާއި، އައު ޓެކްނޮލޮޖީއާއި ހުނަރަށް އިސްކަން ދީގެން މުވައްޒަފުންނަށް އެ ރޮނގުތަކުން ކުރިއެރުން ގެނެސް، ކުރެވޭ މަސައްކަތަށާއި ދެވޭ ޚިދުމަތަށް އޭގެ އެދެވޭ ކުރިއެރުން ގެނައުން. އެ ގޮތުން:

   (ހ) އައު ގޮތްތައް ދިރާސާކުރުމާއި، އެހެން ތަންތާނގައި ކަންކުރާގޮތް ބަލައި ރާއްޖެއަށް ރަނގަޅު މޮޅުގޮތްތައް ހޯދައި ދެނެގަނެ، އެ ގޮތްތައް ތަޢާރަފުކުރުން؛

   (ށ) މަސައްކަތް ފަސޭހަކޮށް އަވަސްކޮށް ޚަރަދު ކުޑަކޮށް ކުރެވޭނެ އައު ޓެކްނޮލޮޖީއަށް އަބަދުވެސް ފާރަވެރިވެ، އެ ޓެކްނޮލޮޖީ ތަޢާރަފުކުރުން؛

   (ނ) މަސައްކަތާ ގުޅޭ ބޭރުގެ ފަރާތްތަކާއި ވިއުގަކޮށް، ގުޅުން ބަދަހިކޮށް ތަޖުރިބާ ހިއްސާކޮށް ހެދުން؛

   (ރ) މަސައްކަތާ ގުޅުންހުރި ރޮނގުރޮނގުގެ މަޖައްލާއާއި އައު ހޯދުމާއި ޢިލްމީ ދިރާސާތަކަށް ޝައުޤު ބަހައްޓައި ހޯދައި ލިބިގަތުން؛

   (ބ) ކޮންމެ މީލާދީ އަހަރެއް ނިމުމުން، އެ ނިމުނު އަހަރުގެ ތެރޭގައި ހިންގި އަދި ހިނގާފައިވާ ކަންކަމާބެހޭ ރިޕޯޓު އެކުލަވައިލުމަށްފަހު ވަޒީރަށް ހުށަހެޅުން. 

9. ޤާނޫނު ނަންބަރު 3/2006 (ދައުލަތުގެ މާލިއްޔަތުގެ ޤާނޫނު) ގެ ދަށުން ކަނޑައަޅާ ޒިންމާދާރުވެރިޔާގެ މަސްއޫލިއްޔަތު ހަވާލުކުރެވިއްޖެނަމަ، އެ ޒިންމާ އަދާކުރުން.

10. މޯލްޑިވިއަން ބްލަޑް ސަރވިސަސްގެ ޒިންމާދާރުވެރިޔާގެ ހައިސިއްޔަތުން ދިވެހި ސިވިލް ސަރވިސްގެ ޤާނޫނާއި ގަވާއިދުގައި ޒިންމާދާރު އިސްވެރިޔާއަށް ކަނޑައަޅާފައިވާ އެންމެހައި ކަންކަން ޒިންމާއާއެކު ބަރާބަރަށް އަދާކުރުން. މިގޮތުން "ޕަރމަނަންޓް ސެކްރެޓަރީންނާއި، ޒިންމާދާރު އިސްވެރިން އަދި ޒިންމާދާރުވެރިން ޢަމަލުކުރަންޖެހޭ އުސޫލު" ގައި ބަޔާންކޮށްފައިވާ ގޮތަށް ޒިންމާދާރުވެރިންގެ މަސްއޫލިއްޔަތާއި ވާޖިބުތައް އަދާކުރުންވެސް ހިމެނެއެވެ.

މަޤާމުގެ ޝަރުޠުތައް:

1. ކްލިނިކަލް، އެލައިޑް ހެލްތު ނުވަތަ ޕަބްލިކް ހެލްތުގެ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 8 ގެ ސަނަދެއް ހާސިލުކޮށްފައިވުމާއެކު، އީ.އެކްސް 1 ރޭންކުގައި ކްލިނިކަލް، އެލައިޑް ހެލްތު ނުވަތަ ޕަބްލިކް ހެލްތުގެ ދާއިރާއަކުން މަދުގެވެން 2 އަހަރުދުވަހުގެ މަސައްކަތުގެ ތަޖުރިބާ ލިބިފައިވުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• ލިބިފައިވާ ތަޢުލީމާއި ތަމްރީނު (% 30)
• ލިބިފައިވާ މަސައްކަތުގެ ތަޖުރިބާ (% 10)
• ލިބިފައިވާ ހުނަރު

1. އިންޓަރވިއު އަދި ޕްރެޒެންޓޭޝަން (% 30)
2. އިމްތިޙާނު (% 30)

މަޤާމަށް އެދެންވީ ގޮތާއި ސުންގަޑި:

2016 ޖުލައި 21 ވާ ބުރާސްފަތި ދުވަހުގެ 14:00 ގެ ކުރިން ސިވިލް ސަރވިސް ކޮމިޝަނުގެ އިދާރާއަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް އަދި ފެކްސް މެދުވެރިކޮށް ބަލައިގަނެވޭނެއެވެ. (އީމެއިލް:[email protected] / ފެކްސް ނަންބަރު: 3303648)

ހުށަހަޅަންޖެހޭ ލިޔުންތައް:

1. ފުރިހަމަ ކުރެއްވުމަށްފަހު އެޕްލިކޭޝަންފޯމު (ފުރިހަމަކޮށް ހުށަހަޅުއްވަންޖެހޭ ފޯމު ކޮމިޝަނުގެ ކައުންޓަރުން ލިބެން ހުންނާނެއެވެ. އަދި ކޮމިޝަނުގެ ވެބްސައިޓުން www.csc.gov.mv ޑައުންލޯޑު ކުރެވޭނެއެވެ.)

2. ވަޒީފާއަށް އެދޭ ފަރާތުގެ ވަނަވަރު (އެޕްލިކޭޝަން ފޯމާއެކުގައިވާ).

3. ސިވިލް ސަރވިސްއަށް / ސަރުކާރަށް ޚިދުމަތް ކުރުމުގެ އެއްބަސްވުމެއް އޮތް މުވައްޒަފުން ކުރިލަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުމެއް.

4. ވަޒީފާއަށް އެދޭ ފަރާތުގެ ދިވެހިރައްޔިތެއްކަން އަންގައިދޭ ކާޑުގެ ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.

5. ލިބިފައިވާ ހުރިހާ ތަޢުލީމީ ސެޓުފިކެޓުތަކުގެ ކޮޕީ.

    (ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު ބަލާފައިވާ ތަޢުލީމީ ސެޓުފިކެޓުތަކުގެ ކޮޕީ. (އެކްރެޑިޓްކޮށްފައިވާ ސެޓުފިކެޓުގެ ނުވަތަ ކޯސް ފުރިހަމަކުރި ކަމުގެ ލިޔުމާއެކު ކޯހުން ލިބޭ ސެޓުފިކެޓު ވަކި ފެންވަރެއްގައި އެކްރެޑިޓް ކުރެވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ)

    (ށ) ސިވިލް ސަރވިސް ޓްރޭނިންގ އިންސްޓިޓިއުޓުން ހިންގާ ކޯސްތައް ފުރިހަމަކޮށް ހުށަހަޅާ ސެޓުފިކެޓުތައް (އެކްރެޑިޓްކޮށްފައި ނުވި ނަމަވެސް)

6. ފުރިހަމަކޮށްފައިވާ ކުރު މުއްދަތުގެ ކޯސްތަކާއި ތަމްރީނުތަކުގެ ސެޓުފިކެޓުތަކުގެ ކޮޕީ.

7. މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ. (2015 މޭ 1 ވަނަ ދުވަހުގެ ފަހުގެ ތާރީޚެއްގައި ހޯދާފައިވާ ލިޔުމެއް ކަމުގައިވާނަމަ ވަޒީފާ އަދާކުރި މުއްދަތާއި ކުރި މަސައްކަތް އަދި މުވައްޒަފުންގެ އަދަދު ބަޔާންކޮށްފައިވާ)

އިންޓަރވިއު، އިމްތިޙާނު އަދި ޕްރެޒެންޓޭޝަން އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިމްތިޙާނު، އިންޓަރވިއު އަދި ޕްރެޒެންޓޭޝަން އޮންނާނީ 2016 އޮގަސްޓު 3 އާ 2016 އޮގަސްޓު 18 އާ ދެމެދު ސިވިލް ސަރވިސް ކޮމިޝަން (ވެލާނާގޭގެ 12 ވަނަ ފަންގިފިލާ) ގައެވެ. ވުމާއެކު، މި ވަޒީފާއަށް ކުރިމަތިލާ ފަރާތްތަކުން، އެ ތާރީޚުތަކުގައި ޕްރެޒެންޓޭޝަން ހުށަހެޅުމަށާއި އިންޓަރވިއުއަށް އަދި އިމްތިޙާނަށް ހާޒިރުވުމަށް ތައްޔާރުވެގެން ތިބުމަށްވެސް ދަންނަވަމެވެ.

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ޝަރުޠު ހަމަވާ ފަރާތްތަކުގެ އަދަދު 5 އަށްވުރެ ގިނަނަމަ، ތަޢުލީމީ ފެންވަރާއި ތަޖުރިބާއަށް ބަލައި ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާކްސް ލިބޭ 5 ފަރާތް ޝޯޓްލިސްޓް ކުރެވޭނެއެވެ.

ވަޒީފާއަށް ހޮވޭ ފަރާތަށް ސެލެކްޝަން ޕްރޮސެސްއިން މަދުވެގެން ލިބެންޖެހޭނެ މާކްސް:

• ޖުމްލަ އިންސައްތަ % 35
• އިމްތިޙާނުން މަދުވެގެން ލިބެންޖެހޭ އިންސައްތަ: ކޮންމެ ކަރުދާހަކުން % 33

(33% ކޮންމެ ކަރުދާހަކުން ނުލިބޭ ފަރާތްތަކާ އިންޓަރވިއު ނުކުރެވޭނެއެވެ.)

އުޖޫރައާއި ޢިނާޔަތްތައް:

1. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް.

2. ދިވެހިރާއްޖޭގެ ޕެންޝަނާ ބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.

3. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ.

ނޯޓު:

• އިމްތިޙާނުގެ ގޮތުގައި ދެވޭ ކޮންމެ ކަރުދާހަކުން %33 ނުލިބޭ ފަރާތްތަކާ އިންޓަރވިއު ނުކުރެވޭނެއެވެ.

• "މަޤާމަށް އެދޭ މީހުން ސްކްރީން ކުރުމާއި، ޝޯޓްލިސްޓް ކުރުމާއި، ހޮވުމާއި ޢައްޔަން ކުރުމުގެ ކްރައިޓީރިއާ" ސިވިލް ސަރވިސް ކޮމިޝަނުގެ ވެބްސައިޓުގައި އާންމުކުރެވިފައިވާނެއެވެ.

މި އިޢުލާނާ ގުޅިގެން މަޢުލޫމާތު ސާފުކުރެއްވުމަށް ގުޅުއްވާނީ 3307336 ނަންބަރު ފޯނާއެވެ. ފެކްސް ނަންބަރަކީ 3303648 އެވެ. އީ-މެއިލް ކުރައްވާނީ [email protected] އަށެވެ.

29 ރަމަޟާން 1437