ދިވެހިރާއްޖެ
އިޢުލާން
ފޯރަމް އޮފް އިލެކްޝަންސް މެނޭޖްމަންޓް ބޮޑީސް (ފެމްބޯސާ) ގެ ބައްދަލުވުމުގެ ބޭނުމަށް ޕްރޮޓޮކޯލް އޮފިސަރުން ހޯދުމާބެހޭ:
2016 އޮގަސްޓު 1 އިން 4 އަށް، މި ކޮމިޝަނުގެ ފަރާތުން އިންތިޒާމުކޮށްގެން ބޭއްވުމަށް ހަމަޖެހިފައިވާ ފޯރަމް އޮފް އިލެކްޝަންސް މެނޭޖްމަންޓް ބޮޑީސް (ފެމްބޯސާ) ގެ ބައްދަލުވުމަށް ދިވެހިރާއްޖެއަށް ޒިޔާރަތްކުރައްވާ ބޭރުގެ ޤައުމުތަކުގެ ޢިއްޒަތްތެރިންނާއި މަތީފެންވަރުގެ ވަފުދުތަކުގެ ޕްރޮޓޮކޯލް އިންތިޒާމުކުރުމަށް، މި ކޮމިޝަނަށް ޕްރޮޓޮކޯލް އޮފިސަރުން ހޯދަން ބޭނުންވެއެވެ.
ބޭނުންވާ އަދަދު: 15 (ފަނަރަ)
މުއްދަތު: 10 ދުވަސް (ޖުލައި 23، 24، 25 ގައި ޓްރެއިނިންގ، ޖުލައި 30 އިން އޮގަސްޓު 5 އަށް މަސައްކަތުގައި)
އުޖޫރައާއި ޢިނާޔަތްތައް: މި މަސައްކަތަށް ހޮވޭ ފަރާތްތަކަށް މަސައްކަތުގައި ހޭދަވާ ކޮންމެ ދުވަހަކަށް -/500 ރުފިޔާގެ އެލަވަންސެއް ދެވޭނެއެވެ. މީގެ އިތުރުން ކޮސްޓިއުމްއަށް ކަނޑައެޅިފައިވާ އެލަވަންސް ހަމަޖައްސައިދިނުމުގެ އިތުރުން، ކެއުމާއި ހުރުމުގެ އިންތިޒާމު ހަމަޖައްސަންޖެހޭނަމަ، އެކަންކަން އިންތިޒާމުކޮށްދެވޭނެއެވެ.
ފެންވަރު/ ޝަރުޠު:
- ޖީ.ސީ.އީ އޭލެވެލް ނުވަތަ އޯލެވެލް ފުރިހަމަކޮށްފައިވުމާއެކު، އިނގިރޭސިބަހުން ފަރިތަކަމާއެކު ލިޔުމުންނާއި އަނގަބަހުން މުޢާމަލާތުކުރެވޭ ފަރާތަކަށްވުން.
- މިބާވަތުގެ މަސައްކަތެއްގައި މީގެކުރިން އުޅެ ތަޖުރިބާ ލިބިފައިވާ ފަރާތެއްކަމުގައިވުން.
- އުމުރުން 18 އަހަރު ފުރިފައިވާ ފަރާތެއްކަމުގައިވުން.
ކުރަންޖެހޭ މަސައްކަތްތައް:
- ޑެލިގޭޝަނުގައި ހިމެނިވަޑައިގަންނަވާ ބޭފުޅުން ރާއްޖެ ވަޑައިގަތުމާ ހިސާބުން ހަމަޖައްސަންޖެހޭ ހުރިހާ އިންތިޒާމްތައް، ސެކްރެޓޭރިއަޓާ ގުޅިގެން ހަމަޖެއްސުން.
- ޑެލިގޭޝަނުގައި ހިމެނިވަޑައިގަންނަވާ ބޭފުޅުން ރާއްޖެ ވަޑައިގަތުމާއެކު، އެއަރޕޯޓުން އެބޭފުޅުންނާ ހަވާލުވުން.
- ޑެލިގޭޝަނުގައި ހިމެނިވަޑައިގަންނަވާ ބޭފުޅުންގެ ހުރިހާ އެޕޮއިންޓްމަންޓްތަކެއް އޯގަނައިޒްކޮށް ބެލެހެއްޓުން.
- ޑެލިގޭޝަނުގެ ބޭފުޅުންގެ ދަތުރުގެ ކަންތައްތައް ރޭވިފައިވާގޮތާއި ޕްލޭން، ރިލޭޝަންސް އޮފިސަރުންގެ ފަރާތުން ހޯދައި، އެ މަޢުލޫމާތު އެފަރާތްތަކާ ހިއްސާކުރުން.
- ޑެލިގޭޝަނުގެ ބޭފުޅުންގެ އެކޮމޮޑޭޝަން، ފުޑް ހަމަޖެހިފައިވާގޮތުގެ މަޢޫލޫމާތު، ރިލޭޝަންސް އޮފިސަރުންގެ ފަރާތުން ހޯދައި، އެ މަޢުލޫމާތު އެބޭފުޅުންނާ ހިއްސާކޮށް، ރާއްޖޭގައި ތިއްބަވާ ދުވަސްތަކުގައި ލިބިވަޑައިގަންނަވާނެ ޚިދުމަތްތަކާބެހޭ ފުރިހަމަ މަޢުލޫމާތު ފޯރުކޮށްދިނުން.
- ޑެލިގޭޝަނުގެ ބޭފުޅުންގެ އެކޮމޮޑޭޝަން ހަމަޖެހިފައިވާ ތަނަކަށް ގެންދިއުން.
- ޑެލިގޭޝަންގެ ބޭފުޅުންނަށް ބޭނުންވާ ހުރިހާ އެހީތެރިކަން ފޯރުކޮށްދިނުމާއި، ޙަފްލާތައް ރޭވިފައިވާގޮތުގެ އެޖެންޑާ، ރިލޭޝަންސް އޮފިސަރުގެ ފަރާތުން ހޯދައި، އެފަރާތްތަކާ ހިއްސާކުރުން.
- ޑެލިގޭޝަނުގައި ހިމެނިވަޑައިގަންނަވާ ބޭފުޅުންނަށް ރޭވިފައިވާ އިވެންޓްތަކާބެހޭ ފުރިހަމަ މަޢުލޫމާތު، ރިލޭޝަންސް އޮފިސަރުންގެ ފަރާތުން ހޯދައި، އެފަރާތްތަކަށް އެ މަޢުލޫމާތު ހިއްސާކުރުމާއި، އެ އިވެންޓަކާ ގުޅިގެން އެފަރާތްތަކަށް ބޭނުންވާ އެހީތެރިކަން ފޯރުކޮށްދިނުމާއި، އެ އިވެންޓު އޮންނަތަނަށް ގެންދިއުން.
- މި ބައްދަލުވުމުގެ އިތުރުން ޑެލިގޭޝަނުގެ ބޭފުޅުންގެ އިތުރު އެޕޮއިންޓުމަންޓެއްވާނަމަ، އެކަން ހަމަޖެއްސުމަށްޓަކައި ރިލޭޝަންސް އޮފިސަރާ ގުޅިގެން އެކަންކަން އިންތިޒާމްކޮށް ހަމަޖެއްސުން.
- މީގެ އިތުރުން، ދިމާވާ ކަންކަން ކުރުމަށްޓަކައި ގުޅަންޖެހޭ ފަރާތްތަކާ ގުޅައި، އެކަންކަން ހަމަޖެއްސުން.
މީހުން ހޮވުމުގައި ބަލާނެ މިންގަނޑު:
މި މަސައްކަތަށް މީހުން ހޮވުމުގައި މާކްސްދޭނީ ތިރީގައިވާގޮތުގެ މަތީންނެވެ.
|
ދާއިރާ |
މާކްސް |
މާކްސް ދޭނެ ގޮތް |
|
ތަޢުލީމު |
30 |
ޝަރުޠުގައި ބަޔާންކޮށްފައިވާ އަސާސީ ޝަރުޠު ފުރިހަމަވާނަމަ، ފުރިހަމަ މާކްސް ލިބޭނެ |
|
ތަޖުރިބާ |
20 |
ހުށަހަޅާ ލިޔުންތަކަށް ބަލައި، ތަޖުރިބާއަށް މާކްސް ދިނުން. |
|
އިންޓަވިއު |
50 |
ކޮމިޝަނުން މީހުން ހޮވުމަށް އެކުލަވައިލާ އިންޓަވިއު ޕެނަލަކުން މާކްސްދީގެން. |
ސުންގަޑި:
މިކަމަށް ޝައުޤުވެރިވާ ފަރާތްތަކުން، ސިޓީއަކާއެކު، 2016 ޖުލައި 3 ގެ 14:00 ގެ ކުރިން އިލެކްޝަންސް ކޮމިޝަނުގެ އިދާރާއަށް (ޕޯޓް ކޮމްޕްލެކްސް އިމާރާތުގެ 5 ވަނަ ފަންގިފިލާއަށް) ހުށަހެޅުން އެދެމެވެ. ނުވަތަ [email protected] އަށް މެއިލްކުރުން އެދެމެވެ.
ސިޓީއާއެކު ހުށަހަޅަންޖެހޭ ލިޔުންތައް:
1. ދިވެހި ރައްޔިތެއްކަން އަންގައިދޭ ކާޑުގެ ފޮޓޯކޮޕީ.
2. ސީވީ.
3. ކޮލިފިކޭޝަން.
4. މަސައްކަތުގެ ތަޖުރިބާ އަންގައިދޭ ލިޔުންތައް.
އިންޓަވިއު:
މި މަސައްކަތަށް ކުރިމަތިލާ ފަރާތްތަކުގެ ތެރެއިން ޝޯޓްލިސްޓުވާ ފަރާތްތަކާ އިންޓަވިއު ކުރެވޭނެއެވެ. ޝޯޓްލިސްޓުވާ ފަރާތްތަކުން، އިންޓަވިޔުއަށް ހާޒިރުވާއިރު، ހުށަހަޅާފައިވާ ސެޓުފިކެޓުތަކުގެ އަޞްލު ގެންނަންވާނެއެވެ.
17 ރަމަޟާން 1437
