ޓާރމްސް އޮފް ރެފަރަންސް

ނެޝަނަލް ހެލްތް ލެބޯޓްރީން އައިއެސްއޯ/އައިއީސީ 17043 އަށް އެކްރެޑިޓްވެފައިވާ ޕްރޮފިޝަންސީ ޓެސްޓިންގ ސްކީމެއްގައި ބައިވެރިވުން

10 މާރިޗު 2016

1. ތަޢާރަފު

ނެޝަނަލް ހެލްތް ލެބޯޓްރީ (އެންއެޗްއެލް) އަކީ ރާއްޖޭގައި ބޭނުންކުރާ ކާބޯތަކެތީގެ ރައްކާތެރިކަމާއި ފެންވަރާއި ސާފުތާހިރުކަން ޔަޤީން ކުރުމުގެ މަސައްކަތް ކުރުމަށްޓަކައި މޯލްޑިވްސް ފުޑް އެންޑް ޑްރަގް އޮތޯރިޓީގައި އުފައްދާފައިވާ ޑިވިޝަނެކެވެ. އެންއެޗްއެލް ބެހިގެންވާ މައިގަނޑު ދެބަޔަކީ ކެމިސްޓްރީ ލެބޯޓްރީއާއި މައިކްރޮބަޔޮލޮޖީ ލެބޯޓްރީއެވެ. ލެބޯޓްރީގައި ޓެސްޓް ކުރެވޭ ބާވަތްތަކަކީ، ކާބޯތަކެތި ހަދާ ތަންތަނާއި ފެކްޓްރީ އަދި ރިސޯޓް ފަދަ ތަންތަނުން ގެންނަ ފެނާއި ކާބޯތަކެއްޗާއި ސްވަބް ސާމްޕަލާއި ބޭހުގެ ބާވަތްތަކެވެ.

އެންއެޗްއެލް ވަނީ، ޑިސެންބަރު 2008 އިން ފެށިގެން އައިއެސްއީ/އައިއީސީ 17025 ސްޓެންޑަށް އެކްރެޑިޓްވެފައެވެ. އެކްރެޑިޓޭޝަން ސްޓޭޓަސް ދެމެހެއްޓުމަށްޓަކައި ޓެސްޓްތަކުގެ ފެންވަރު ދެމެހެއްޓުމަކީ ލާޒިމް ކަމެކެވެ. މިޝަރުޠު ފުރިހަމަ ކުރުމަށްޓަކައި އެންއެޗްއެލް އިން ގަސްތުކޮށްފައިވަނީ ޕްރޮފިޝަންސީ ޓެސްޓިންގ (ޕީޓީ) ސްކީމެއްގައި ބައިވެރިވުމަށެވެ.

އެގޮތުންް މި "ޓާރމްސް އޮފް ރެފަރެންސް" (ޓީއޯއާރ) ހެދިފައިވަނީ ޕީޓީ ޚިދުމަތްދޭނޭ ފަރާތެއް/ ޕްރޮގްރާމެއް ހޯދުމަށްޓަކައެވެ.

2. ސްކޯޕާއި މަޤްޞަދު

މިޓީއޯއާރގެ މަޤްޞަދަކީ އެންއެޗްއެލްގެ ޓެސްޓްތަކުގެ ފެންވަރު ޔަޤީންކުރުމަށް ބައިނަލްއަޤްވާމީ ސްޓެންޑަރޑް، އައިއެސްއޯ/އައިއީސީ 17043 އަށް އެކްރެޑިޓްވެފައިވާ ޕީޓީ ޚިދުމަތްދިނުމަށް އެކަށީގެންވާ ފަރާތެއް/ޕްރޮގްރާމެއް ހޯދުމެވެ.

މިގޮތުން ހޮވޭ ފަރާތުން ދޭންޖެހޭ ޚިދުމަތްތަކުގެ ތެރޭގައި:

1. ޕީޓީ ސާމްޕަލްތައް އެންއެޗްއެލް އަށް ފޮނުވުން.
2. އެސައިންޑް ވެލިއު ނުވަތަ ނޮމިނަލް ވެލިއު ނުވަތަ ޕްރޮގްރާމުގައި ބައިވެރިވާ ހުރިހާ ލެބޯޓްރީއެެއްގެ ޓެސްޓް ނަތީޖާ ބޭނުންކޮށްގެން ގެނެވޭ ހާމޮނައިޒްޑް ވެލިއު ބޭނުން ކޮށްގެން އެންއެޗްއެލްގެ ޓެސްޓް ނަތީޖާ އިވެލުއޭޓް ކުރުން.
3. އެންއެޗްއެލްގެ ޓެސްޓް ނަތީޖާއަށް ލިބޭ ސްކޯއަށް ރިޕޯޓެއް ހުށަހެޅުން.

ޕީޓީގެ ޚިދުމަތް ބޭނުންވާ ޕެރަމީޓަރތަކުގެ ތަފުސީލު އެޓޭޗް ކުރެވިފައިވާ ލިސްޓު 1 ގައި ހިމެނިފައިވާނެއެވެ. ޕީޓީ ސާމްޕަލްތައް ތަޙުލީލު ކުރެވޭނީ އެންއެޗްއެލް ގައެވެ.

3. ހުންނަން ޖެހޭ ޝަރުޠު/ ފެންވަރު:

3.1. އެންއެޗްއެލް އަށް ޕީޓީ ޚިދުމަތްދޭން އެދޭ ފަރާތްތައް ތިރީގައިވާ ޝަރުޠުތަކާއި ފެންވަރު ފުރިހަމަވާން ވާނެއެވެ.

ހ) އައިއެސްއޯ/އައިއީސީ 17043 އަށް އެކްރެޑިޓްވެފައިވާ ފަރާތަކަށް ވުން.

ށ) ލިސްޓު 1 ގައިވާ ޕެރަމީޓަރާއި ރޭންޖުތައް ޕީޓީ ޕްރޮގްރާމްގައި ހިމެނިފައިވުން.

ނ) ޕީޓީ ޚިދުމަތް ދޭ ފަރާތަކީ އެންމެ މަދުވެގެން 3 އަހަރުދުވަހުގެ ޚިދުމަތްކޮށްދީފައިވާ ފަރާތަކަށް ވުމާއި، މިހާރުވެސް މިޚިދުމަތް ދޭ ފަރާތަކަށްވުން.    

ރ) ޕީޓީ ޕްރޮގްރާމަކީ އެންމެ މަދު ވެގެން 5 ލެބޯޓްރީ ބައިވެރިވާ ޕްރޮގްރާމަކަށްވުން.

ބ) ޓެސްޓް ނަތީޖާ އިލެކްޓްރޯނިކް ކޮށް ފޮނުވުމުގެ އިންތިޒާމު ހަމަޖެހިފައިވާ ޕްރޮގްރާމެއް ކަމުގައިވުން.

ޅ) ޓެސްޓް ނަތީޖާ ހުށަހެޅުމަށް ދެވޭ މުއްދަތުގައި ސާމްޕަލް ފޯރުކޮށްދިނުމަށް ދާ ވަގުތާއި ޕްރޮސެސް ކުރުމާއި ތަޙުލީލު ކުރުމަށް ދާ ވަގުތު ހިމަނައި އެކަށީގެންވާ މުއްދަތެއް ދިނުން. އެކި ޕެރަމީޓަރތަކަށް ސާމްޕަލް ޕްރޮސެސް ކުރުމަށާއި، ތަޙޫލީލު ކުރުމަށް ދާ ވަގުތު ލިސްޓު 1 ގައި ހިމެނިފައިވާނެއެވެ.

ކ) އެއް އަހަރުގެ ޕީޓީ ޕްރޮގްރާމުގެ ޝެޑިއުލް ޕްރޮގްރާމް ފެށުމުގެ ކުރިން ލިބެން ހުރުން.

އ) އެންއެޗްއެލް އަށް ސާމްޕަލް ފޯރުކޮށްދިނުމަށްޓަކައި ކުރިއަރ ސަރވިސަސ/ޓްރާންސްޕޯޓް ޚިދުމަތް ދެވޭނޭ އިންތިޒާމު ހަމަޖެހިފައިވުން.

ވ) ޓެސްޓް ނަތީޖާތައް އިވެލުއޭޓް ކޮށްފައިވާ ރިޕޯޓްތައް އިލެޓްރޯނިކް ކޮށް ލިބެން ހުރުން.

މ) ޓެސްޓް ނަތީޖާ އިވެލުއޭޓް ކުރުމަށް ބޭނުންކުރާ ސްޓެޓިސްޓިކަލް މެތަޑް ކޮންމެ އިވެލުއޭޝަން ރިޕޯޓަކާއެކީ ފޮނުވުން.

ފ) އެއް އަހަރުދުވަހުގެ ޕްރޮގްރާމަށް ނަގާ އަގުތައް ބަޔާން ކުރުން.

3.2. މަތީގައިވާ ކަންތައްތަކުގެ ތެރެއިން 3.1 ހ)، ށ)، ނ) އާއި ރ) އަށް ޝަރުޠު ފުރިހަމަވާކަން ހާމަވާ، ކުރުމަށް ބޭނުންވާ ލިޔެކިޔުންތައް ހުށަހަޅަންވާނެއެވެ. އަދި ބާކީހުރި ޝަރުޠުތައް ފުރިހަމަވާކަން ހާމަކުރުމަށްޓަކައި ހެކި ދެއްކުމުގެ ގޮތުން އެކަމާގުޅޭ ލިޔެކިޔުން ހުށަހެޅުން ނުވަތަ ޕްރޮޕޯޒަލްގައި އެޚިދުމަތްތައް ދެވޭނެކަން ބަޔާން ކުރަންވާނެއެވެ. ދެންނެވިފައިވާ ލިޔެކިޔުންތަކާއި ބަޔާންތައް ނެތް ހުށަހެޅުންތައް ބާޠިލުވާނެއެވެ. މަތީގައިވާ ޝަރުޠުތައް ފުރިހަމަ ނުވާ ފަރާތްތަކުގެ ހުށަހެޅުންތައް ބާޠިލުވާނެއެވެ.

4. އެޕްލިކޭޝަން ހުށަހެޅުން:

4.1. ޝަރުޠު ހަމަވާ ފަރާތްތަކުގެ ތެރެއިން މިޚިދުމަތް ފޯރުކޮށްދިނުމަށް ޝައުޤުވެރިވާ ފަރާތްތައް ތިރީގައިވާ މަޢުލޫމާތާއެކު އަންދާސީހިސާބު ހުށަހެޅުއްވުން އެދެމެވެ.

ހ) ޕީޓީ ޓެސްޓް / ޕެކް ގެ އަގުތައް ޔޫއެސް ޑޮލަރުން

ށ) ކޮންމެ ރައުންޑަކަށް ޕީޓީ މެޓީރިއަލް (ކޮންމެ ޓެސްޓަކަށް ނުވަތަ ޓެސްޓް ޕެކަކަށް) ތިރީގައިވާ އެޑްރެހަށް ފޮނުވައިދިނުމަށް ދާ ޚަރަދު 

ނެޝަނަލް ހެލްތް ލެބޯޓްރީ

މޯލްޑިވްސް ފުޑް އެންޑް ޑްރަގް އޮތޯރިޓީ

މިނިސްޓްރީ އޮފް ހެލްތު

ރޯޝަނީ ބިލްޑިންގ، ސޯސަން މަގު

މާލެ 20184

ދިވެހިރާއްޖެ

ނ) ޕޯސްޓާއި ޓެސްޓް ކުރުމަށް ދޭ މުއްދަތު

މަތީގައިވާ ކަންތައްތައް ބަޔާން ނުކުރާ އަންދާސީހިސާބު/ ޕްރޮޕޯޒަލްތައް ބާޠިލުވާނެއެވެ. މަތީގައިވާ ކަންތައްތަކުގެ އިތުރުން މިކަމަށް ހިނގާނޭ އިތުރު ޚަރަދުތައް ހިިމަނަންވާނެއެވެ.

ހ) އައިއެސްއޯ /އައިއީސީ 17043 އަށް އެކްރެޑިޓް ވެފައިވާ އެކްރެޑިޓޭޝަން ސެޓުފިކެޓު

ށ) ޕީޓީ ޕްރޮގްރާމްގެ ޝެޑިއުލް

ނ) ޓެސްޓް ނަތީޖާތައް އިވެލުއޭޓް ކުރުމަށާއި ރަނގަޅު ނަތީޖާއެއްކަން ކަނޑައެޅުމަށް ބޭނުންކުރާ މިންގަނޑު

ރ) ކުރު ޕްރޮފައިލް

ބ) ފާއިތުވި 3 އަހަރުދުވަހުގެ ތެރޭގައި ޚިދުމަތް ދީފައިވާ ފަރާތްތައް / ލެބޯޓްރީތަކުގެ ލިސްޓު

ޅ) ޓެސްޓްނަތީޖާއާއި ނަތީޖާގެ އިވެލުއޭޝަން ރިޕޯޓު ފޮނުވުމަށް ހަމަޖެހިފައިވާ ގޮތުގެ ތަފުސީލު

ކ) ފައިސާ ދެއްކުމަށް ކަނޑައެޅިފައިވާ ގޮތާއި ޝަރުތުތައް

އ) ކަމާ ގުޅުންހުރި އެހެނިހެން ޝަރުޠުތަކާއި އުސޫލުތައް

ވ) ފުރިހަމަ އެޑްރެހާއި، އީމެއިލް އެޑްރެހާއި ފޯނު ނަންބަރުތައް ހިމެނޭގޮތަށް ގުޅާނެ ފަރާތުގެ މަޢުލޫމާތު.

މަތީގައިވާ ލިޔެކިޔުންތަކާއި މަޢުލޫމާތު ފުރިހަމަނުވާ ހުށަހެޅުންތައް ބާޠިލުވާނެއެވެ.

5. ފަރާތެއް ހޮވުން

މިކަމަށް އެކަށީގެންވާ ފަރާތެއް ހޮވުމަށް ޕޮއިންޓް ދިނުމަށް ހަމަޖެހިފައިވާ އުސޫލު:

އަގު: 80 (އަށްޑިހަ) ޕޮއިންޓް: އެންމެ ކުޑައަގެއް ހުށަހަޅާ ފަރާތަކަށް އެންމެ މަތީ ޕޮއިންޓް، އެއަށްފަހު ޕޮއިންޓް ދެވޭނީ ރޭޝިއޯއިން.

ތަޖުރިބާ: 20 (ވިހި) ޕޮއިންޓް: ޕްރޮފިޝަންސީ ޓެސްޓިންގގެ ޚިދުމަތް ދެމުންދާ މުއްދަތު ހާމަވާ ގޮތަށް އެހެން ފަރާތްތަކުން ދީފައިވާ ލިޔުންތައް. އެންމެ ގިނަ ދުވަހަށް ޚިދުމަތް ދީފައިވާ ފަރާތަށް އެންމެ މަތީ ޕޮއިންޓް، އެއަށްފަހު ޕޮއިންޓް ދެވޭނީ ރޭޝިއޯއިން.

1. މުއްދަތު- ހުރިހާ ޓެސްޓްބުރުތައް ފަށާ ތާރީޚުން ފެށިގެން 1 އަހަރުދުވަހުގެ ތެރޭގައި ނިންމުން.
2. ގުޅޭނޭ ފަރާތް: ތޫމާ އާދަމް / މޯލްޑިވްސް ފުޑް އެންޑް ޑްރަގް އޮތޯރިޓީ
3. އެޕްލިކޭޝަން ހުށަހެޅުމުގެ ސުންގަޑި:

ޝައުޤުވެރިވާ ފަރާތްތަކުން އަންދާސީހިސާބާއި ބޭނުންވާ އެހެނިހެން ލިޔެކިޔުންތައް 20 މާރިޗު 2016 ގެ ރަސްމީގަޑި ނިމުމުގެ ކުރިން ތިރީގައިވާ އެޑްރެހަށް ހުށަހަޅަންވާނެއެވެ.

މޯލްޑިވްސް ފުޑް އެންޑް ޑްރަގް އޮތޯރިޓީ، މިނިސްޓްރީ އޮފް ހެލްތު،

ރޯޝަނީ ބިލްޑިންގ، ސޯސަން މަގު،

މާލެ ،20184

ދިވެހިރާއްޖެ

އަންދާސީހިސާބާއި، ލިޔެކިޔުންތަކުގެ އިލެކްޓްރޯނިކް ވާރޝަންތައް މަތީގައިވާ ސުންގަޑީގެ ކުރިން [email protected] އަށް އީމެއިލް ކުރެވިދާނެއެވެ. ސުންގަޑީގެ ފަހުން ހުށަހެޅޭ އެޕްލިކޭޝަންތައް އެއްވެސް ހާލެއްގައި ބަލައިނުގަނެވޭނެއެވެ.