ދިވެހިރާއްޖެ
އިޢުލާން
ވަޒީފާގެ ފުރުޞަތު:
އެއަރޕޯޓްތައް ތަރައްޤީކޮށް ހިންގުމުގައި ރާއްޖޭގައި އެންމެ ޤާބިލް އަދި ތަޖުރިބާހުރި މި ކުންފުނީގެ ވަޒީފާ އަދާކުރާހިތްވާ، ކަމަށް ޤާބިލް، އުފެެއްދުންތެރި، ހީވާގި، ނަތީޖާ ހާސިލުކުރެވޭނެ ފަރާތްތަކަށް ތިރީގައި ބަޔާންކުރާ މަޤާމްތަކަށް ކުރިމަތިލުމުގެ ފުރުޞަތު ހުޅުވައިލަމެވެ.
މަޤާމް: މެނޭޖަރ، އެކައުންޓްސް އެންޑް ޕޭއަބަލް
ބޭނުންވާ އަދަދު: 1 (އެކެއް)
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ )/ ފައިނޭންސް ސެކްޝަން
މަޤާމުގެ ޝަރުޠު:
- އެކައުންޓްސް، ފައިނޭންސް ނުވަތަ ގުޅުންހުރި ދާއިރާއަކުން ފަސްޓް ޑިގްރީ ސެޓްފިކެޓް ހާސިލުކޮށްފައިވުން.
- ފަރިތަކަމާއެކު މައިކްރޯސޮފްޓް އޮފީސް ޕެކޭޖް ބޭނުންކުރަން އެނގުން.
- އުމުރު: 25 އަހަރާއި 40 އަހަރާ ދެމެދުގެ ފަރާތަކަށްވުން.
ނޯޓް: ގުޅުން ހުރިދާއިރާއަކުން ތަޖުރިބާ ލިބިފައިވާ ފަރާތްތަކަށް އިސްކަންދެވޭނެ.
މުސާރައާއި އިނާޔަތްތައް: މަހަކު -/21,000 އާއި -/22,000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- ސިސްޓަމް ޤަވާއިދުތަކާއި ޕޮލިސީތައް ހެދުމާއި، އެއާ އެއްގޮތަށް އަމަލުކުރުމާއި، އެކައުންޓްސް ޕޭއަބަލްގެ ފަންކްޝަންތައް ކޮމްޕެނީގެ ގަވާއިދުތަކާ އެއްގޮތަށް ހިންގުން.
- ކޮންމެ މަހެއްގެ ފައިނޭންޝަަލް ރިކޯޑްސްއާއި ސްޓޭޓްމަންޓްތައް ޞައްޙަކަމާއެކު ކޮންމެ މަހަކު ނިންމުން.
- ވަގުތުން ވަގުތައް ނިންމަންޖެހޭ ވެންޑަރ އިންވޮއިސްތަކާއި އެކްސްޕެންސް ތައްޔާރުކޮށް ފޮނުވަންޖެހޭ ފަރާތްތަކަށް ފޮނުވުމާއި، ޞައްޙަ ފައިނޭންޝަަލް ރިޕޯޓްތައް ތައްޔާރުކޮށް ބެލެހެއްޓުން.
- ޤާނޫނާއި ޤަވާއިދާ އެއްގޮތަށް ޓެކްސް ދެއްކުން.
މަޤާމް: މެނޭޖަރ، ޖެނަރަލް ސްޓޯރ
ބޭނުންވާ އަދަދު: 1 (އެކެއް)
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ )/ ޕްރޮކިއުމަންޓް އެންޑް ސްޓޯސް
މަޤާމުގެ ޝަރުޠު:
- ގުޅުންހުރި ދާއިރާއަކުން ބެޗްލަރ ޑިގްރީ ހާސިލުކޮށްފައިވުން (ސަޕްލައި ޗެއިން/އިންވެންޓްރީ މެނޭޖްމަންޓް ދާއިރާގެ މި ފެންވަރުގެ ސެޓްފިކެޓެއް ލިބިފައިވާ ފަރާތްތަކަށް އިސްކަންދެވޭނެ.)
- މަދުވެގެން ގުޅުންހުރި ދާއިރާއަކުން 5 އަހަރު ދުވަހުގެ ތަޖުރިބާ ލިބިފައިވުން.
- އުމުރު: 25 އަހަރާއި 45 އަހަރާ ދެމެދުގެ ފަރާތަކަށްވުން.
- ގިނަވަގުތު މަސައްކަތް ކުރެވޭނެ ފަރާތަކަށްވުން.
- ފަރިތަކަމާއެކު މައިކްރޯސޮފްޓް އޮފީސް ޕެކޭޖް ބޭނުންކުރަން އެނގުން.
- ފަރިތަކަމާއެކު އިނގިރޭސިބަހާއި ދިވެހިބަހުން ލިޔެކިޔަން އެނގުމާއި، މުޢާމަލާތްކުރަން އެނގުން.
ނޯޓް: އިންވެންޓްރީ މެނޭޖްމަންޓް ދާއިރާގައި ބޭނުންކުރާ ސޮފްޓްވެއަރއަށް އަހުލުވެރިވެފައިވާ ފަރާތްތަކަށް އިސްކަންދެވޭނެ.
މުސާރައާއި ޢިނާޔަތްތައް: މަހަކު -/21,000 ރުފިޔާއާއި -/22,000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- ސްޓޯރުގެ ހުރިހާ މަސައްކަތެއް ބެލެހެއްޓުމާއެކު، މުވައްޒަފުންނަށް މަސައްކަތްކުރަންވީ ރަނގަޅުގޮތުގެ އިރުޝާދުދިނުން.
- ހުޅުލެއާއި ބޭރުން ސައިޓަށް ގެންނަޖެހޭ މުދާ ގެނައުން.
- ޔުނިޓުގެ މަސައްކަތްކުރުމުގައި އުފެއްދުންތެރިކަމާއި ޤަބިލްކަމާއެކު ލަނޑުދަނޑިއަށް ވާސިލުވުމަށް މަސައްކަތްކުރުން.
- ޔުނިޓުގެ މުވައްޒަފުންގެ މެދުގައި ޖެހޭ މައްސަލަތައް ގަވާއިދުން ސެކްޝަން ހެޑަށް ރިޕޯޓްކުރުމާއެކު، މައްސަލަތައް ޙައްލުކުރުން.
- PR ފޮލޯއަޕް ހެދުމާއި، މުދާ ސްޓޮކް މަދުވާ ޙާލަތެއްގައި އެކަން އަންގަންޖެހޭ ފަރާތްތަކަށް އެންގުމާއި، ލިބޭ މުދަލުގައި އެއްވެސް މައްސަލައެއް އުޅޭނަމަ އެކަން ރިޕޯޓްކުރުން.
- ރޭންޑަމްކޮށް ސްޓޮކް ގުނުމާއި، އަހަރަކު އެއްފަހަރު ހުރިހާ ސްޓޯރެއްގެ ސްޓޮކް ގުނުމާއި، ދިމާވާ މައްސަލަތައް ސެކްޝަން ހެޑަށް ރިޕޯޓްކުރުން.
މަޤާމް: އެސިސްޓެންޓް އެޑްމިނިސްޓްރޭޓިވް އޮފިސަރ
ބޭނުންވާ އަދަދު: 1 (އެކެއް)
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ )/ ޕްރޮޖެކްޓްސް އެންޑް ޕްލޭނިންގ ސެކްޝަން
މަޤާމުގެ ޝަރުޠު:
- އޯލެވެލް އިނގިރޭސި ހިމަނައިގެން 2 މާއްދާއިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
- އެސް. އެސް. ސީ. އިމްތިޙާނުގައި ދިވެހިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
- އުމުރު: 20 އަހަރާއި 35 އަހަރާ ދެމެދުގެ ފަރާތަކަށްވުން.
- ފަރިތަކަމާއެކު މައިކްރޯސޮފްޓް އޮފީސް ޕެކޭޖް ބޭނުންކުރަން އެނގުން.
ނޯޓް: އިދާރީ މަސައްކަތުގެ ދާއިރާއެއްގައި މަދުވެގެން ދެއަހަރު ދުވަހުގެ ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.
މުސާރައާއި ޢިނާޔަތްތައް: މަހަކު -/10,000 ރުފިޔާއާއި -/11,000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- ޑިޕާޓްމަންޓަށް ބޭނުންވާ ލިޔެކިޔުންތަކާއި ފޯމު ފަދަ ތަކެތި ތައްޔާރުކޮށް، ފޮނުވަންޖެހޭ ތަންތަނަށް ފޮނުވުން.
- ރަޖިސްޓަރ، ގެންގުޅޭ ފޮތްފަދަ ތަކެތި ތައްޔާރުކޮށް އަޕްޑޭޓްކުރުން.
- ޑިޕާޓްމަންޓް ހެޑް އަންގާގޮތަށް ވޯކްއޯޑަރތައް ތައްޔާރުކުރުމާއި، އަހަރީ ރިޕޯޓް ތައްޔާރުކުމާއި، ބޭއްވޭ ބައްދަލުވުންތަކުގެ ޔައުމިއްޔާ ނެގުން.
- އެޗް.އޯ.ޑީ އެދިއްޖެ ހިނދެއްގައި ބައްދަލުވުންތައް އިންތިޒާމްކުރުން.
މަޤާމް: އެސިސްޓެންޓް އެކައުންޓްސް އޮފިސަރ
ބޭނުންވާ އަދަދު: 1 (އެކެއް)
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ )/ ފައިނޭންސް ސެކްޝަން
މަޤާމުގެ ޝަރުޠު:
- އޯލެވެލް އިނގިރޭސިއާއި އެކައުންޓްސްއާއެކު 2 މާއްދާއިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
- އުމުރު: 22 އަހަރާއި 40 އަހަރާ ދެމެދުގެ ފަރާތަކަށްވުން.
- ފަރިތަކަމާއެކު މައިކްރޯސޮފްޓް އޮފީސް ޕެކޭޖް ބޭނުންކުރަން އެނގުން.
ނޯޓް: މި ދާއިރާގައި ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.
މުސާރައާއި ޢިނާޔަތްތައް: މަހަކު -/10,000 ރުފިޔާއާއި -/11,000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- TT ޓްރާންސްސެކްޝަން ސައްޙަތޯ ބެލުމަށްފަހު ރިކޯޑްކުރުން.
- ކާގޯ ސޭލްސް އޮރަކަލް ސޮފްޓްވެއަރއަށް އެންޓަރކުރުން.
- ކޭޝް އެކައުންޓްތައް ރީކޮންސައިލްކޮށް ބެލެހެއްޓުން.
- ބެންކް ޓްރާސްފަރ ޑިޕޮސިޓް ސްލިޕްތައް އޮރަކަލްއަށް އެންޓަރކުރުން.
- ޕޭމަންޓްތައް ޓްރާންސްފަރކުރުމާއި، ބޭންކް ޗާޖްތައް އެންޓަރކުރުން.
- ކްރެޑިޓް ކާޑް ސޭލްސް އެންޓަރކުރުމާއި ރީކޮންސައިލްކުރުން.
ހުށަހަޅަންޖެހޭ ލިޔުންތައް:
- ސީވީއާއި ތަޢުލީމީ ސެޓްފިކެޓްތަކުގެ ކޮޕީ.
- ސްކޫލް ލީވިންގ ސެޓްފިކެޓް ކޮޕީ.
- ދިވެހި ރައްޔިތެއްކަން އަންގައިދޭ ކާޑު ކޮޕީ.
- ކުރިން އަދާކޮށްފައިވާ ވަޒީފާތަކާއި ގުޅޭ ލިޔެކިޔުންތަކުގެ ކޮޕީ.
- 3 މަސްދުވަސް ހަމަނުވާ ޕޮލިސް ރިޕޯޓް
ނޯޓް: ކޮންމެ މަޤާމަކަށްވެސް އެދެންވާނީ ވަކި ސިޓީއަކުންނެވެ. އަދި ސިޓީއާއެކު ކަމާބެހޭ ލިޔުންތައް ހުށަހަޅަންވާނެއެވެ.
ކުރިމަތިލުމުގެ ސުންގަޑި: 2015 ޑިސެންބަރު 27 ވަނަ ދުވަހުގެ 16:00
ވަޒީފާއަށް އެދޭ ސިޓީ އެޑްރެސްކުރާނީ:
ޖެނަރަލް މެނޭޖަރ، ހިއުމަން ރިސޯސަސް
މޯލްޑިވްސް އެއަރޕޯޓްސް ކޮމްޕެނީ ލިމިޓެޑް
ކޯރޕަރޭޓް އޮފީސް، ހުޅުލެ، ދިވެހިރާއްޖެ
އިތުރު މަޢުލޫމާތު: ފޯނު 3325511
މި މަޤާމަށް އެދި ހުށަހަޅާ ފަރާތްތަކުގެ ތެރެއިން ޝަރުޠު ހަމަނުވާ ފަރާތްތަކާއި، ލިޔުންތަކުގެ ކޮޕީ ނެތް ފަރާތްތަކުގެ ސިޓީއާއި ފޯމް ބަލައެއް ނުގަނެވޭނެއެވެ.
6 ރަބީޢުލްއައްޥަލް 1437
