ކޮނޑޭ މަދަރުސާގެ ސެކިއުރިޓީ 2016 ވަނަ އަހަރު ބަލަހައްޓައިދޭނެ ފަރާތެއް ހޯދަން ބޭނުންވެއެވެ.

މަސައްކަތުގެ ތަފުސީލު

ކޮނޑޭ މަދަރުސާގެ ސެކިއުރިޓީ 1 އަހަރުގެދުވަހުގެ މުއްދަތަށް ބަލަހައްޓައިދިނުން. (1 ޖަނަވަރީ 2016 އިން ފެށިގެން 31 ޑިސެންބަރު 2016 އާ ހަމައަށް)

• ކޮނޑޭ މަދަރުސާގެ ސެކިއުރިޓީ 24 ގަޑިއިރު ބަލަހައްޓަންވާނެއެވެ.
• ޑިއުޓީގައި ހުންނަ މީހަކު ހެނދުނު 07:30 ގައި ދިދަ ނަގައި އަދި މެންދުރުފަހުގެ 04:00ގައި ދިދަ ބާލަންވާނެއެވެ.
• ޑިއުޓީގައި މަދުވެގެން 1 ވޮޗަރ ހުންނަންވާނެއެވެ.
• ޑިއުޓީގެ ދިގުމިނަކީ ލޭބަރ ލޯގައި ބަޔާންވެގެންވާގޮތުގެ މަތިން ގިނަވެގެން 8 ގަޑިއިރެވެ.
• ޑިއުޓީގައި ހުންނައިރު އިށީންނާނެ ގޮނޑިއާއި ޑިއުޓީ ސްޓޭޝަން ކަނޑައަޅާނީ ސްކޫލުންނެވެ.
• ކޮންމެ މަހެއް ފެށުމުގެ 3 ދުވަސް ކުރިން ޖެހިގެން އަންނަ މަހުގެ ޑިއުޓީ ރޯސްޓަރ ސްކޫލް އޮފީހަށް ހުށަހަޅަންވާނެއެވެ. އަދި ޑިއުޓީގައި ހުންނަ މުވައްޒަފަކު ބަދަލުވިޔަސް އެކަން އެވަގުތަކު ހުންނެވި ސިވިލް ސަރވިސްގެ އެންމެ އިސްވެރިޔަކަށް އަންގަންވާނެއެވެ.
• ޑިއުޓީ ބަލަހައްޓާ ކޮންމެ މީހަކުމެ ހުންނަންވާނީ އެކަމަށް ޚާއްޞަ ކުރެވިފައިވާ ޔުނިފޯމެއްގައެވެ.
• ޑިއުޓީ ބަލަހައްޓާ މީހުންނަކީ ކާކުކަން އެނގޭނެ ލިޔުމެއް، ކަރުގައި ނުވަތަ ޔުނިފޯމުގެ ޖީބުގައި ހަރުކޮށްފައި ހުންނަންވާނެއެވެ.
• ޚިދުމަތް ދޭ ފަރާތުން ސްކޫލުގެ އިމާރާތްތަކާއި، އިމާރާތްތަކުގައިވާ މުދަލާއި، ގޯތިތެރެއާއި، ގޯތި ވަށައިގެންވާ މަގުތައް ބަލަހައްޓަންވާނެއެވެ.
• ޑިއުޓީގައި ތިބޭ މީހުންގެ ފަރުވާކުޑަކަމުން ހަލާކުވާ ނުވަތަ ގެއްލޭ އެއްޗެއްގެ ޒިންމާ ނަގަންޖެހޭނީ ޚިދުމަތްދޭ ފަރާތުންނެވެ.
• ޑިއުޓީގައި ހުންނަ ވޮޗަރަކު ސްކޫލުގެ ބަގީޗާތަކަށް ހެނދުނާއި ހަވީރު ފެންދޭންވާނެއެވެ.
• މިމަސައްކަތުގައި ގެންގުޅެންވާނީ އުމުރުން 18 އަހަރާއި 65 އަހަރާ ދެމެދުގެ ޞިއްޙަތުގެ ގޮތުން އެކަށީގެންވާ ދިވެހިންނެވެ.

• އަންދާސީހިސާބު ހުށަހަޅަންވާނީ ބަންދުކުރެވިފައިވާ ސިޓީއުރައެއްގައެވެ.
• އަންދާސީހިސާބު ބެލެހެއްޓުމަށް ހުށަހަޅާ ސިޓީއުރައިގެ ބޭރުގައި "ގއ.ކޮނޑޭ މަދަރުސާގެ ސެކިއުރިޓީ ބަލަހައްޓައިދިނުމަށް އެދި" މިހެން ލިޔެފައި އޮންނަންވާނެއެވެ.

ޕޮއިންޓް ދޭނެގޮތް

• މަސައްކަތުގެ އަގަށް 80 ޕޮއިންޓް
• ތަޖުރިބާއަށް 6 ޕޮއިންޓް (ކޮންމެ އަހަރަކަށް 2 ޕޮއިންޓް، ޕޮއިންޓް ދެވޭނީ ވޭތުވެދިޔަ 3 އަހަރަށް)
• ތަމްރީނު ލިބިފައިވާ ސެކިއުރިޓީ އޮފިސަރުން ބޭނުންކުރުމަށް (ކޮންމެ މީހަކަށް 2 ޕޮއިންޓް، ގިނަވެގެން 7 މީހުން)

ވީމާ، މިކަމަށް ޝައުޤުވެރިވާ ފަރާތްތަކުން، މަޢުލޫމާތު ސާފުކުރެއްވުމަށް 10 ޑިސެންބަރު 2015 ވާ ބުރާސްފަތި ދުވަހުގެ 09:00 އަށް ވަޑައިގަތުމަށްފަހު އަންދާސީހިސާބު 20 ޑިސެންބަރު 2015 ވާ އާދީއްތަ ދުވަހުގެ 09:00 އަށް ހުށަހެޅުއްވުން އެދެމެވެ. މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކަށް އަންދާސީހިސާބު ހުށަހެޅުމުގެ ފުރުޞަތު ނުލިބޭނެ ވާހަކަވެސް މިފުރުޞަތުގައި ދަންނަވަމެވެ.