ދިވެހިރާއްޖެ
އެއަރޕޯޓްތައް ތަރައްޤީކޮށް ހިންގުމުގައި ރާއްޖޭގައި އެންމެ ޤާބިލު އަދި ތަޖުރިބާހުރި މިކުންފުނީގެ ވަޒީފާ އަދާކުރާހިތްވާ، ކަމަށް ޤާބިލު އުފެެއްދުންތެރި ހީވާގި އަދި ނަތީޖާ ހާސިލުކުރެވޭނެ ފަރާތްތަކަށް ތިރީގައި ބަޔާންކުރާ މަޤާމުތަކަށް ކުރިމަތިލުމުގެ ފުރުޞަތު ހުޅުވާލަމެވެ.
މަޤާމު: ކޮމަރޝަލް އޮފިސަރ ގްރޭޑް 1
ބޭނުންވާ އަދަދު: 01
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ )/ ކޮމަރޝަލް އެންޑް މާކެޓިންގ
ޝަރުޠު:
- ބިޒިނަސް، ކޮމާރސް، މެނޭޖްމަންޓް ނުވަތަ އެޑްމިނިސްޓްރޭޝަންގެ ދާއިރާއިން ބެޗެލަރސް ޑިގްރީ ނުވަތަ އެއާ އެއްފެންވަރެއްގެ ސެޓުފިކެޓެއް ހާސިލުކޮށްފައިވުމާއެކު 1 އަހަރު ދުވަހުގެ ތަޖުރިބާ ލިބިފައިވުން. ނުވަތަ ބިޒިނަސް މެނޭޖްމަންޓް، ކޮމާރސް މެނޭޖްމަންޓް، މާކެޓިންގ، ނުވަތަ ހޮސްޕިޓާލިޓީގެ ދާއިރާއިން ޑިޕްލޮމާ ހާސިލުކޮށްފައިވުމާއެކު 1.5 އަހަރުގެ ތަޖުރިބާ ލިބިފައިވުން. ނުވަތަ އޭލެވެލް ނިންމުމަށްފަހު 3 އަހަރު ދުވަހުގެ ތަޖުރިބާ ހާސިލުކޮށްފައިވުން.
- ފަރިތަކަމާއެކު މައިކްރޯސޮފްޓް އޮފީސް ޕެކޭޖް ބޭނުންކުރަން އެނގުން.
މުސާރައާއި އިނާޔަތްތައް: މަހަކު -/11،000 އާއި -/12،000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- ބޭނުންވާ ޑޭޓާ ނުވަތަ މަޢުލޫމާތު ހޯދުމާއި، އެއަރލައިން މާރކެޓްކުރުމާއި ރޫޓް ތަރައްޤީކުރުމަށް ބޭނުންވާ ލަނޑުދަނޑިތައް ހާސިލުކުރުމަށްޓަކައި ސުޕަވައިޒަރގެ އިރުޝާދުގެ ދަށުން މަސައްކަތްކުރުން.
- ޕްރޮޑަކްޓްތަކާއި ދެވޭ ޚިދުމަތްތަކުގެ މާކެޓް ރިކުއަރމަންޓް ހޯދުމަށްޓަކައި މާކެޓް ރިސާރޗް ހެދުން.
- ޕްރޮޑަކްޓްތަކާއި ދެވޭ ޚިދުމަތްތަކަށް ބޭނުންވާ މާކެޓް ޕްލޭން ޤާއިމުކޮށް، ޕްރޮޖެކްޓްތައް ހިންގުން.
- ވާދަކުރާ ފަރާތްތަކާއި، ކަސްޓަމަރ ރީސަރޗް އަދި މާކެޓްގެ ޙާލަތް ދެނެގަތުމަށްޓަކައި އެނެލެސިސް ހެދުން.
- ކޮމަރޝަލް އަދި މާކެޓިންގެ ދަށުން ހިންގޭ ހަރަކާތްތަކާއި އޭގެ ނަތީޖާއާ ބެހޭ ރިޕޯޓުތައް ތައްޔާރުކުރުން.
- އިޝްތިހާރު ތައްޔާރުކުރުމާއި، މީޑިއާ އަދި ލިޓަރޭޓް ޑިވެލޮޕްމަންޓް ރިލީސްތައް ތައްޔާރުކުރުން.
މަޤާމު: އެސިސްޓެންޓް ގެސްޓް ސަރވިސަސް އޮފިސަރ
ބޭނުންވާ އަދަދު: 01
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ ) / ވީ.އައި.ޕީ ލައުންޖް
ޝަރުޠު:
- އޯލެވެލް އިނގިރޭސި ހިމަނައިގެން 2 މާއްދާ އިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
- އެސް.އެސް.ސީ އިމްތިޙާންގައި ދިވެހިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
- އުމުރު: 18 އަހަރާއި 30 އަހަރާ ދެމެދުގެ ފަރާތަކަށްވުން.
- ޝިފްޓް ޑިއުޓީގައި މަސައްކަތްކުރެވޭނެ ފަރާތެއްކަމުގައިވުން.
- ހޮޓެލް ނުވަތަ ރިސޯޓްގެ ފްރޮންޓްލައިންގައި ނުވަތަ އެފް.އެންޑް.ބީ ދާއިރާގައި 1 އަހަރު ދުވަހުގެ ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.
މުސާރައާއި އިނާޔަތްތައް: މަހަކު -/10،000 އާއި -/11،000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- ލައުންޖަށް އަންނަ ޕަސެންޖަރުންނަށް މަރުޙަބާ ކިޔައި، ލަގޭޖް އެއްތަނުން އަނެއްތަނަށް ގެންދިއުމަށް އެހީތެރިވުން.
- ބިޒިނަސް ކްލާހުގެ ޕަސެންޖަރުންނަށް ލައުންޖުގެ ފަރާތުން ބޭނުންވާ އެންމެހާ ޚިދުމަތްތައް ފޯރުކޮށްދީ، ކާތަކެތި ސަރވްކޮށް، މޭޒުމަތި ހުސްކޮށް، ގެންގުޅޭ އޫ އަދި ސަމުސާ ފަދަ ތަކެތި ދޮވެ ސާފުކުރުން.
- ބުފޭ ކައުންޓަރ ތައްޔާރުކުރުމުގައި އެހީތެރިވެ، މަދުވާ ތަކެތި ކައުންޓަރަށް ނެރެ އެތުރުން.
- ބަދިގޭގައި ހިފައި ގެންގުޅޭ އެންމެހައި ތަކެތި ސާފުކުރުން.
- މުހިންމު ރިކޯޑުތައް ބެލެހެއްޓުމާއި، އެއަރލައިންތަކަށް ބޭނުންވާ މަޢުލޫމާތު ފޯރުކޮށްދިނުން.
- މުޅި ލައުންޖުގެ އެކި ސަރަޙައްދުތައް ޗެކްކޮށް، ސާފުތާހިރުކަން ބެލެހެއްޓުން.
މަޤާމު: ހައުސްކީޕަރ
ބޭނުންވާ އަދަދު: 01
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް (ހުޅުލެ) / ވީ.އައި.ޕީ ލައުންޖް
ޝަރުޠު
- ލިޔަންކިޔަން އެނގުން ނުވަތަ ގްރޭޑް 7ގެ ފެންވަރު ހުރުން.
- އުމުރުން 25 އަހަރާއި 40 އަހަރާ ދެމެދުގެ ފަރާތެއް ކަމުގައިވުން.
- ހޮޓެލް ނުވަތަ ރިސޯޓް ދާއިރާއިން ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.
މުސާރައާއި އިނާޔަތްތައް: މަހަކު -/9،000 އާއި -/10،000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- މުޅި ލައުންޖް ސާފުތާހިރުކޮށް ބެލެހެއްޓުން، ލައުންޖުގެ ފާޚާނާތަކާއި ޝަވަރރޫމްތައް ސާފުކޮށް ބެލެހެއްޓުން.
- ލައުންޖްގެ އެންމެހާ ކާޕެޓްތައް ވެކިއުމްކުރުމާއި، ލަައުންޖްގެ މޮޕްލައި އެންމެހާ އޭރިޔާތަކުގައި މޮޕްލައި ސާފުކުރުން.
- މުދާ އެރުވުމާއި ބޭލުމުގަޔާއި، އަދި އެހެނިހެން މަސައްކަތްތަކުގައި ސްޓޯކީޕަރަށް އެހީތެރިކަން ފޯރުކޮށްދިނުން.
- ލައުންޖުގައި ބޭނުންކުރެވޭ ތަށި، އޫ ސަމުސާ ދަފަ އެންމެހައި ތަކެތި ދޮވެ ސާފުކުރުން.
- ކުނި އުކާލުމާއި، ގޮނޑިތަކާއި، ފަރުދާތައް (ބްލައިންޑްތައް) އަދި ފާޚާނާގެ އެގްސޯސްޓް ފޮޅައި ސާފުކުރުމާއި މޭޒުތައް ފޮހެ ސާފުކުރުން.
ނޯޓް: ހަވީރުގައި ޝާޢިއު ކުރެވިފައިވާ އިޢުލާން ނަންބަރު A30/IL/2015/54-ފ116 ގައިވާ މިމާޤާމުގެ (ހައުސްކީޕަރ) މުސާރަ އެއީ މަހަކު -/10،000 އާއި -/11،000 ރުފިޔާއާ ދެމެދު ކަމަށް ލިޔެވިފައި އެވަނީ އޮޅުމަކުންނެވެ. ރަނގަޅު މުސާރައަކީ މަހަކު -/9،000 އާއި -/10،000 ރުފިޔާއާ ދެމެދެވެ.
މަޤާމު: ކިޗަން ހެލްޕަރ
ބޭނުންވާ އަދަދު: 02
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ ) / ވީ.އައި.ޕީ ލައުންޖް
ޝަރުޠު:
- ލިޔަންކިޔަން އެނގުން ނުވަތަ ގްރޭޑް 7ގެ ފެންވަރު ހުރުން.
- އުމުރުން 25 އަހަރާއި 40 އަހަރާ ދެމެދުގެ ފަރާތެއް ކަމުގައިވުން.
- ކިޗަން އޮޕަރޭޝަންސް/ ރެސްޓޯރަންޓް ފަދަ ދާއިރާއަކުން 1 އަހަރުގެ ތަޖުރިބާ ލިބިފައިވުން.
މުސާރައާއި އިނާޔަތްތައް: މަހަކު -/9،000 އާއި -/10،000 ރުފިޔާއާ ދެމެދު.
ވަޒީފާގައި ކުރަންޖެހޭ މައިގަނޑު މަސައްކަތް:
- ބަދިގޭގައި ބޭނުންކުރެވޭ އެންމެހައި ތެލި ތަށި ފަދަ ތަކެތި ދޮވެ ސާފުކުރުމާއި ބަދިގެ/ ކައްކާތަނުގެ ސާފުތާހިރުކަން ބެލެހެއްޓުން.
- ކާއެއްޗެހި ތައްޔާރުކުރުމަށް އެހީތެރިވެ، އެތަކެތި ޑެލިވަރ ކުރަންޖެހޭ ތަންތަނަށް ގެންދިއުން.
- ބުފޭ ކައުންޓަރ ތައްޔާރުކުރުމުގައި އެހީތެރިވެ، މަދުވާ ތަކެތި ކައުންޓަރަށް ނެރެ އެތުރުން.
- ބަދިގެ/ ކައްކާތަނުގައި ބެހެއްޓިފައިވާ އެންމެހައި ޝެލްފްތަކާއި ރެކުތައް އޯގަނައިޒްކޮށް ބެލެހެއްޓުމާއި، ސްޓޮކް ގުނުމުގައި އެހީތެރިވުން.
- ހުރިހާ ދޮރުތަކާއި، އެގްސޯސްޓްތައް ހަފުތާއަކު 3 ފަހަރު ސާފުކޮށް ބެލެހެއްޓުން.
ހުށަހަޅަންޖެހޭ ލިޔުންތައް:
- ސީވީ އާއި ތަޢުލީމީ ސެޓުފިކެޓުތަކުގެ ކޮޕީ
- ސްކޫލް ލީވިންގ ސެޓުފިކެޓު ކޮޕީ
- ދިވެހި ރައްޔިތެއްކަން އަންގައިދޭ ކާޑު ކޮޕީ
- ކުރިން އަދާކޮށްފައިވާ ވަޒީފާތަކާ ގުޅޭ ލިޔެކިޔުންތަކުގެ ކޮޕީ
- 3 މަސްދުވަސް ހަމަނުވާ ޕޮލިސް ރިޕޯޓު
ނޯޓް: ކޮންމެ މަޤާމަކަށްވެސް އެދެންވާނީ ވަކިސިޓީއަކުންނެވެ. އަދި ސިޓީއާއެކު ކަމާބެހޭ ލިޔުންތައް ހުށަހަޅަންވާނެއެވެ.
ކުރިމަތިލުމުގެ ސުންގަޑި: 07 ސެޕްޓެންބަރު 2015 ވަނަ ދުވަހުގެ 16:00
ވަޒީފާއަށް އެދޭ ސިޓީ އެޑްރެސް ކުރައްވާނީ :
ޖެނަރަލް މެނޭޖަރ، ހިއުމަން ރިސޯސަސް
މޯލްޑިވްސް އެއަރޕޯޓްސް ކޮމްޕެނީ ލިމިޓެޑް
ކޯރޕަރޭޓް އޮފީސް، ހުޅުލެ، ދިވެހިރާއްޖެ
އިތުރު މަޢުލޫމާތު: ފޯނު – 3325511
މި މަޤާމަށް އެދި ހުށަހަޅާ ފަރާތްތަކުގެ ތެރެއިން ޝަރުޠު ހަމަނުވާ ފަރާތްތަކާއި، ލިޔުންތަކުގެ ކޮޕީ ނެތް ފަރާތްތަކުގެ ސިޓީ އަދި ފޯމު ބަލައި ނުގަނެވޭނެ ވާހަކަ ދަންނަވަމެވެ.
12 ޛުލްޤަޢިދާ 1436
