ދިވެހިރާއްޖެ
އިޢުލާން
ވަޒީފާގެ ފުރުޞަތު:
މި އިދާރާގެ، ތިރީގައިމިވާ މަޤާމަށް މީހުން ބޭނުންވެއްޖެއެވެ.
މަޤާމް: މިސްކިތު މަސައްކަތު
މަޤާމުގެ ގިންތި: ދާއިމީ
މަޤާމުގެ ކްލެސެފިކޭޝަން: ސަޕޯޓް ސްޓާފް ގްރޭޑް 1
މަޤާމުގެ ރޭންކް: އެސް، އެސް. 1
ބޭނުންވާ އަދަދު: 4 (ހަތަރެއް)
މުސާރަ: މަހަކު 3100.00 ރުފިޔާ
ސަރވިސް އެލަވަންސް: މަހަކު 1000.00 ރުފިޔާ
ޔުނިޓު: އިކޮނޮމިކް، ސޯސަލް އެންޑް މުނިސިޕަލް ސަރވިސަސް
ވަޒީފާ އަދާކުރަންޖެހޭ ތަން: ހދ. މަކުނުދޫ މިސްކިތްތައް
ފެންވަރު ނުވަތަ ޝަރުޠު / ތަޢުލީމާއި ތަޖުރިބާ:
1 - ލިޔަންކިޔަން ދަތުމާއެކު، މަޤާމުގެ މަސައްކަތްކުރުމުގެ ހުނަރާއި ޤާބިލް ކަން ލިބިފައިވުން.
2- ގިނަވަގުތު މަސައްކަތުގައި އުޅެވޭނެ ޞިއްޙަތު ރަނގަޅު މީހެއްކަމުގައިވުން.
މަޤާމުގެ މަސްޢޫލިއްޔަތުތަކާއި ވާޖިބުތައް:
- ކައުންސިލުން ކަނޑައަޅާ މިސްކިތެއްގައި، ކައުންސިލުން ކަނޑައަޅާ އުޞޫލެއްގެމަތިން، މިސްކިތުގެ އިމާމުގެ އިރުޝާދާ އެއްގޮތަށް، ފަރުވާތެރިކަމާއި އިޙްލާސްތެރިކަމާއެކު މަސައްކަތް ކުރުން.
- ކޮންމެ ނަމާދު ވަގުތެއް ޖެހުމުގެ ކުރިން މިސްކިތަށް ހާޒިރުވެ، މިސްކިތުގެ ވަޅުދޮށާއި، ވުޟޫކުރާ އިސްކުރުބަރިތަކާއި، ފާޚާނާއާއި، މިސްކިތްތެރެ ފޮޅައި ސާފުކުރުން.
- މިސްކިތުގެ އެންމެހައި ދޮރުތައް ސާފުކޮށް ބެލެހެއްޓުމާއި، ބިއްލޫރިތައް ސާފުކުރުމާއި، ފަންކާތަކާއި، ބޮކިތައް ފޮހެ ސާފުކުރުން.
- މިސްކިތް ތެރޭގައި ހުންނަ ސޯކޭސްތަކާއި، ކަބަޑުތައް ސާފުކޮށް، މުޞްޙަފްތަކާއި އެހެނިހެން އެފަދަ ފޮތްތައް ފޮޅައި ސާފުކޮށް، ތަރުތީބުކޮށް ބެހެއްޓުން.
- މިސްކިތުގެ އެތެރެއާއި ބޭރުގައި ޖަހާފައިވާ އެންމެހައި ތަށިމުށިތައް ފޮޅައި ސާފުކޮށް މޮޕްކުރުން.
- މިސްކިތުގެ ދިޔަދޮވިތައް ސާފުކޮށް، މިސްކިތުގެ ފެންވަޅު ދިޔަހިއްކައި، ގޯތިތެރޭގައި ފަޅާ ވިނަތައް ނޮޅައިި ސާފުކޮށް ކުނިކަހައި ބެލެހެއްޓުން.
- މިސްކިތުގެ ވަށައިގެންވާ މަގުތަކާއި، ގޯޅިތަކުގައި ފަޅާ ވިނަ ނޮޅައި ސާފުކޮށް، ކުނިކަހައި ބެލެހެއްޓުން.
- މިސްކިތުގެ ގޯތިތެރޭގައި، ކައުންސިލުން އަންގާގޮތެއްގެމަތިން ބަގީޗާ އިންދައި، ބަގީޗާ ހައްދައި، ފެންދީ ބެލެހެއްޓުން.
- މިސްކިތުގެ މާޙައުލަކީ މީހުންނަށް ހިތްފަސޭހަ ތަނަކަށް ހެދުމަށްޓަކައި އިސްނަގައިގެން މަސައްކަތް ކުރުން.
- މިސްކިތަށް ލިބޭ ގެއްލުންތަށް ބަލައި އިމާމަށް ރިޕޯޓް ކުރުމާއި، އަނދާ ހޮޅިބުރި، ބޮކި ފަދަ ތަކެތި ބަދަލުކޮށް ހެދުން.
- ކައުންސިލާއި، ސަރުކާރުން، ރައްޔިތުންގެ ލާބައާއި މަންފާއަށް ކުރާ އެންމެހައި މަސައްކަތްތަކުގައި ޢަމަލީގޮތުން ބައިވެރިވެ، އެ މަސައްކަތްތަކަށް އެއްބާލުން ދިނުން.
ވަޒީފާއަށް އެންމެ ޤާބިލް ފަރާތެއް ކަނޑައެޅުމުގައި ބަލާނެ ކަންތައްތައް:
1- ގިނަވަގުތު މަސައްކަތުގައި އުޅެވޭ، ހީވާގި، ޞިއްޙަތު ރަނގަޅު މީހުން.
2- މަސައްކަތުގެ ތަޖުރިބާ ލިބިފައިވާ އަޚްލާޤު ރަނގަޅު މީހުން.
3- ތަޢުލީމީ ސެޓްފިކެޓްތަކަށް.
އުޖޫރައާއި ޢިނާޔަތްތައް:
1- ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުޞޫލުން ބޭސްފަރުވާގެ ކަންތައްތައް ހަމަޖައްސައިދެވޭނެއެވެ.
2- ހަމަޖެހިފައިވާ އުޞޫލުން އިތުރުގަޑީގައި މަސައްކަތްކުރަން ޖެހޭނަމަ، އިތުރުގަޑީގެ ފައިސާއާއި، ބަންދު ދުވަސްތަކުގައި މަސައްކަތް ކުރާނަމަ، ބަންދު ދުވަސްތަކުގެ އެލަވަންސްތައް ހަމަޖައްސައިދެވޭނެއެވެ.
އެޕްލިކޭޝަން ފޮނުވަންވީ ތާރީޚު:
2015 ޖޫން 8 ވާ ހޯމަ ދުވަހުގެ 14:00 ގެ ކުރިން، ތިލަދުންމަތީ ދެކުނުބުރީ މަކުނުދޫ ކައުންސިލް އިދާރާއަށް.
އިންޓަވިއު:
މި މަޤާމަށް ކުރިމަތިލާ ފަރާތްތަކަށް އިންޓަވިޔު އޮންނާނީ، 2015 ޖޫން 14 ވާ އާދީއްތަ ދުވަހު މަކުނުދޫ ކައުންސިލް އިދާރާގައެވެ. އިންޓަވިއު ކުރިއަށްދާނެ ގަޑިތައް، މި މަޤާމަށް ކުރިމަތިލާ ފަރާތްތަކަށް، އިންޓަވިއު އޮންނަ ދުވަހުގެ 1 ދުވަހުގެ ކުރިން އަންގާނެއެވެ.
ހުށަހަޅަންޖެހޭ ލިޔެކިޔުންތައް:
* ފުރިހަމަކޮށްފައިވާ ސިވިލް ސަރވިސްގެ ވަޒީފާއަށް އެދޭ ފޯމް (މި ފޯމް، މި ކައުންސިލް އިދާރާގެ ކައުންޓަރުން ލިބެން ހުންނާނެއެވެ. އަދި ސިވިލް ސަރވިސް ކޮމިޝަނުގެ ވެބްސައިޓުން ޑައުންލޯޑް ކުރެވެން ހުންނާނެއެވެ.
* ތަޢުލީމީ ސެޓްފިކެޓްތަކުގެ ކޮޕީ.
* ވަޒީފާއަށް ކުރިމަތިލާ ފަރާތުގެ ވަނަވަރު (ގުޅޭނެ ފޯނު ނަންބަރާއެކު)
* ލިބިފައިވާ ތަމްރީނާއި ތަޖުރިބާ ދަލީލް ކޮށްދޭ ލިޔުންތަކުގެ ކޮޕީ.
* ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ލިޔުންތައް ފެންނަ، ސާފު ކޮޕީއެއް.
* ސިވިލްސަރވިސްގެ ވަޒީފާއެއް އަދާކުރަމުންދާ މީހެއްނަމަ، މި މަޤާމަށް ބަދަލްވުމާމެދު އެތަނެއްގެ އިޢުތިރާޒެއް ނެތްކަމުގެ ސިޓީ / ލިޔުން.
އިތުރު މަޢުލޫމާތު:
މި އިޢުލާނާ ގުޅިގެން އިތުރު މަޢުލޫމާތު ސާފުކުރުމަށް ރަސްމީ ގަޑީގައި ނަމަ ގުޅާނީ 6520038 ނަންބަރު ފޯނާއެވެ.
މިހެންވެ، މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.
10 ޞަޢުބާން 1436
