|
1- ކޯޓަށް ހުށަހެޅޭ މައްސަލަތައް ސެކްޝަންތަކާއި ޙަވާލުކުރުމުގެ މަސައްކަތް ކުރިއަށް ގެންދިއުމުގެ އިންތިޒާމު ހަމަޖައްސާ، އެމަސައްކަތް ކުރިއަށް ގެންދާގޮތް ބެލެހެއްޓުން.
2- ކޯޓަށް ހުށަހެޅޭ ޝަކުވާތަކާއި ގުޅިގެން ޖަވާބު ދޭންޖެހޭ އެންމެހާ ފަރާތްތަކަށް، އިސްޤާޟީ އަދި ޗީފް އެޑްމިނިސްޓްރޭޓަރގެ މަޝްވަރާގެ މަތިން ޖަވާބުދިނުމުގެ ކަންތައްތައް ކުރިއަށް ގެންދިއުން.
3- އެކިއެކި އިދާރާތަކުން މައްސަލަތަކާއި ގުޅުންހުރި ކަންކަމުގައި ސާފުކުރަން ބޭނުންވާ މަޢުލޫމާތު، އިސްޤާޟީގެ މަޝްވަރާގެ މަތިން ކުރިއަށް ގެންދިއުން.
4- އިސްޤާޟީ އާއި ޗީފް އެޑްމިނިސްޓްރޭޓަރ އެކި ފަރާތްތަކަށް ފޮނުވާ އެންމެހާ ލިޔެކިއުންތައް ރައްކާތެރި ކަމާއެކު ފޮނުވާ ފައިލްކޮށް ބެލެހެއްޓުމުގެ އިންތިޒާމު ހަމަޖެއްސުން.
5- އިސްޤާޟީ އާއި ޗީފް އެޑްމިނިސްޓްރޭޓަރ އެކިއެކި ފަރާތްތަކާއިއެކު ބާއްވާ ބައްދަލުވުންތައް އިންތިޒާމްކުރުމާއި، ބައްދަލުވުންތަކާ ގުޅިގެން އެފަރާތްތަކަށް ފޮނުވަންޖެހޭ އެންމެހާ ލިޔުންތައް ފޮނުވުމާއި، ބައްދަލުވުންތަކުގެ ޔައުމިއްޔާ ލިޔެ، ފޮނުވަންޖެހޭ ފަރާތްތަކަށް ފޮނުވުމާއި، ބައްދަލުވުންތަކުގެ ޙާޟިރީއާއި ރެކޯޑު ބަލެހެއްޓުމާއި، އެލިޔެކިއުންތައް ފައިލްކޮށް ބެލެހެއްޓުމުގެ އެންމެހާ މަސައްކަތް ކަމާއިގުޅޭ މުވައްޒަފުން ލައްވާ ކުރުވާ، އެމަސައްކަތް ކުރިއަށްދާގޮތް ސުޕަވައިޒްކުރުން.
6- އެކިއެކި ފަރާތްކުން ބާއްވާ ބައްދަލުވުން، ސެމިނަރ، ވޯކްޝޮޕް އަދި ޓްރޭނިންގ ޕްރޮގްރާމްތަކުގައި އިސްޤާޟީއާއި ޤާޟީން ބައިވެރިވެ ވަޑައިގަތުމަށް ލިބޭ ދަޢުވަތު، އިސްޤާޟީއާއި ޤާޟީންނަށް އަރުވައި، ދަޢުވަތު ޤަބޫލުފުޅު ކުރައްވާ ޤާޟީންނަށް ބޭނުންފުޅުވާ މަޢުލޫމާތުދީ، ކަމާބެހޭ ފަރާތްކާއި ގުޅިގެން ދަތުރާއި އެހެނިހެން އިންތިޒާމް ހަމަޖެއްސުމާއި، އެކަމުގެ ރެކޯޑު ބެލެހެއްޓުމުގެ އެންމެހާ ކަންކަން ކުރިއަށްދާގޮތް ބެލެހެއްޓުން.
7- އިސްޤާޟީގެ މަޝްވަރާގެ މަތިން ޤާޟީންގެ މަޖިލީހުގެ އެޖެންޑާ ތައްޔާރުކޮށް، ބައްދަލުވުންތައް އިންތިޒާމްކުރުން.
8- ޤާޟީންގެ މަޖިލީހުގެ ނިންމުންތައް ލިޔެ، ޖެހިގެން އަންނަ ދުވަހު ޕްރިލިމިނަރީ ސްކްރީނިން ސެކްޝަނާ ގުޅުންހުރި ލިޔުންތައް ރަޖިސްޓްރަރއަށް ނުވަތަ ރަޖިސްޓްރަރގެ މަސްއޫލިއްޔަތާ ޙަވާލުވެ ހުންނަ ފަރާތަކަށް ޙަވާލުކުރުމާއި، އިދާރާއާއި ގުޅުންހުރި ލިޔުންތައް ޗީފް އެޑްމިނިސްޓްރޭޓަރ ނުވަތަ ޗީފް އެޑްމިނިސްޓްރޭޓަރގެ މަސްއޫލިއްޔަތާ ޙަވާލުވެ ހުންނަ ފަރާތަކާއި ޙަވާލުކުރުން.
9- ޤާޟީންގެ މަޖިލީހުގެ ޔައުމިއްޔާ، މަޖިލިސް ބޭއްވޭ ދުވަހުން ފެށިގެން ލަސްވެގެން 03 ދުވަހުގެ ތެރޭގައި ނިންމާ ސޮއިކުރުވުމަށްފަހު، ސްކޭންކޮށް ފައިލްކުރުމުގެ އެންމެހާ އިންތިޒާމުތައް ހަމަޖެއްސުން.
10- ސެކްޝަންތަކުން އިސްޤާޟީ އާއި ޗީފް އެޑްމިނިސްޓްރޭޓަރ އަރިހަށް ސޮއިކުރަން ގެންނަ ލިޔުންތައް އިސްޤާޟީ އާއި ޗީފް އެޑްމިނިސްޓްރޭޓަރއަރިހަށް ގެންދިއުމާއި، ސޮއިކޮށް ނިމުމުން ކަމާބެހޭ ސެކްޝަނަށް ހަވާލުކުރުމުގެ މަސައްކަތް ކުރިއަށްދާގޮތް ބެލެހެއްޓުން.
11- ކޯޓުގެ ތަފާސް ހިސާބާއި ގުޅޭ އެންމެހާ މަސައްކަތް ކުރިއަށްގެންދާ ގޮތް ބެލެހެއްޓުން.
12- ކޯޓުގެ ތަފާސް ހިސާބުގައި މައްސަލަ އެއް އުޅޭތޯ ސެކްޝަންތަކާއި ގުޅިގެން އަހަރަކު ދެފަހަރު ޗެކުކުރުމުގެ އެންމެހާ މަސައްކަތް ކުރިއަށް ގެންދިއުން.
13- ސަރުކާރުގެ އޮފީސްތަކާއި އަމިއްލަފަރާތްތަކުން ހޯދުމަށް ބޭނުންވާ ތަފާސް ހިސާބާއި ބެހޭ މަޢުލޫމާތު ފޯރުކޮށް ދިނުމުގެ އެންމެހާ މަސައްކަތް ކަމާގުޅޭ މުވައްޒަފުންނާއި ގުޅިގެން ކުރުވުން.
14- ކޮންމެ މިލާދީ މަހެއްގެ 10 ވަނަ ދުވަހުގެ ކުރިން ޑިޕާރޓްމަންޓް އޮފް ޖުޑީޝަލް އެޑްމިނިސްޓްރޭޝަން އަށް ފޮނުވުމަށް ތަފާސް ހިސާބު ތައްޔާރުކޮށް ފޮނުވުމުގެ އެންމެހާ މަސައްކަތްކުރުވުން.
15- އަހަރު ރިޕޯޓަށް ބޭނުންވާ ތަފާސް ހިސާބު ތައްޔާރުކޮށް ލަސްވެގެން ޖެނުއަރީ މަހުގެ 3 ވަނަދުވަހުގެ ކުރިން އިދާރީ ސެކެޝަނާއި ހަވާލުކުރުމުގެ މަސައްކަތް ކުރިއަށް ގެންދާގޮތް ބެލެހެއްޓުން.
16- ޗީފް ބިއުރޯގެ އެންމެހައި އިދާރީ ކަންކަން ބަލަހައްޓައި ސުޕަވައިޒްކުރުން.
|
