"ކެނދިކުޅުދޫ ސްޕޯޓްސް ކްލަބް" ގެ ލޯގޯ ޑިޒައިންކޮށް ހުށަހެޅުމަށް ޝަޢުގުވެރިވާ ފަރާތްތަކަށް އެފުރުޞަތު ހުޅުވާލަމެވެ. މިއިޢުލާނާ ގުޅިގެން ހުށަހެޅޭ ލޯގޯތަކުގެ ތެރެއިން އެއްވަނައަށް ދާ ފަރާތަކަށް 2000 ރުފިޔާގެ ފައިސާގެ އިނާމެއް ދެވޭނެއެވެ.

ލޯގޯ ހުށައެޅުން:

• ފަރުމާކޮށްފައިވާ ލޯގޯ 25 ޖޫން 2024 ވާ އަންގާރަ ދުވަހުގެ 13:00 ކުރިން ހުށައަޅަންވާނެއެވެ.
• ލޯގޯ ހުށައަޅަންވާނީ މެއިލް މެދުވެރިކޮށް [email protected] އަށެވެ.
• ލޯގޯގައި މައިގަނޑު ކުލައެއްގެ ގޮތުގައި ބޭނުން ކުރަންވާނީ ޝޭޑްސް އޮފް ބްލޫ (ނޫކުލަ) އެވެ.
• ކެނދިކުޅުދޫ (ދި މެންގްރޫވް އައިލޭންޑް) ރަމްޒުކޮށްދިނުން.
• ކެނދިކުޅުދޫގައި ކުޅިވަރަށް އޮންނަ ލޯބި ރަމްޒުކޮށްދިނުން.
• ސުޕޯޓްސް ކުލަބެއްގެ ފާޑުވެރިކަން އެކުލެވުން.
• ރަސްމީކޮށް އަދި ނުރަސްމީކޮށް އެހެން ފަރާތެއްގެ މަސައްކަތެއް ކޮޕީކޮށްފައިނުވާ އޮރިޖިނަލް ލޯގޯ އަކަށްވުން.
• ލޯގޯ ވާންވާނީ ސްކޭލަބަލް ލޯގޯއަކަށް (ވީޑިއޯއެއް ނުވަތަ ފޮޓޯއެއްގައި ވޯޓަރމާކްއެއްގެ ގޮތުގައި ނުވަތަ ގްރެފިކްސްއެއްގައި ބޭނުންކުރާއިރު އަސްލު ގެއްލިގެން ނުވާނެ).
• ލޯގޯއާއިއެކު ކުލަބުގެ ނަން ލިޔާފައިވާ ލޯގޯގެ ޓައިޕޮގުރަފީ ހިމަނާފައިވާ ލޯގޯތަކަސް އިސްކަންދެވޭނެއެވެ.
• އެނިމޭޓްކުރެވޭނެ ގޮތަށް ލޭޔަރތައް ވަކިކުރެވިފައި ހުރުން.
• އެނިމޭޓް ކުރެވިފައިވާ ލޯގޯ ހުށައަޅާފަރާތްތަކަށް އިސްކަންދެވޭނެއެވެ.
• ލޯގޯ ހުށައަޅާނީ ކުލަ އަދި ބްލެކް އެންޑް ވައިޓް  PDFސޮފްޓްކޮޕީއެވެ. (މޮޅުވާ ފަރާތުން ސޮފްޓްކޮޕީގެ ގޮތުގައި އޭގެ އޮރިޖިނަލް އަދި ވެކްޓަރ ފައިލްސް ހުށައަޅަންވާނެއެވެ.(
• ލޯގޯ ޕްރޮފައިލް އެއްހަދާ، ލޮގޯގައި ހިމެނޭ ބައިތަކުން ރަމްޒުކޮށްދޭ ކަންކަމާއި، ލޯގޯގެ މާނަ އެކުލެވޭ ޑޮކިއުމަންޓްއެއް ހަދާ ފޮނުވަން ވާނެއެވެ.
• ކޮންމެ ބައިވެރިއަކަށްވެސް ހުށައެޅީނީ 1 (އެކެއް) ލޯގޯއެވެ. (މެއިލް ފޮނުވާއިރު އެފަރާތުގެ އައިޑީ ކާޑު ކޮޕީ ނުވަތަ ތަމްސީލް ކުރާ ވިޔަފާރި ރަޖިސްޓްރީ ފޮނުވަންވާނެއެވެ)

މިއިޢުލާނާއި ބެހޭ ގޮތުން އެއްވެސް ސުވާލެއް އޮތްނަމަ، މެއިލް މެދުވެރިކޮށް ސުވާލު ފޮނުވަން ވާނެއެވެ. ސުވާލު ފޮނުވާނީ [email protected] އަށެވެ. މެއިލް މެދުވެރިކޮށް ސުވާލު ފޮނުވުމަށްފަހު ރަސްމީ އެއްދުވަސް ތެރޭގައި ސުވާލަށް ޖަވާބު ނުލިބިއްޖެނަމަ، މިކައުންސިލްގެ ނަންބަރު 6560013 އަށް ގުޅުއްވާ އަންގަން ވާނެއެވެ.

ވީމާ، މިކަން ޢާންމުކޮށް އަންގާ އިޢުލާން ކުރީމެވެ.

04  ޛުލްޙިއްޖާ  1445

10   ޖޫން    2024