ޤުރްއާން ކިޔެވުމުގެ 36 ވަނަ ޤައުމީ މުބާރާތުގެ ޤަވާޢިދު

މިއީ ކީރިތި ޤުރްއާނާބޭހޭ ޤައުމީ މަރުކަޒުން އިންތިޒާމު ކޮށްގެން ބާއްވާ ކީރިތި ޤުރްއާން ކިޔެވުމުގެ 36 ވަނަ ޤައުމީ މުބާރާތުގެ ޤަވާޢިދެވެ.

1. މުބާރާތުގެ މަޤްޞަދުތައް:

1.1. ދިވެހިންގެ ހިތްތަކުގައި ކީރިތި ޤުރްއާން ކިޔެވުމަށް ލޯބިޖައްސައި ޤުރްއާން ކިޔެވުމުގެ ފަންނު އާލާކޮށް، ދިރުވައި، ފެތުރުމަށް މަސައްކަތްކުރުން.

1.2. ކީރިތި ޤުރްއާން ހިތުދަސްކުރުމަށާއި، ތަޖްވީދުމަގަށް ޤުރްއާން ކިޔެވުމަށާއި، ކީރިތި ޤުރްއާނުގެ ޢިލްމު އުނގެނުމާއި އުނގަންނައިދިނުމުގެ ރޮނގުން ކުރިއަށް ދިއުމަށް ހިތްވަރުދިނުން.

1.3. ކީރިތި ޤުރްއާން ރައްކާތެރިކުރުމަށް މަސައްކަތްކުރުން.

1.4. ކީރިތި ޤުރްއާން ރީތިކޮށް ކިޔެވުމުގެ މައިދާނުގައި ދިވެހިންގެ މެދުގައި ވާދަވެރިކަން އުފެއްދުން.

1.5. ޤާރީންނާއި ޙާފިޡުން  އުފެއްދުމަށް ބާރު އެޅުމާއި ހިތްވަރު ދިނުން.

1.6. ބައިނަލް އަޤްވާމީ މުބަރާތްތަކަށް ބޭނުންވާ ބައިވެރީންގެ އާރެއް އުފެއްދުން.

1.7. ދިވެހީންގެ އެއްބައިވަންތަ ކަމާއި އެކުވެރިކަން ޤާއިމުކުރުމަށާއި އެކަމުގެ ރޫޙު އަށަގެންނެވުން.

1.8. ދީނީ ހޭލުންތެރިކަން އިތުރުކުރުމަށް ބާރުއެޅުން.

1.9. ދިވެހިރައްޔިތުންނަށް ޤުރްއާން މުބާރާތުގައި ބައިވެރި ވުމުގެ ފުރުޞަތު ދީ، ކީރިތި ޤުރްއާނަށް ހިތް ޖެއްސުން.

1. މުބާރާތުގެ އިންތިޒާމު ކޮމިޓީ:

2.1. ކީރިތި ޤުރްއާން ކިޔެވުމުގެ ޤައުމީ މުބާރާތުގެ އެންމެހައި ކަންތައްތައް ރާވާ، އިންތިޒާމްކޮށް ތަންފީޒު ކުރާނީ އޮނަހިރި އަދަދެއްގެ މައްޗަށް އެކުލެވޭ މެމްބަރުންގެ ކޮމިޓީއަކުންނެވެ. މި ކޮމިޓީގައި ބަޖެޓް، އެކެޑެމިކް، އައި.ޓީ، ޕްރޮކިއުމެންޓު، މީޑިއާ، އަދި އެޑްމިން ދާއިރާގެ ފަރާތްތައް ހިމަނަންވާނެއެވެ. 

1. މުބާރާތް ހުޅުވާލާފައިވާ ފަރާތްތައް:

މި މުބާރާތް އޮންނާނީ ތިން ބަޔަކަށެވެ. އެއީ:

3.1. ޙާފިޡުންގެ ބައި:

މިއީ ތަޖްވީދުގެ ހަމަތަކާ އެއްގޮތްވާ ގޮތުގެމަތިން މުޅި ޤުރްއާން ހިތުދަސް ބައިވެރިންނަށް ޚާއްޞަ ކުރެވިފައިވާ ބައެކެވެ. މުބާރާތުގައި ބައިވެރިވެވޭ ކޮންމެ މުއައްސަސާއަކަށް ވެސް މި ބައިގައި ބޭނުން ޢަދަދަކަށް ޙާފިޡުން ބައިވެރި ކުރެވިދާނެއެވެ. އަދި އަމިއްލަގޮތުން ވެސް މި ބައިގައި ބައިވެރި ވެވިދާނެއެވެ. މި ބައިގައި ބައިވެރި ވުމަށް ޙާފިޡުކަމުގެ ސަނަދު ހުށައަޅަންޖެހޭނެއެވެ.

3.2. ސްކޫލް ކުދިންގެ ބައި:

މި ބައިގައި ބައިވެރިވާނީ، މިނިސްޓްރީ އޮފް އެޑިޔުކޭޝަންގައި ރަޖިސްޓަރީ ކޮށްފައިވާ ރާއްޖޭގެ  ސްކޫލް-މަދަރްސާތަކުގެ ފައުންޑޭޝަން ސްޓޭޖުން ފެށިގެން ކީ ސްޓޭޖް 5 އާ ދެމެދުގެ ދަރިވަރުންނެވެ.

3.3. މުއައްސަސާތަކުގެ ބައި:

މި ބައި ހުޅުވާލައިފައިވާ ފަރާތްތައް:

3.3.1.   ކަމާބެހޭ އިދާރާއެއްގައި އުނގަންނައިދިނުމަށް ރަޖިސްޓްރީކޮށްފައިވާ ޤުރްއާން ކިޔަވާދޭ ތަންތަނަށެވެ. މީގެ ތެރޭގައި ޔުނިވަރސިޓީތަކާއި، ކޮލެޖްތަކާއި، އިންސްޓިޓިއުޓް ނުވަތަ މަރުކަޒުތަކާއި، ޤުރްއާން ކުލާސްތައް ހިމެނެއެވެ. މި ތަންތަނުން މުބާރާތުގައި ބައިވެރި ކުރެވޭނީ، ޤައުމީ މުބާރާތަށް އިޢުލާނު ކުރުމުގެ 3 (ތިނެއް) މަސް ކުރިން އެ ތަނެއްގައި ރެޖިސްޓްރީވެ ކިޔަވަމުންދާ ދަރިވަރުންނަށެވެ.

3.3.2.    ޤުރްއާނުގެ ދާއިރާ، ދީނީ ގޮތުން ހޭލުންތެރި ކުރުވުން އެ ފަރާތެއްގެ މަޤުޞަދުތަކުގެ ތެރޭގައި ހިމެނޭ ކުލަބު ޖަމްޢިއްޔާތައް 

1. މުބާރާތުގެ ގޮފިތައް:

4.1. ބަލައިގެން ކިޔެވުމުގެ ގޮފި

4.2. ނުބަލައި ކިޔެވުމުގެ ގޮފި

4.3. ޙާފިޡުންގެ ގޮފި

1. މުބާރާތުގެ މުޤައްރަރު

5.1. މުއައްސަސާތަކުގެ ބައި:

5.1.1.   ތިން ފޮތުގެ ބައިން ނުބަލާ ކިޔެވުމުގެބަޔާއި، ފަސް ފޮތުގެ ބައިން ބަލައިގެން ކިޔެވުމުގެ ބައިގައި، ބައިވެރި ވެވޭނީ، ޢުމުރުން 15 އަހަރު ނުފުރޭ ނަމައެވެ.

5.1.2.   ހަ ފޮތުގެ ބައިން ނުބަލާ ކިޔެވުމުގެބަޔާއި، ދިހަ ފޮތުގެ ބައިން ބަލައިގެން ކިޔެވުމުގެ ބައިގައި، ބައިވެރި ވެވޭނީ، ޢުމުރުން 20 އަހަރު ނުފުރޭ ނަމައެވެ.

5.1.3.   ދިހަ ފޮތުގެ ބައިން ނުބަލާ ކިޔެވުމުގެބަޔާއި، ފަނަރަ ފޮތުގެ ބައިން ބަލައިގެން ކިޔެވުމުގެ ބައިގައި، ބައިވެރި ވެވޭނީ، ޢުމުރުން 30 އަހަރު ނުފުރޭ ނަމައެވެ.

5.1.4.   ވިހި ފޮތުގެ ބައިން ނުބަލާ ކިޔެވުމުގެބަޔާއި، ވިހި ފޮތުގެ ބައިން ބަލައިގެން ކިޔެވުމުގެ ބައިގައި، ބައިވެރި ވެވޭނީ، ޢުމުރުން 40 އަހަރު ނުފުރޭ ނަމައެވެ.

5.1.5.   ތިރީސް ފޮތުގެ ބައިން ބަލައިގެން ކިޔެވުމުގެ ބައިގައި، ބައިވެރި ވުމަށް ވަކި ޢުމުރެއް ކަނޑައެޅިފައެއް ނުވެއެވެ.

5.1.6.   ޙާފިޡުންގެ ބައިގައި ބައިވެރި ވުމަށް ވަކި ޢުމުރެއް ކަނޑައެޅިފައެއް ނުވެއެވެ.

5.1.7.   މުބާރާތުގައި ބައިވެރިވާ ޢުމުރު ކަނޑައަޅާނީ މުބާރާތް ބާއްވާ މީލާދީ އަހަރުގެ ޖެނުއަރީ 1 ވަނަ ދުވަހާ ހަމައަށެވެ.

5.2. ސްކޫލްކުދިންގެ ބައި:

1. މުބާރާތުގައި ބައިވެރިކުރެވޭނެ ޢަދަދު:

6.1. މުއައްސަސާތަކުގެ ބައި:

މުބާރަތުގައި ބައިވެރި ވެވޭ ކޮންމެ މުއައްސަސާއަކަށް ވެސް މި ބައިގައި ބައިވެރި ކުރެވޭނެ ބައިވެރިންގެ ޢަދަދު ކަނޑައެޅިފައި ވަނީ އަންނަނިވި ގޮތަށެވެ.

6.2. ސްކޫލް ކުދިންގެ ބައި:

6.2.1.   ސިޓީތަކުގެ ސްކޫލްތަކުން ކޮންމެ ސްކޫލެއްގެ އަމިއްލަ ނަމުގައި މުބާރާތުގައި ބައިވެރި ވެވޭނެއެވެ. ސިޓީތަކުގެ ސްކޫލްތަކުން މުބާރަތުގައި ބައިވެރި ވެވޭނެ ދަރިވަރުންގެ ޢަދަދު ކަނޑައެޅިފައި ވަނީ އަންނަނިވި ގޮތަށެވެ.

ނޯޓް: ހަމައެކަނި 1 ކީ ސްޓޭޖް އޮންނަ ސްކޫލެއް ނަމަ، އެ ސްކޫލަކުން 6 ދަރިވަރުންނަށް ބައިވެރި ވެވޭނެއެވެ. އެއީ ނުބަލާ ކިޔެވުމުގެ ބައިން 3 ދަރިވަރުންނާއި، ބަލައިގެން ކިޔެވުމުގެ ބައިން 3 ދަރިވަރުންނެވެ.

ހަމައެކަނި 2 ކީ ސްޓޭޖް އޮންނަ ސްކޫލެއް ނަމަ، އެ ސްކޫލަކުން 6 ދަރިވަރުންނަށް ބައިވެރި ވެވޭނެއެވެ. އެއީ ނުބަލާ ކިޔެވުމުގެ ބައިން 3 ދަރިވަރުންނާއި، ބަލައިގެން ކިޔެވުމުގެ ބައިން 3 ދަރިވަރުންނެވެ. ކޮންމެ ކީ ސްޓޭޖަކުން ގިނަވެގެން 3 ދަރިވަރުންނެވެ.

6.2.2.   ސިޓީތަކުގެ ސްކޫލުތަކުން މުބާރާތުގައި ބައިވެރިވާނީ އެ ސްކޫލެއްގެ ދަރިވަރުންގެ މެދުގައި ބޭއްވިފައިވާ، ސްކޫލު މުބާރާތުން ހޮވޭ ދަރިވަރުންނެވެ.

6.2.3.    ސިޓީތަކުގެ ސްކޫލްތައް ފިޔަވާ އެހެން ސްކޫލުތަކުން މުބާރާތުގައި ބައިވެރި ވާނީ އަތޮޅު ސުކޫލުތަކުގެ މެދުގައި ބޭއްވިފައިވާ އަތޮޅު މުބާރާތުން ހޮވޭ ދަރިވަރުންނެވެ.

6.2.4.   އަތޮޅު މުބާރާތް ބޭއްވުމާއި، ޤައުމީ މުބާރާތަށް ބައިވެރިން ހޮވުމުގެ އިންތިޒާމްތަށް ހަމަޖައްސާނީ އަތޮޅު ކައުންސިލުންނެވެ. 

6.2.4. ޤައުމީ މުބާރާތަށް ބައިވެރިން ހޮވުމަށް ބާއްވާ މުބާރާތްތަކުގެ ނަތީޖާތަކާއި މުބާރާތް ކުރިއަށް ދިޔަ ގޮތުގެ ރިޕޯރޓު ކީރިތިޤުރްއާނާބެހޭ ޤައުމީ މަރުކަޒަށް ހުށަހަޅަން ވާނެއެވެ. މި ރިޕޯރޓް ހުށަހަޅާނީ މުބާރާތުގައި ބައިވެރިން ރެޖިސްޓްރީ ކުރަން ހުށަހަޅާއިރުގައެވެ.

6.3. އަތޮޅު މުބާރާތުން ޤައުމީ މުބާރާތަށް ބައިވެރިން ހޮވާނީ އަންނަނިވި ގޮތަށެވެ.

6.4      މުބާރާތުގައި ބައިވެރިވުމުގެ ޝަރުތުތައް:

6.4.1      ދިވެހި ރައްޔިތެއްކަމުގައިވުން.

6.4.2      މުބާރާތުގައި ބައިވެރިވާ މުއައްސަސާއަކީ، ކަމާބެހޭ އިދާރާއެއްގައި ރަޖިސްޓްރީކޮށްފައިވާ ތަނެއްކަމުގައިވުން.

6.4.3      ސްކޫލަކުން ތަމްސީލު ކުރާނަމަ އެ ސްކޫލެއްގެ ދަރިވަރަކަށް ވުން.

6.4.4      މުބާރާތުގެ ޢާންމު ބައިން ބައިވެރިކުރާ ފަރާތަކީ، ހުށަހަޅާ ފަރާތް ތަމްސީލު ކުރުމަށް އިޢުތިރާޟް ނުކުރާ ފަރާތަކަށް ވުން. އަދި އެހެން ފަރާތަކުން ނަން ހުށަހަޅާފައިވާ ފަރާތަކަށް ނުވުން.

6.4.5      އެއްވެސް ބައިވެރިއަކަށް މުބާރާތުގެ އެއް ގޮތްޕަށް ވުރެ ގިނަ ގޮފީގައި ބައިވެރި ނުވެވޭނެއެވެ.

6.4.6      އެއްވެސް ބައިވެރިއަކަށް މުބާރާތުގެ އެއް ބަޔަށް ވުރެ ގިނަ ބައިގައި ބައިވެރި ނުވެވޭނެއެވެ.

7        މުބާރާތުގައި ބައިވެރިވުން

7.1  މުބާރާތުގައި ބައިވެރިވާން އެދޭ ފަރާތްތަކަށް މުބާރާތުގައި ބައިވެރިވެވޭނީ ކީރިތި ޤުރްއާނާބެހޭ ޤައުމީ މަރުކަޒުން ކަނޑައަޅާ ގޮތެއްގެ މަތިންނެވެ.

7.2  އޮފިޝަލުން:

އޮފިޝަލުންނަކީ ޓީމްތަކާއި ހަވާލުވެގެން ތިއްބަވާ އިސްފަރާތްތަކެވެ. މުބާރާތާ  ބެހޭ އެންމެހައި ކަންކަމުގައި  ޤުރްއާނާބެހޭ ޤައުމީ މަރުކަޒުން މުޢާމަލާތް ކުރާނީ އެ ފަރާތްތަކާއެވެ. ކޮންމެ ޓީމަކާ ޙަވާލުވެގެން ހުންނަވާނީ އެ މުއައްސަސާއަކުން ކަނޑައަޅާ އެންމެ އޮފިޝަލެކެވެ. އޮފިޝަލުންގެ ގޮތުގައި ކަނޑައަޅާފައިވާ ބޭފުޅުންނަކީ މުބާރާތުގައި އެ މުއައްސަސާއަކުން ބައިވެރި ކުރާ ކުދިންގެ ހުރިހާ ޒިންމާއެއް ނަގާނޭ ފަރާތެއް ކަމުގައި ވާން ވާނެއެވެ.

7.3  މުބާރާތުގެ ފަނޑިޔާރުން:

މުބާރާތުގައި ދެ ގޮތްޕަށް ފަނޑިޔާރުންގެ ދެ ކޮމެޓީއެއް އެކުލަވައި ލެވޭނެއެވެ. ކޮންމެ ކޮމެޓީއެއްގައި ތިބޭނީ ތިން ފަނޑިޔާރުންނެވެ. މުބާރާތުގެ ފަނޑިޔާރުންގެ ޕެނަލް އެކުލަވާލާނީ ކީރިތި ޤުރްއާނާބެހޭ ޤައުމީ މަރުކަޒުންނެވެ.

7.4  މުބާރާތުގެ ފަނޑިޔާރުންގެ ޝަރުޠު:

7.4.1      ޤުރްއާން ކިޔެވުމާއި ކިޔަވައިދިނުމުގައި މަދުވެގެން 10 އަހަރު ދުވަހުގެ ތަޖުރިބާ ލިބިފައިވުން ނުވަތަ ޤައުމީ ލެވެލްގެ މުބާރާތެއްގައި މަދުވެގެން 5 އަހަރު ދުވަހު ފަނޑިޔާރުކަންކޮށް ތަޖުރިބާ ލިބިފައިވުން.

7.4.2      ޢުމުރުން 25 އަހަރު ފުރިފައިވާ މީހެއް ކަމުގައި ވުން.

7.4.3      ތަޖްވީދުގެ ހަމަތަކާ އެއްގޮތަށް ކީރިތި ޤުރްއާން ކިޔެވުމުގެ ފަންނުވެރިއަކު ކަމުގައި ވުން.

7.4.4      މުބާރާތަށް ހޮވިފައިވާ އެއްވެސް ބައިވެރިއަކަށް ތަމްރީނުދޭ މީހެއް ކަމުގައި ނުވުން.

7.4.5      މުބާރާތަށް ހޮވިފައިވާ އެއްވެސް ބައިވެރިއެއްގެ އާއިލާ މީހެއް (ބައްޕަ، މަންމަ، އަނބިމީހާ، ފިރިމީހާ، ދަރިން) ކަމުގައި ނުވުން.

8        މުބާރާތުގައި ސުވާލު ކުރެވޭ ގޮތްތަށް:

8.1  ބަލައިގެން ކިޔެވުމުގެ ބައި:

8.1.1      މި ބައިގައި ކުރާނީ 1 ސުވާލެވެ. ސުވާލުގެ ދިގު މިނަކީ 10 ފޮޅުވަތެވެ.

8.2 ނުބަލާ ކިޔެވުމުގެ ބައި:

8.2.1      މި ބައިގައި ކުރާނީ 2 ސުވާލެވެ. ސުވާލެއްގެ ދިގު މިނަކީ 5 ފޮޅުވަތެވެ.

8.3  ޙާފިޡުންގެ ބައި

8.3.1  މި ބައިގައި ކުރާނީ 4 ސުވާލެވެ. ސުވާލެއްގެ ދިގު މިނަކީ 15 ފޮޅުވަތެވެ. 

8.4   މުބާރާތުގެ ބައިވެރިން ކިޔަވަންވާނީ ޙަފްޞު ރިވާޔަތުގެ ޝާޠިބީ ޠަރީޤަށެވެ.

9    މާކްސް ދިނުމަށް ކަނޑައެޅިފައިވާ ގޮތް

9.1  ބޮޑު ކުށަކަށް ކެނޑޭނީ 2 މާކްސް އެވެ.

9.2  ކުޑަ ކުށަކަށް ކެނޑޭނީ 1 މާކްސް އެވެ.

9.3  ބަލައިގެން ކިޔެވުމުގެ ބައި:

9.4  ނުބަލާ ކިޔެވުމުގެ ބައި:

9.5  ޙާފިޡުންގެ ބައި

10       ވަނަތައް ހޮވުމުގެ މިންގަނޑުތައް

10.1                   އެއް ވަނައަށް ހޮވޭނީ %85 އަށް ވުރެ މަތިން މާރކްސް ލިބިގެންނެވެ.

10.2                   ދެ ވަނައަށް ހޮވޭނީ %80 އަށް ވުރެ މަތިން މާރކްސް ލިބިގެންނެވެ.

10.3                   ތިން ވަނައަށް ހޮވޭނީ %75 އަށް ވުރެ މަތިން މާރކްސް ލިބިގެންނެވެ.

10.4                   ވަނަތަކަށް އަންނަ ބައިވެރިޔާ ކަނޑައެޅުމުގައި، އެއް ބައިވެރިއަކަށްވުރެ ގިނަ ބައިވެރިންނަށް އެއްވަރަށް މާރކްސް ލިބިއްޖެ ނަމަ:

• ފުރަތަމަ ބަލާނީ ލަހުނު ޖަލީއަށެވެ. މިބައިން އެންމެ މަތީން މާރކްސް ލިބިފައިވާ ފަރާތަކަށް ވަނަ ލިބޭނެއެވެ.
•  ލަހުނު ޖަލީން އެއްވަރު ވެއްޖެނަމަ، ދެން ބަލާނީ ލަހުނު ޚަފީ އަށެވެ. މި ބަޔަށް ބަލައި މިބައިން އެންމެ މަތީން މާރކްސް ލިބޭ ފަރާތަކަށް ވަނަ ލިބޭނެއެވެ.
• ލަހުނު ޚަފީން އެއްވަރު ވެއްޖެ ނަމަ، ފަޞާޙާގެ ބަޔަށް ބަލައި، މި ބައިން އެންމެ މަތީން މާކުސް ލިބިފައިވާ ފަރާތަކަށް ވަނަ ލިބޭނެއެވެ.
• ފަޞާޙާގެ ބައިން އެއްވަރު ވެއްޖެނަމަ އަޑާއި ރާގަށް ލިބިފައިވާ މާރކްސް އަށް ބަލާ އެންމެ މަތިން މާރކްސް ލިބިފައިވާ ފަރާތަކަށް ވަނަ ލިބޭނެއެވެ.
• މި ހުރިހާ ގޮތަކުން ވެސް އެއް ބައިވެރިއަކަށްވުރެ ގިނަ ބައިވެރިން އެއްވަރު ވެއްޖެ ނަމަ، އެ ހުރިހާ ބައިވެރިންނަށް ވެސް ވަނަ ލިބޭނެއެވެ.

10.5                   މުއައްސަސާތަކުގެ ވަނަ ހޮވުމުގައި ބަލާނީ އެ މުއައްސަސާއެއްގެ ބައިވެރިންގެ ތެރެއިން އެންމެ މަތިން މާރކްސް ހޯދާ 5 ބައިވެރިންގެ ޖުމްލަ މާރކްސްއަށެވެ.

11   މުބާރާތުގައި ހޮވާ ވަނަތައް

11.1                   ޙާފިޡުންގެ ބައިން ހޮވާ ވަނަތައް:

11.2                   ސްކޫލު ކުދިންގެ ބައިން ހޮވާ ވަނަތައް:

11.3                   މުއައްސަސާތަކުގެ ބައިން ހޮވާ ވަނަތައް:

11.4                   ސިޓީތަކުގެ ސްކޫލްތަކުން ހޮވާ ވަނަތައް

11.5                   އަތޮޅުތަކުން ހޮވާ ވަނަތައް

11.6                   މުއައްސަސާތަކުގެ ބައިން ހޮވާ ވަނަތައް

11.7                   މުޅި މުބާރާތުން ހޮވާލެވޭ ވަނަތައް

12       ރައީސުލްޖުމްހޫރިއްޔާ ދެއްވާ ޚާއްޞަ އިނާމު ލިބޭ ފަރާތްތައް

12.1                   މުޅި މުބާރާތުން ބަލައިގެން ކިޔެވުމުގެ ބައިން 1 ވަނަ ބައިވެރިޔާ.

12.2                   މުޅި މުބާރާތުން ނުބަލައި ކިޔެވުމުގެ ބައިން 1 ވަނަ ބައިވެރިޔާ.

12.3                   ޙާފިޡުންގެ ބައިން 1 ވަނަ ބައިވެރިޔާ.

12.4                   މުބާރާތުގައި ބައިވެރިވި ހުރިހާ މުއައްސަސާތަކުގެތެރެއިން 1 ވަނަ މުއައްސަސާ

13   ހެދުން އެޅުމުގެ މިންގަނޑު:

13.1   މުބާރާތުގެ ބައިވެރިން ހެދުންއަޅަންވާނީ ޤުރްއާން ކިޔަވާ ޙާލަތާއި އެކަށީގެންވާ ގޮތަކަށެވެ.

13.2   ސްކޫލުތަކުގެ ބައިވެރިންގެ ހެދުމަކީ ސްކޫލް އޮފިޝަލް ޔުނީފޯމެވެ.

14    މުބާރާތުގައި ދިމާވާ މައްސަލަ ހުށައެޅުން

14.1  ޤުރްއާން މުބާރާތް ހިނގަމުންދާއިރު ދިމާވާ މައްސަލައެއްގައި މުބާރާތުގެ ބައިވެރިއަކަށް ނުވަތަ ބައިވެރި ކުރުވި ފަރާތަށް ހިތްހަމަ ނުޖެހޭކަމެއް ދިމާވެއްޖެ ނަމަ، އެ ކަމެއް ދިމާވާ ސެޝަނެއް ނިމުމުގެ ކުރިން އެ މައްސަލައެއް ބަޔާންކޮށް މުބާރާތުގެ އިދާރީ މޭޒަށް ހުށައަޅަން ވާނެއެވެ.

14.2  މައްސަލަ ހުށަހަޅާނީ މިކަމަށް ތައްޔާރުކުރެވޭ ޚާއްޞަ ފޯމަކުންނެވެ.

15   މުބާރާތުން ވަކިވުމާއި ވަކިކުރުން:

15.1                   މުބާރާތުގައި ބައިވެރިވުމަށްފަހު، މުބާރާތުން ވަކިވާން ބޭނުންވެއްޖެ ނަމަ، އެކަން ބަޔާންކޮށް ލިޔުމަކުން ހުށައަޅާނީ ކީރިތި ޤުރްއާނާބެހޭ ޤައުމީ މަރުކަޒަށެވެ.

15.2                   މުބާރާތުގައި ބައިވެރިވާ އެއްވެސް ފަރާތަކުން މުބާރާތުގެ ޤަވަޢިދާ ޚިލާފަށް އެއްވެސް އަމަލެއް ހިންގައިފި ނަމަ އެ ފަރާތަކާމެދު ޢަމަލުކުރާނެ ގޮތެއް ނިންމާނީ މުބާރާތުގެ އިންތިޒާމު ކޮމެޓީންނެވެ.

16   އެހެނިހެން ކަންތައްތައް:

16.1                   މުބާރާތުގައި ބައިވެރިވުމަށް އަތޮޅުތަކުން މާލެ އަންނަ ފަރާތްތަކަށް (ހަމަޖެހިފައިވާ އުސޫލުތަކާ އެއްގޮތަށް) ކަނޑައެޅިފައިވާ އެލަވަންސެއް ދެވޭނެއެވެ.

16.2                   އެއްވެސް ސަބަބަކާހުރެ ނުވަތަ ޢުޛުރެއް މެދުވެރިވެގެން މުބާރާތުގައި ކިޔެވޭގޮތް ނުވެއްޖެނަމަ ކަނޑައެޅިފައިވާ އެލަވަންސެއް ނުލިބޭނެއެވެ.

16.3                   މުބާރާތުގައި ބައިވެރިވާ ފަރާތްތަކަށް ދިނުމަށް ހަމަޖެހިފައިވާ އެލަވަންސް ދެވޭނީ މުބާރާތުގައި ކިޔަވައި ނިމުމުންނެވެ.

16.4                   މުބާރާތުގައި ކިޔަވައި ނިމުމުން އެނބުރި ރަށަށް ދާން ބޭނުން ފަރާތްތަކަށް އެފުރުސަތު ދެވޭނެއެވެ.

16.5                   މުބާރާތުގެ އިނާމު ދިނުމުގެ ޖަލްސާގައި ބައިވެރިނުވެ އެނބުރި ރަށަށްދާ ފަރާތަކަށް އެޖަލްސާގައި ބައިވެރިވުމަށް މާލެ އައުމަށް ދެވަނަ ފަހަރަށް އެލަވަންސެއް ނުދެވޭނެއެވެ.

16.6                   އެއްވެސް ސަބަބަކާހުރެ މުބާރާތުގެ އިނާމު ދޭ ޖަލްސާއަށް ހާޒިރު ނުވެވިއްޖެ ނަމަ އެފަރާތަކަށް ހައްގު އިނާމު ފަހުން ދޫކުރެވޭނެއެވެ.

ނޯޓް: މިޤަވާޢިދުގައި ހިމެނިފައި ނުވާ ކަމެއް ދިމާވެއްޖެނަމަ، އެކަމެއްގައި ގޮތް ނިންމާނީ ކީރިތި ޤުރްއާނާއިބެހޭ ޤައުމީ މަރުކަޒުންނެވެ.