ރަޖިސްޓްރީކުރުން؛ 

ރަޖިސްޓްރީކުރުން އޮންނާނީ 2024 މެއި 15 ވަނަ  ދުވަހުން  ފެށިގެން 2024 މެއި 23 ވަނަ ދުވަހުގެ  ނިޔަލަށް  ( ރަސްމީދުވަސްތަކުގައި ކޮންމެ ދުވަހެއްގެ 9:00 ން 12:00 ށް) ރަޖިސްޓްރީ ކުރުމަށްއެދޭފޯމް މިއިދާރާއިން ލިބެންހުންނާނެއެވެ. 

ރަޖިސްޓްރޭޝަން ފީ؛ 

ބިޑް ރަޖިސްޓްރީ ކުރެވޭނީ ހުށަހަޅާ ކޮންމެ ބިޑަކަށް -/200ރ (ދުއިސައްތަރުފިޔާ) އަށެވެ. 

ޕްރީބިޑް މީޓިން؛ 

އިތުރު މަޢުލޫމާތު ސާފުކުރުމަށް ބޭނުންވާ ފަރާތްތަކުން 2024 މެއި 30 ވަނަ ދުވަހުގެ 10:00 ގެ ކުރިން ލިޔުމުން [email protected] އަށް މެއިލްކުރެއްވުން އެދެމެވެ. 

ބިޑް ހުށަހެޅުން؛ 

ބިޑްހުށަހެޅުމުގެ ސުންގަޑިއަކީ 2024 ޖޫން 11 ވަނަ ދުވަހުގެ 10:00 ށް 

އެހެނިހެން ކަންކަން؛ 

• ބިޑް ހުށަހެޅުމާއި ބިޑް ކެނޑުން އޮންނާނީ ކުޑަހުވަދޫ ކައުންސިލްގެ އިދާރާގައެވެ. 
• ރަޖިސްޓްރީ ނުކުރާ ފަރާތްތަކުންނާއި ގަޑިޖެހުމަށްފަހު ހުށަހަޅާ އެއްވެސް ބިޑެއް ބަލައެއް ނުގަނެވޭނެއެވެ. 
• ކޮންމެ ބިމަކަށް ބިޑް ހުށަހަޅާނީ ވަކިންނެވެ. އެއްބިމައްވުރެ ގިނަ ބިމަށް 1 ފަރާތަކުން ހުށައެޅިދާނެއެވެ. ނަމަވެސް ކޮންމެ ފަރާތަކަށްވެސް ލިބޭނީ 1 ބިމެވެ. މިނުކުތާގެ މަޤްޞަދަކީ، ގިނަ ފަރާތްތަކަކަށް އޮޑިހަރުގެ ލިބިގެންދިއުމެވެ.
• މި ބިޑާއި ގުޅޭ އެންމެހާ ލިޔެކިޔުން، ބިޑްގައި ރަޖިސްޓްރީވާ ފަރާތްތަކަށް އީމެއިލްގެ ޒަރިއްޔާއިން ފޯރުކޮށްދެވޭނެއެވެ.  ބިޑާއިގުޅޭ މަޢުލޫމާތު ފޯރުކޮށްދެވޭނީ ހަމައެކަނި ރަޖިސްޓްރީވާ ފަރާތްތަކަށެވެ. 
• ބިޑްހުށަހެޅުމުގެ ކުރިން ބިޑާއިގުޅޭ މަޢުލޫމާތު ފުރިހަމައަށް ސާފުކުރުމަކީ ބިޑްހުށަހަޅާ ފަރާތުގެ ޒިންމާއެކެވެ. 
• ވަކި ކަމެއް ކުރުމަށް ބުނެފައިވާ ދުވަހަކީ ސަރުކާރު ބަންދު ދުވަހަކަށް ވެއްޖެނަމަ، ޖެހިގެން އަންނަ ރަސްމީދުވަހަށް އެދުވަސް ހަމަޖެއްސޭނެއެވެ.
• މިއިދާރާގެ ނަންބަރު: D-381/IUL-2024/24 (19މާރޗް 2024) ގެ އިޢުލާނާއި ގުޅިގެން ރަޖިސްޓްރީވެފައިވާ ފަރާތްތަކުން، ރަޖިސްޓްރީވާން އެދޭނަމަ، ރަޖިސްޓްރީ ފީ ދައްކާކަށް ނުޖެހޭނެއެވެ.
• މި އިޢުލާން އާއްމުކުރުމުން މިއިދާރާގެ ނަންބަރު: D-381/IUL-2024/24 (19މާރޗް 2024) ގެ އިޢުލާނާއި، B-381 / I-2020 /  38 (22 ޑިސެމްބަރ 2020) ގެ ބާޠިލްވާނޭކަން އާއްމުކޮށް އަންގަމެވެ.

ވީމާ މިކަން އާއްމުކޮށް އެންގުމަށްޓަކައި އިޢުލާންކުރީމެވެ.