އިޢުލާން

 1445 ވަނަ އަހަރުގެ ރަމަޟާން މަހު ފިޠުރު ޒަކާތު ފައިސާ ބަލައިގަތުމާގުޅޭ

1445 ވަނަ އަހަރުގެ ރަމާޟާންމަހު ފިޠުރުޒަކާތް ބަލައިގަތުން، ރަމަޟާންމަހުގެ 2 ވަނަ ދުވަހުން ފެށިގެން 26 ވަނަ ދުވަހުގެ ނިޔަލަށް ރަސްމީ ބަންދުނޫން ކޮންމެ ދުވަހަކު ހެނދުނު 10:00 ން 12:00 އަށް "އެން.އޯ.ސީ. (ހަތަރުބުރި އިމާރާތް) ހޯލްގެ ގުރައުންޑް ފުލޯ" ގައި އޮންނާނެއެވެ. އަދި މިރަމަޟާންމަހުވެސް އޮންލައިންކޮށް ފައިސާ ބަލައިގަތުމަށް ހަމަޖެހިފައިވާ ކަމުގައި ދަންނަވަމެވެ. އޮންލައިންކޮށް ފިޠުރު ޒަކާތު ފައިސާ ދައްކަވަން ބޭނުންފުޅުވާ ފަރާތްތަކުން، ތިރީގައިވާ އެކައުންޓަށް ފައިސާ ޖަމާކުރައްވައި، ޒަކާތް ދެއްކި އެޑްރެހާއި ގޮވާމުގެ ބާވަތާއި މީހުންގެ އަދަދު ޖެއްސެވުމަށްފަހު 7318831 އަށް ސްލިޕް ވައިބަރ ކުރެއްވުން އެދެމެވެ.

ފިޠުރު ޒަކާތުގެ މިންވަރަކީ 2.4 ކިލޯއެވެ. ޒަކާތް ނެރޭނީ އަހަރުތެރޭގައި އާންމުކޮށް ކައިއުޅުނު ބާވަތަކަށް ބަލައިގެންނެވެ. މިއިދާރާއަށް ފިޠުރު ޒަކާތް ބަލައިގަތުމަށް ހަމަޖެހިފައިވަނީ 2.4 ކިލޯގެ ގޮވާމުގެ މިންވަރަށްވާ ފައިސާއިންނެވެ. ޒަކާތް ދައްކަވަން ވަޑައިގަންނަވާއިރު އެބޭފުޅަކު ދައްކަވަންޖެހޭ އަދަދަށް ފައިސާ ހަމައަށް ހިއްޕަވައިގެން ވަޑައިގެންނެވުމަށް ދަންނަވަމެވެ. ޒަކާތް ދެއްކުމުގައި ވަރަށް ގިނަފަހަރު އޮޅިގެން އެއްގެއަކަށް ދެފަހަރަށް ޒަކާތް ދެއްކޭގޮތް މެދުވެރިވާތީ، ޒަކާތް ދެއްކުމުގެ ކުރިން އެގެއަކުން ޒަކާތް ދައްކާފައި ނުވާކަން ޔަގީންކުރައްވައި ޒަކާތް ދެއްކުމަށް ވަޑައިގަތުމަށް ދަންނަވަމެވެ. ފިޠުރު ޒަކާތުގެ ގޮތުގައި އެކިއެކި ގޮވާމުގެ ބާވަތްތަކުން ދައްކަންޖެހޭ ފައިސާގެ އަދަދުތައް ތިރީގައި އެވަނީއެވެ.