ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު ނަންބަރު 7/2010 ޤާނޫނުގެ 73 ވަނަ މާއްދާއާއި، ކައުންސިލްތަކަށް ދޭ ހިލޭއެހީ ކަނޑައެޅުމާއި، ކައުންސިލްތަކުގެ ބަޖެޓް ތައްޔާރުކުރުމާއި، ބަޖެޓު ތަންފީޒުކުރުމުގައި ޢަމަލުކުރާނެ ގޮތުގެ އުޞޫލުގެ 17 ވަނަ މާއްދާގެ (ފ) ގެ ދަށުން ކުޅުދުއްފުށީ ސިޓީގައި ހިންގަމުންދާ ސަރުކާރުގެ ސްކޫލްތަކުން ހިންގާ މަޝްރޫޢުތަކާއި ހަރަކާތްތަކަށް މާލީ ގޮތުން އެހީތެރިކަން ފޯރުކޮށް ދިނުމަށް ކުޅުދުއްފުށީ ސިޓީ ކައުންސިލުން އެކުލަވާލައިފައިވާ "ސްކޫލް ގްރާންޓް ޕްރޮގްރާމްގެ އުޞޫލު" ކުޅުދުއްފުށީ ސިޓީ ކައުންސިލްގެ 4 ވަނަ ދައުރުގެ 143 ވަނަ ޢާންމު ބައްދަލުވުމުން ފާސްކޮށްފައިވާތީ، މިކަން އާއްމުކޮށް އެންގުމަށްޓަކައި އިޢުލާނުކުރީމެވެ.