އެއްގަމު އުޅަނދުގެ ލައިސަންސް މިކައުންސިލުން ދޫކުރުމަށްވަނީ ހަމަޖެހިފައެވެ. މިގޮތުން ޑްރައިވިންގ ލައިސަންސްދިނުމުގައި ޢަމަލީ އިމްތިޙާންކުރާނެ އެގްޒަމިނަރުން ހޯދަން ބޭނުންވެއެވެ.

ވީމާ މިކަމަށް ޝައުޤުވެރިވެލައްވާ ތިރީގައި މި ދަންނަވާ ޝަރުތުތައް ފުރިހަމަވާ ފަރާތްތަކުން 28 ޖަނަވަރީ 2024ވާ އާދިއްތަ ދުވަހުގެ މެންދުރު 13:00ގެ ކުރިން މި އިދާރާއަށް ސިޓީއަކުން ހުށަހެޅުއްވުން އެދެމެވެ. ސިޓީއާއިއެކު އައިޑީ ކާޑު އަދި ލައިސަންސް ކާޑުގެ ދެފުށުގެ ކޮޕީއެއް ހުށަހަޅަންވާނެއެވެ.

އެގްޒަމިނަރެއްގެ ޝަރުތުތައް

ހ. މަދުވެގެން A0, A1 ގިންތީގެ އުޅަނދު ދުއްވުމުގެ ލައިސަންސް އޮތުން. ( ދުއްވުމުގެ ޢަމަލީ ޓެސްޓް ދެވޭނީ އެ އެގްޒަމިނަރަކަށް ލިބިފައިވާ ގިންތީގެ އުޅަނދުތައް ދުއްވުމުގެ ޓެސްޓެވެ. )

ށ. ފާއިތުވި 3 އަހަރުގެ ދުވަހުގެ ތެރޭގައި ޓްރެފިކް ވައެލޭޝަން ކުށެއްކޮށްފައިވާކަން ސާބިތުވެފައިނުވުން.

ނ. ފާއިތުވި 5 އަހަރު ދުވަހުގެ ތެރޭގައި ޖިނާއީ ކުރެއް ސާބިތުވެފައިވާ މީހަކު ކަމުގައިނުވުން.

ރ. ދޫކުރި ތާރީޚުން ފެށިގެން މަދުވެގެން 5 އަހަރު ދުވަސްވެފައިވާ، އެއްގަމު އުޅަނދު ދުއްވުމުގެ ލައިސަންސް އޮތުން.

ބ. ޢުމުރުން 55 އަހަރު ނުވާ މީހެއްކަމުގައިނުވުން.

ޅ. ލައިސަންސް ދޫކުރާ ސެންޓަރެއްގައި ވަޒީފާއަދާކުރާ މީހެއްކަމުގައިނުވުން.

ކ. ޑްރައިވިންގ ސްކޫލެއްގައި ވޭތުވެދިޔަ 5 އަހަރު އެއްވެސް ހައިޞިއްޔަތަކުން މަސައްކަތްކޮށްފައިނުވުން އަދި މަސައްކަތްކުރަމުންދާ މީހެއްކަމުގައިނުވުން.