އިޢުލާނު

މަޤާމު:

އެޓެންޑެންޓް

މަޤާމުގެ ނަންބަރު:

329161 ޖޭ

ބޭނުންވާ އަދަދު:

01 (އެކެއް)

މަޤާމުގެ ގިންތި:

ދާއިމީ

މަޤާމުގެ ރޭންކު:

އެސް.އެސް.2

މަޤާމުގެ ކްލެސިފިކޭޝަން:

ސަޕޯޓް ސްޓާފް ގްރޭޑް 2

ވަޒީފާ އަދާކުރަން ޖެހޭ ތަން:

އިންދިރާ ގާނދީ މެމޯރިއަލް ހޮސްޕިޓަލް / މެޑިކަލް ސަރވިސަސް ޑިޕާޓްމަންޓް، ސެންޓަރ ފޯރ މެންޓަލް ހެލްތް ޑިވިޜަން، އެޑްމިނިސްޓްރޭޝަން ސެކްޝަން / މާލެ

މުސާރަ:

-/3470 ރުފިޔާ (މަހަކު)

ސަރވިސް އެލަވަންސް:

-/1000 ރުފިޔާ (މަހަކު)

އެހެނިހެން އެލަވަންސް:

ސަޕޯޓިންގ ކޯ އެލަވަންސް: -/1200 ރުފިޔާ (މަހަކު)

ރިސްކް އެލަވަންސް: -/100 ރުފިޔާ (މަސައްކަތަށް ހާޟިރުވާ ދުވަހަކަށް)

ހެލްތް އެލަވަންސްގެ ގޮތުގައި މުސާރައިގެ %35 ލިބޭނެއެވެ.

ސިވިލް ސަރވިސްގެ އެ ރޭންކަކަށް މިނިމަމްވޭޖްގެ ގޮތުގައި ދިނުމަށް ކަނޑައަޅާފައިވާ އަދަދަށްވުރެ މަދުން ލިބޭނަމަ، އެއަދަދު ހަމަކުރުމަށް މިނިމަމް ވޭޖް އެލަވަންސް ހަމަޖައްސައިދެވޭނެއެވެ.

ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ ލިބިލައްވާނެއެވެ.

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

1. ނަފްސާނީ ބަލިމީހުންގެ ފަރާތުން އެއްވެސް ނުރައްކާވާކަހަލަ އަމަލެއް (ބަލިމީހާ ވައިލެންޓްވުން، އަމިއްލަ ނަފުސަށް އަނިއާއެއް ދޭން އުޅުން ފަދަ) ފެނިއްޖެ ހާލަތެއްގައި އެކަން ނަރުހުންނާއި ހިއްސާ ކޮށް ރައްކާތެރިކަމަށް ކުރެވޭމަސައްކަތް ތަކުގައި އަމަލީގޮތުން ބައިވެރިވުން
2. އެނދުމަތިވެފައިވާ ބަލިމީހުން އެނދުގައި ބާއްވައިގެން އެއްފަރާތުން އަނެއްފަރާތަށް ބަދަލުކުރުމުގައި ނަރުހުން އަދި ބަލިމީހާގެ އެހީތެރިންނަށް އެހީވެދިނުން.
3. އެނދުމަތިވެފައިވާ ބަލިމީހުން ސާފުތާހިރު ކުރުމުގައި އަދި އެހެނިހެން ބަލިމީހުން އަމިއްލައަށް ސާފުތާހިރު ވުމުގައި އެހީތެރިވެ ދިނުން
4. ހޮސްޕިޓަލްގެ ޕޮލިސީ ތަކާއި އެއްގޮތަށް، އޯޕީޑީ ކޮޓަރިތައް، ވޯޑުތައް، ހާއްސަ ޔުނިޓްތައް ކުނިކަހާ ފެންފޮތިިލާ ސާފުކުރުން. އަދި މިތަންތަނުގައި ހުންނަ އެނދުތަކާއި، ކަބަޑުތައް އަދި އެހެނިހެން ސާމާނު ސާފުކުރުން
5. ހޮސްޕިޓަލްގެ ޕޮލިސީ ތަކާއި އެއްގޮތަށް، އޮޓޮކްލޭވް ކުރާތަކެތި ސީ.އެސް.އެސް.ޑީއަށް ގެންދިއުމާއި ގެނައުން
6. ޔުނިޓް/ވާރޑްތަކަށް ބޭނުންވާ ތަކެތި ކަނޑައެޅިފައިވާ ގަޑިތަކުގައި ސްޓޯރުން ގެނެސްދިނުން
7. ހޮސްޕިޓަލްގެ ޕޮލިސީ ތަކާއި އެއްގޮތަށް، ވޯޑްތަކާއި އެހެނިހެން ޔުނިޓް ތަކުގެ އެންމެހާ ތަންތަން ސާފުކުރުމާއި ވޯޑްތަކާއި އެހެނިހެން ޔުނިޓް ތަކުގެ ބިންމައްޗަށް އެޅިފައިހުންނަ ނަޖިސްފަދަތަކެތި (ހޮޑު،ލޭ) ވަގުތުން ވަގުތަށް ސާފުކުރުން
8. ބަލިމީހުން އެއްތަނުން އަނެއްތަނަށް ގެންގޮސްދިނުމުގައި އެހީތެރިވުން (އެކްސްރޭ ނެގުމަށް، އެމް.އާރް.އައި ހެދުމަށް، އޮޕަރޭޝަން ތިއޭޓަރަށް ގެންދިއުން، ގޮނޑި/އެނދުގައި އުފުލާ ބަލިމީހުން ޑޮކްޓަރު ކޮޓަރިއަށް ގެންދިއުން)
9. ހޮސްޕިޓަލްގެ ޕޮލިސީ ތަކާއި އެއްގޮތަށް، ޔުނިޓް/ވާރޑްގައި ބޭނުންކުރާ ފޮތިސާމާނު ލޯންޑްރީއަށް ގެންދިއުމާއި ގެނައުން. އަދި ޔުނިޓް/ވާރޑްއިން އުކާލަންޖެހޭ ކުނި އެކަމަށް ޚާއްސަކުރެވިފައިވާ ތަންތަނަށް ގެންދިއުން
10. ހޮސްޕިޓަލްގެ ޕޮލިސީ ތަކާއި އެއްގޮތަށް، ލެބޯރެޓަރީ އަށް ގެންދަން ޖެހޭ ސާމްޕަލްސް ގެންދިއުން.
11. ހޮސްޕިޓަލްގެ ޕޮލިސީ ތަކާއި އެއްގޮތަށް، މެޑިކަލް ރެކޯޑްސްތަކާއި އެހެނިހެން ލިޔެކިޔުންތައް ގެންދަންޖެހޭ ވަކިޚާއްސަ ތަންތަނަށް ގެންދިއުމާއި ގެނައުން.
12. ބަލިމީހުންގެ ބައްޔާގުޅޭ ލިއުންތަކާއި މައުލޫމާތުގެ ސިއްރު ހިފެހެއްޓުން
13. ހާއްސަ ޔުނިޓްތައް ސާފުކުރުމަށް ފޮގްކުރުން ނުވަތަ ކާބޮލައިޒްކުރުން އަދި އެތަންތައް ތައްޔާރުކުރުމަށް ކަނޑައެޅިފައިވާ ވަކި ޚާއްސަ މިންގަނޑުތަކާއި އެއްގޮތަށް މިކަންކަންކުރުން
14. އިންފެކްޝަން ޕްރިވެންޝަން އެންޑް ކޮންޓްރޯލް ގަވާއިދުތަކާއި އެއްގޮތަށް މަސައްކަތުގެ މާހައުލުގައި އަމަލުތައް ބެހެއްޓުން
15. މަސައްކަތު މާހައުލުގައި ބަލިމީހުންނަށާއި އަމިއްލަ ނަފްސު ރައްކާތެރި ކުރުމަށްޓަކައި ހެދިފައިވާގަވާއިދުތަކަށް އަމަލުކުރުން
16. ހުރިހާވަގުތެއް ގައިވެސް ވޯޑު ތެރޭގެ ރައްކާތެރިކަން ބެލެހެއްޓުން
17. އެކި ކަންކަމުގައި ބަލިމީހުންނަށް އެހީތެރިވުން. މިސާލަކަށް ފެންހޫނުކޮށް ތަރުމޯޒަށް އަޅައި ދިނުމާއި ބަލިމީހުން ފާޚާނާ ފަދަ ތަންތަނަށް ގެންދިއުން
18. ޔުނިޓުގައި ރާވާ ތަންފީޒު ކުރެވޭ ވަޒީފާއާއި ގުޅުންހުރި ތަމްރީނު ޕްރޮގްރާމްތަކުގައި ބައިވެރިވުން
19. ހޮސްޕިޓަލްގައި ކަނޑައެޅިފައިވާ ޕޮލިސީ ތަކާއި އެއްގޮތަށް، އިމާރޖެންސީ ހާލަތެއްގައި ހޮސްޕިޓަލުން އަންގައިފިނަމަ އެކަމަކަށް އިޖާބަދިނުން
20. ވޯޑުގައި ބަލިމީހުންގެ ފަރުވާޔަށް ރާވައިގެން ކުރިޔަށް ގެންދެވޭ ހަރަކާތް ތައް ކުރިޔަށް ގެންދިއުމުގައި ޑޮކްޓަރުންނާއި ނަރުހުންނަށް އެހީތެރިވުން
21. މަސައްކަތު މާހައުލުގައި ދިމާވާ ތަފާތު މައްސަލަތަކާއި ގޮންޖެހުންތައް ހައްލުކުރުމުގައި ސުޕަވައިޒަރުންނާއި އެހެނިހެން މުވައްޒަފުންނަށް ދޭންޖެހޭ އެއްބާރުލުން ދިނުން . އަދި ހޮސްޕިޓަލްގައި ކަނޑައެޅިފައިވާ ޕޮލިސީތަކާއި އެއްގޮތަށް، މަސައްކަތު މާހައުލުގައި ހެދުންއެޅުމާއި އަމިއްލަ ސާފުތާހިރުކަން ދެމެހެއްޓުން އަދި މުއާމަލާތް ކުރުމުގައި އިހުތިރާމާއި މަޑުމައިތިރިކަން އިހުތިޔާރުކުރުން
22. ސެންޓަރު އަދި ހޮސްޕިޓަލުގައި ބޭއްވޭ އެކިކަހަލަ މުނާސަބާތުތަކުގައި އެހީތެރިވެދިނުން
23. ސިވިލްސާވިސް ޤަވާއިދާއި، މުވައްޒަފުގެ ވަޒީފާ ބަޔާނަށް ފުށުނާރާނޭހެން ވެރިން ހަވާލުކުރާ އެހެނިހެން މަސައްކަތްތައްކުރުން
24. ނަފްސާނީ ބަލީގައި އެދުމަތި ކުރެވޭ ފަރާތްތަކުގެ ތެރެއިން ފަރުވާއަށް އިންކާރުކޮށް އެއްބާރުލުންނުދޭ ބަލިމީހުން ހިފަހައްޓަން ޑޮކްޓަރުން އަދި ނަރުހުން އެދޭ ހާލަތުގަ ބަލިމީހުން ހިފެއްޓުން

މަޤާމުގެ ޝަރުޠުތައް:

މަގާމަށް ކަނޑައަޅާފައިވާ ޝަރުތު:

ލިޔަން ކިޔަން އެގުން.

ނޯޓް:

ލިޔަންކިޔަން އެނގޭކަން ދެނެގަންނާނީ:

• ސްކްރީން މަރުހަލާގައި ލިޔަންކިޔަން އެނގޭކަން ކަށަވަރުކޮށް ވަޒީފާއޮތް އިދާރާއިން ދޫކޮށްފައިވާ ލިޔުމަކަށް ބަލައިގެންނެވެ.

ނުވަތަ

• ލިޔަން ކިޔަން އެނގޭކަން ބަޔާންކޮށް ދައުލަތުގެ އިދާރާއަކުން ދޫކޮށްފައިވާ ލިޔުމަށް ބަލައިގެންނެވެ.

ނުވަތަ

• ގްރޭޑް 5 ނުވަތަ އެއަށްވުރެ މަތީ ގްރޭޑެއް ނިންމިކަން އަންގައިދިނުމުގެ ގޮތުން ސްކޫލަކުން ދޫކޮށްފައިވާ ލިޔުމަށް ބަލައިގެންނެވެ.

މަގާމުގެ ތައުލީމީ ރޮނގުތައް:

 ނެތް

މަގާމުގެ ޕްރިފަރޑް ޑިސިޕްލިން:

 ނެތް

މަގާމުގެ ކޯ ޑިސިޕްލިން:

 ނެތް

މަގާމުގެ މަސައްކަތުގެ ދާއިރާތައް:

ފޮޅާސާފުކުރުން

ހުށަހަޅަންޖެހޭ ލިޔުންތައް:

1. ފުރިހަމަ ކޮށްފައިވާ ސިވިލް ސަރވިސްގެ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން (https://www.csc.gov.mv/download/2021/84/1e148c34-bc04-4150-9537-29309c104aa7.docx އަދި އިންދިރާގާނދީ މެމޯރިއަލް ހޮސްޕިޓަލުގެ http://igmh.gov.mv ވެބްސައިޓުންނާއި  އިންދިރާ ގާނދީ މެމޯރިއަލް ހޮސްޕިޓަލުގެ 11ވަނަ ފަންގިފިލާގެ ކައުންޓަރުން ލިބެންހުންނާނެއެވެ.)
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

(ހ)  މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ

(ށ)  ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

1. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

(ހ)   ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)   ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ)   އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ)  ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "އުވާލާފައިވާ ތަންތަނުގެ ތަޖުރިބާ އަންގައިދޭ ރެފަރެންސް ޗެކްފޯމް".

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

އެސް.އެސް.1 އަދި އެސް.އެސް.3 އާ ދެމެދުގެ ކްރައިޓީރިއާ

މަޤާމަށް އެދެންވީގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 29 ނޮވެމްބަރ 2023 ވާ ބުދަ ދުވަހުގެ 13:00 ގެ ކުރިން އިންދިރާ ގާނދީ މެމޯރިއަލް ހޮސްޕިޓަލުގެ އީ-މެއިލް [email protected] އަށެވެ.

އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

ނޯޓް: އީ-މެއިލްއިން ހުށަހަޅުއްވާނަމަ ވަޒީފާއަށްއެދޭ ފޯމާއެކު ހުރިހާ ޑޮކިއުމެންޓެއް އެއް ފައިލްއަކަށް ޕީޑީއެފްކުރުމަށްފަހު ފައިލުގައި ހުށަހަޅުއްވާ ފަރާތުގެ ނަމާއި މަގާމުގެ ނަން އަދި އައިޑީ ކާޑްނަންބަރު ހިމެނުމަށް ދެންނެވީމެވެ. ފޮނުވާ އީ-މެއިލްތައް މިހޮސްޕިޓަލަށް ލިބުމުން ( އީ-މެއިލް ފޮނުވި މެއިލްއަށް މިހޮސްޕިޓަލަށް މެއިލް ލިބުނު ކަމުގެ މެއިލްއެއް ލިބޭނެއެވެ.)

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭ 10 ފަރާތެއް ޝޯޓްލިސްޓު ކުރެވޭނެއެވެ.

އިންޓަރވިއުއާއި އިމްތިހާނާއި ޕްރެޒެންޓޭޝަން އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއުއާއި އިމްތިހާން އަދި ޕްރެޒެންޓޭޝަން އޮންނާނީ، 03 ޑިސެމްބަރ 2023ން 20 ޑިސެމްބަރ 2023 އާ ދެމެދު މި ހޮސްޕިޓަލުގެ 11 ވަނަ ފަންގިފިލާގެ ހިއުމަން ރިސޯސަސް ޑިޕާޓްމަންޓުގައެވެ.   

"ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކުރުން

އިންޓަވިއު ބާއްވާތާ ރަސްމީ ބަންދު ނޫން 3 ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކޮށް ފެންނާނެހެން މި އިދާރާގައި އަދި އިދާރާގެ ވެބްސައިޓްގައި އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓު ދެވިފައިވާ ގޮތާމެދު ޝަކުވާއެއް އޮތްނަމަ A2 ޝީޓު އާންމުކުރާ ދުވަހުން ފެށިގެން ރަސްމީ ބަންދު ނޫން 3 ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3335234 އަށެވެ. އީ-މެއިލް ކުރާނީ [email protected] އަށެވެ.

ސިވިލް ސަރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގެ މިންގަނޑުތަކާއި އުޞޫލުތައް އަދި އެ އުޞޫލުތަކާ ގުޅުންހުރި އެންމެހައި ލިޔުންތައް ސިވިލް ސަރވިސް ކޮމިޝަނުގެ ވެބްސައިޓްގެ އުޞޫލުތައް "ރެކްރޫޓްމެންޓް އުޞޫލު" (https://www.csc.gov.mv/Policy/Index/51) އިން ލިބެން ހުންނާނެއެވެ.