މިއިދާރާގެ އެކެފަރު ދޯނި މަރާމާތް ކުރުން

މިއިދާރާގެ އެކެފަރު ދޯނީގައި ކުރަންހުރި ތިރީގައި މި ބަޔާންކުރާ މަސައްކަތްތައް އަމިއްލަ ތަކެތީގައި ކޮށްދޭނެ ފަރާތެއް ހޯދުމަށް މިއިދާރާއިން ކުރި ނަންބަރު. IUL)241-A/INDIV/2015/01)ފ(2015-01-21) އިޢުލާނުގައި ބަޔާންކުރަންޖެހޭ ބައެއް މަޢުލޫމާތުތައް މަދުވާތީ އެ އިޢުލާން ބާޠިލުކޮށް، އަލުން އެމަސައްކަތަށް އިޢުލާންކުރަމެވެ.  

ވީމާ، މިމަސައްކަތް ކޮށްދިނުމަށް ޝައުޤުވެރިވާ ފަރާތްތަކުން 03 ފެބުރުވަރީ 2015 ދުވަހުގެ 11:00 އަށް މި އިދާރާއަށް ދުރުވެ މަޢުލޫމާތު ސާފުކުރެއްވުމަށްފަހު، މަސައްކަތް ކޮށްދެވޭ އަގު ބަޔާންކޮށް އަންދާސީހިސާބު 05 ފެބުރުވަރީ 2015 ދުވަހުގެ 11:00 އަށް މިއިދާރާއަށް ހުށަހެޅުއްވުން އެދެމެވެ. މަޢުލޫމާތު ސާފުކުރުމަށް ވަޑައިނުގަންނަވާ ފަރާތަކަށް އަންދާސީހިސާބު ހުށަހެޅުމުގެ ފުރުޞަތެއް ނޯންނާނެއެވެ.

މާކްސް ދެވޭނެ ގޮތުގެ ތަފުސީލު

• ބިޑް އިވެލުއޭޓް ކުރާނީ ގއ. އަތޮޅުކައުންސިލް އިދާރާއިން ހޮވާލެވިފައިވާ ބިޑް އިވެލުއޭޝަން ކޮމިޓީއަކުންނެވެ.
• މަސައްކަތުގެ އަގަށް   %75 މާކްސް
• މުއްދަތު :        % 10 މާކްސް
• ތަޖުރިބާ :        % 15 މާކްސް

ކުރަންހުރި މައިގަނޑު މަސައްކަތް

• ދޯނީގެ ސަތަރި ހަރުކުރާ ލަކުޑި ފުރޭމް މަރާމާތުކޮށް ސަތަރި ހަދައި ސަތަރި އެޅުން.
• ދޯނީގެ ވަށާޖަހާފައިވާ ލަކުޑި ޗެންޗޭނުގައި ފީވެ ހަލާކުވެފައިވާ ތޭރިތައް ނަގައި މަރާމާތުކުރުން.
• ދޯނީގެ އެކޮޑަމޭޝަން ބައިގައާއި، އަދި އެހެނިހެން ތަންތަނުގެ ދޮރާއި ދޮރުފަތް މަރާމާތުކުރުން.
• ދޯނީގެ ދަވާދު ލުން.

މިހެންވެ މިކަން ޢާންމުކޮށް އެންގުމަށްޓަކައި އިޢުލާންކުރީމެވެ.

09 ރަބީޢުލްއާޚިރު 1436