މިރަށު ބަނދަރުގެ ހުޅަނގު ދެކުނުކޮޅުގައި ( ކުޅިވަރުބިމާޖެހިގެން އައުޓްލައިން ޗާރޓްގައި ފާހަގަ ކުރެވިފައިވާ ) އޮތް ބިމުން 25000 އަކަފޫޓުގެ ބިމެއް CSR ކޮމްޕޯނެންޓުގެ ދަށުން މިނީޓަރފް ދަނޑެއް ހަދައި ކޮމްޕްލީޓް ކޮށްދޭނެ ފަރާތަކަށް ވިޔަފާރި އުޞޫލުން ކުއްޔަށް ދިނުމަށް ފުރުޞަތު ހުޅުވާލަމެވެ. 

ވީމާ، މިކަމަށް ޝައުޤުވެރިވާ ފަރާތްތަކުން " ކުލީބިމަށް އެދޭފޯމު " މިއިދާރާއިން ބައްލަވައިގަތުމަށްފަހު، 15 ޖަނަވަރީ 2015 ވާ ބުރާސްފަތި ދުވަހުގެ 12:00 އަށް ފޯމު ހުށަހެޅުއްވުން އެދެމެވެ. " ކުލީބިމަށް އެދޭފޯމު " ވިއްކާ އަގަކީ -/500ރ ( ފަސްސަތޭކަ ރުފިޔާ ) އެވެ. ފޯމު ވިއްކުމަށް ހަމަޖެހިފައިވަނީ، 6 ޖަނަވަރީ 2015 ވާ އަންގާރަ ދުވަހުން ފެށިގެން 13 ޖަނަވަރީ 2015 ވާ އަންގާރަ ދުވަހާހަމައަށް ރަސްމީ ދުވަސްތަކުގައި ހެނދުނު 09:00 އިން 12:00 އާ ހަމައަށެވެ.

ފޯމު ހުށަހެޅުއްވުމަށް ކަނޑައެޅިފައިވާ ގަޑީގެފަހުން ގެންނަފޯމުތައް ބަލައިގަނެވެން ނޯންނާނެކަން މިފުރުޞަތުގައި ދަންނަވަމެވެ. މިބިމާގުޅޭ އިތުރު މަޢުލޫމާތު ސާފުކުރެއްވުމަށް ގުޅުއްވާނީ ރަސްމީގަޑީގައި 6642024 ނަންބަރު ފޯނަށެވެ.

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.

               14 ރަބީޢުލްއައްވަލް 1436